Geir taler fra Danmark

Þórey elskan

2009-04-06T23:36:00.004+02:00

Hún... aftur!

2009-03-31T23:45:00.002+02:00

Þórey mín

2009-03-16T00:18:00.001+01:00

Gleðilegt nýtt ár!

2009-01-01T01:37:00.002+01:00

Afmælisgjöfin í ár?

2008-12-15T21:32:00.004+01:00

Sjá hér. Fleiri orð óþörf. (Takk Arnar!)

27. desember er dagur afmælispartýs míns. Tölvupóstar og Facebook-boð og jafnvel einstaka SMS-skilaboð og fleira gott væntanlegt (vonandi bráðum) fyrir marga sem þetta lesa, þar sem verður boðið upp á aðeins fleiri smáatriði um hvar og hvenær.

Takk fyrir mig Katrín

2008-12-07T17:17:00.000+01:00

Geir í dag

2008-12-01T19:44:00.000+01:00

Skilaboð frá veislustjóra

2008-11-26T20:55:00.001+01:00

"ég hvet eindregið alla lesendur þessa bloggs til þess að senda mér myndir og grófar gamansögur af Geir á netfangið fjolae@hi.is"

Þess má geta að staður og stund er óstaðfest enn, en milli jóla og nýárs og miðbær Reykjavíkur væri gott gisk!

Ekki-fréttir

2008-11-22T22:02:00.001+01:00

Þótt ekkert sé að frétta þá er sennilega ágætt að smella inn smá frétta-bloggi, þótt ekki sé nema fyrir sjálfan mig.

Seinustu tveir mánuðir hafa aðallega verið vinna með smá djammi. J-dagur með vinnunni, Slipknot-tónleikar í seinustu viku og Slayer-tónleikar í gær, og einhverjir hittingar þess á milli (hittingar af öllu tagi satt að segja). Engar utanlandsferðir sem betur fer, en það breytist á mánudaginn (2ja daga vinnuferð til Parísar). Það er nú það heila.

Jóla-Íslandsferð nálgast, byrjar sennilega 20. eða 21. desember og planið er að vera alveg til 11. janúar.

Afmælispartý? Það er í vinnslu. Ekki satt, fröken veislustjóri?

Nú er hins vegar málið að setja á sig einhver föt og kíkja út í öl eða tvo.

Passið upp á ykkur, og þá sérstaklega á meðan íslenska krónan aðlagast margföldun á magni sínu seinustu ár!

Fyrir Soffíu 3

2008-11-17T22:16:00.003+01:00

Annar titill færslu gæti verið: "Fyrir 20 kg síðan!" Læt núverandi titil samt standa.

Fyrir Soffíu 2

2008-11-10T22:09:00.000+01:00

Vinnuplássið minnkar frá degi til dags

2008-11-04T14:38:00.000+01:00

Fyrir Soffíu

2008-10-21T00:38:00.002+02:00

Íslenska (og alþjóðlega) fjármálakreppan í einni mynd

2008-10-11T00:13:00.004+02:00

Mynd tekin héðan (sem er ljómandi og upplýsandi lesefni).

Ég óska Íslendingum góðs gengis! Ég alvöru.

[Viðbót: Var spurður hvað í fjáranum þessi mynd sýnir svo e.t.v. er við hæfi að útskýra það. Á lárétta ásnum er peningamagn og á lóðrétta ásnum er kaupmáttur hverrar peningaeiningar - skilgreindur sem einn á móti verði. Þegar peningamagn eykst þá minnkar kaupmáttur hverrar peningaeiningar á hverjum tímapunkti. Svona rétt eins og verð á eggjum lækkar þegar framboð eykst m.v. óbreytta eftirspurn. Hagfræðikennslu vantar í íslenskt skólakerfi.]

Smátíningur úr lífi Geirs

2008-09-24T00:04:00.003+02:00

Eitthvað vantar upp á að ég hafi skjalfest daglegt amstur mitt upp á síðkastið og þykir víst sumum nóg um (þótt aðrir fagni). Úr því reyni ég að bæta núna.

Vel á minnst, lastu Morgunblaðið í dag?

Í kvöld eyddi ég tíma mínum á fínum veitingastað með nokkrum úr vinnunni og fólki frá hinu norska fyrirtæki StatoilHydro, sem var á kick-off fundi hjá okkur í dag. Það verður nóg að gera í haust!

Fimmtudegi og föstudegi auk stærstum hluta næstu viku eyði ég til skiptist á hótelherbergi og í verksmiðju okkar í Kalundborg á Vestur-Sjálandi. Það verður nóg að gera í haust!

Gærdeginum eyddi ég öllum, frá kl 7:30 til 22:30, í vinnunni. Sunnudagskvöldinu (og -nóttunni) eyddi ég hjá Daða, sem er svo gott að hafa aftur í landinu. NFL var þemað og kvöldið var ljúft (og vonandi ekki hið seinasta af sama tagi í haust!). Takk fyrir gistinguna og kvöldið, ljúfur!

Seinustu viku (8 dagar raunar) eyddi ég að mestu (til skiptis með vinnu) með minni elsku systur, mínum elsku bróður og minni elsku móður sem voru í Köben-heimsókn. Betri, afslappaðri og þyrstari félagsskapur finnst varla og ég er hreinlega í skýjunum yfir veru þeirra í minni borg í svona langan tíma! Takk fyrir ykkur æðislega fólk!

Lýkur þar með fréttatímanum og hefst nú niðurtalning í háttatíma.

Hvað segið þið annars gott?

Þessa klikkhausa ætla ég að sjá 13. nóv.

2008-08-31T15:34:00.001+02:00

Svefn er sæla

2008-08-24T13:36:00.002+02:00

Sunnudagur til silfurs, er það ekki eitthvað sem má segja núna? Ekki hefur íslenska landsliðinu í handbolta vantað athyglina hérna í Danmörku og einn vinnufélagi skrifaði til mín í morgun, "Har spillet en formue på Island", átsj!

En svo ég reki skrefin aftur á bak í gegnum seinustu vikur;
- Sommarfest í vinnunni á föstudag var stórkostlega skemmtileg. Ég sagði eitt eða tvennt vandræðalegt við hina og þessa og fékk að heyra ekki færri vandræðaleg ummæli frá vinnufélögum (þar á meðal fjármálastjóranum sem var svolítið krípí). Vinnudjömm á mínum vinnustað klikka hreinlega ekki!
- Náði svo gott sem eðlilegri vinnuviku með 45 vinnutímum sem að mestu fóru í að undirbúa næsta þriðjudag (fundur í Noregi, ullabjakk).
- Seinasta helgi var löng og ljómandi góð með góðu fólki í borginni. Horfðum á Ísland gera jafntefli við Dani sem var svo ágætt á þéttsetnum O'Learys-bar og hverju einasta marki var fagnað (Danir og Íslendingar á svæðinu í nokkurn veginn sama fjölda). Djamm og þynnka og allt saman gott mál.
- Þarseinastu viku var meira og minna eytt í Noregi að fylgjast með örlitlu krísu-verkefni í vinnunni. Enginn minna yfirmanna kom með svo ég var því maðurINN sem sagði já og nei og gaf fyrirmæli og deildi út verkefnum. Það venst alveg ágætlega!

Ekki vantar ævintýrin framundan. Ég þarf að klára smá Noregs-ferð og þá er kominn miðvikudagur. Ég veit satt að segja ekki hvort ég komist til Íslands um næstu helgi sem mig langar samt svo einlæglega til. Búið að bjóða mér í þrítugsafmæli í byrjun september sem mig langar líka alveg rosalega til að komast í. Systa, brósi og mútta verða í Kaupmannahöfn alla aðra viku september og þá er létt að forgangsraða tíma sínum. Mikið og margt að gera og sem er hægt að gera en erfitt að taka skrefin af ýmsum ástæðum. Úff!

Annars lítur út fyrir að ég eigi núna framundan hinn rólegasta sunnudag án þynnku eða þreytu. Ljómandi, og verða það lokaorðin í bili.

Ólafsvaka var æðisleg

2008-08-09T15:13:00.002+02:00

Núna er ég að mestu búinn að endurheimta fulla heilastarfsemi eftir ofsalega Ólafsvöku. Á ég myndir? Nei ekki ennþá. Myndavélasnúran mín týnd og mér bent á að kaupa snúru sem var svo ekki rétt og ég því á byrjunarreit aftur.

Vinnuvikan var góð og afslappandi á sinn stressandi hátt. Á mánudaginn flytur fyrirtækið í nýja byggingu og sá dagur fer því sennilega í að leita að snúrum. Á mánudagskvöldið fer ég til Noregs á vegum vinnunnar og mun því búa á hóteli í næstu viku (í 2-4 daga, óvíst enn).

Noregur - París - Litháen - Ísland - París - Ísland - Færeyjar - Noregur - ...

Já millilandaflakkið orðið töluvert í ár og ennþá nóg eftir!

Hef annars ekki mikið í fréttahorninu. Hvernig eruð þið að fara með ykkur?

Færeyjar nálgast!

2008-07-24T15:53:00.001+02:00

Drengirnir komnir til Köben - flug í fyrramálið - Færeyjar í viku. Ég hlakka til! Þetta verður ofsi í öllum skilningi orðsins!

Það verður líka ágætt að sleppa úr vinnunni í dag og ekki bara af því hitastigið er að banka á 30 gráðurnar. Aldeilis ekki. Um leið og ég er búinn að móttaka póst með ákveðinni skýrslu, ræða hana við forstjórann og sennilega halda smá símaráðstefnu með viðskiptavini þá þarf ég sennilega á miklu magni áfengis til að komast á jörðina aftur.

Ísland í seinustu viku var ákaflega ljúft. Vinnuvikan var í rólegri kantinum í Vestmannaeyjum og helgin blaut og sólrík. Gerist það betra?

Hvað um það. Ég verð fjarri tölvu næstu daga en ekki síma. Þá veit alheimur það.

Góðar stundir!

Ógurlegur í Eyjum

2008-07-18T19:52:00.001+02:00

Ísland fram á sunnudagssíðdegi

2008-07-14T20:57:00.002+02:00

Er á útleið (frá Hótel Plaza, Aðalstræti) en rétt næ að henda því inn að ég hef fengið Íslandsferð mína framlengda fram á sunnudagssíðdegi og býst því fastlega við því að einhver djammplön verði föndruð fyrir föstudags- og laugardagskvöld!

Verð í miðbæ Reykjavíkur í kvöld, mánudagskvöld, og á fimmtudagskvöldið, en með þeim fyrirvörum sem fylgja því að vera í vinnuferð og þekkja ekki öll plön mín.

Er í stuttu máli laus og liðugur frá því ég tjékka mig út af hóteli á föstudaginn og þaðan út helgina.

Símanúmerið mitt á Íslandi er hið sama og alltaf.

Farið vel með ykkur, og sjáumst (vonandi)!

Ófétið fangað af myndavél

2008-07-12T16:25:00.001+02:00

Mynd í boði frænku minnar.

Nýtt Íslandsplan

2008-07-12T16:02:00.002+02:00

Ferðaplön á vegum vinnunnar eiga það til að breytast hratt með stuttum fyrirvara og á það til dæmis við um Íslandsferðina. Hún flyst nú um einn dag og nær því frá mánudagssíðdegi til föstudagssíðdegis, þar sem gist er í Reykjavík á mánudags- og fimmtudagskvöldið.

Þið eruð hér með upplýst.

Ég er megaþunnur eftir vinnudjammið og vona því að Gauti verði ekki of harkalegur við mig í kvöld og nótt!

Frænka mín og vinkona hennar gerðu danska karlmenn alveg óða í gærkvöldi. Ég hef ekki séð annað eins aðdráttarafl síðan ...tjah ....ég hef ekkert hliðstætt dæmi!

"Jeg elsker dig" fékk ég að heyra í gær án mjög mikilla frekari skýringa. Það var athyglisvert.

Ég hef ekki verið heima og vakandi á opnunartíma Netto í um 2-3 vikur. Núna er ég heima og vakandi og tæpur klukkutími eftir af opnunartíma Netto. Ljómandi.

Núna þarf ég, sem viðskiptavinur Landsbanka Íslands búsettur í útlöndum, allt í einu að byrja nota auðkennislyklaógeðið! Svei þeim!

Hið árlega hótunarbréf LÍN vegna tekjutengdu afborgunarinnar í september er komið. "Ef þú gerir ekki eins og við segjum þá getum við skv. 10. gr. laga 21/1992 mergsogið þig þurran án þess að þú getir nokkuð í því gert!" Já, gott hjá ykkur. Af öllum skuldunautum mínum í gegnum tíðina þá hef LÍN verið sá óhagganlegasti og verstur í viðmóti. Af öllum skuldum sem ég hef haft hlakka ég mest til að losna við skuldina við LÍN.

Gauti er hetja fyrir að reyna vekja mig á laugardegi daginn eftir föstudagsfyllerí hjá mér. Daði veit hvað það getur verið erfitt (ómögulegt?). Núna veit Gauti það kannski líka. Því miður.

Fleira er ekki í fréttum í bili. Farið vel með ykkur!

Svo það sé skjalfest

2008-07-08T23:14:00.004+02:00

Hér er að finna a.m.k. eina rangfærslu og eitt annað atriði sem er til merkis um takmarkaða heimildaöflun fréttamanns. Þá er það skjalfest!

En úr því bloggerinn er opinn þá er að henda út frásögn frá seinustu dögum og þéttu plani næstu daga svona til að hafa það lifandi í minningunni:

Kom heim eftir Hróaskeldu rétt fyrir miðnætti á sunnudagskvöldið (eftir drykkju allan daginn) - svaf aðeins lengur og náði hádegismatnum í vinnunni á mánudeginum - var eins og draugur í vinnunni en þó ekki alveg gagnslaus - hitti Herstein og frú beint eftir vinnu og drakk smá bjór með þeim (undir mótmælum til að byrja með) - kom heim rétt fyrir miðnætti og svaf ljómandi vel þrátt fyrir óendanlegan hita og raka í Danmörku - náði 12 tíma vinnudegi í dag og er núna bæði vakandi og heima hjá mér í fyrsta skipti síðan ég man ekki hvenær (sunnudagskvöld seinustu viku kannski?).

Fjörið endar ekki við þetta. Á morgun hitti ég Herstein og frú aftur beint eftir vinnu og stefni á smá sötur með þeim. Venjulegur vinnudagur á fimmtudaginn og flug til Parísar á fimmtudagskvöldið. Fundur í París á föstudaginn, flug heim um kvöldið og beint á vinnudjamm og hitting með Gauta sem verður þá staddur í Köben. Sennilega hitti ég eitthvað meira á þann ágæta mann um helgina og á sunnudagskvöldið hefst fjögurra daga ferð til Íslands með heimferð seinnipartinn á fimmtudaginn, og hvað þá? Fríkvöld? Það væri sosem ekkert óvinsælt, en sjáum hvað setur.

Yfir og út og farið endilega betur með ykkur en ég fer með mig!

Barnið mitt er komið til Eyja

2008-07-03T10:31:00.003+02:00

Mikið er ánægjulegt að sjá að barnið mitt er komið til til Íslands og fær nú brátt að leggjast á hafsbotninn milli lands og Eyja. Ég get ekki sagt að þetta hafi verið mitt léttasta verkefni hjá NKT Flexibles, en það var athyglisvert og lærdómsríkt. Nú er að sjá til hvernig gengur að leggja hið ágæta sveigjanlega rör og svo verð ég viðstaddur þrýstiprófun þegar sá dagur rennur upp. Svít.

Í dag tek ég stuttan vinnudag, kem við í bænum og heima til að kaupa og pakka og held svo til HRÓASKELDU og ég hlakka ekki lítið til! Sólin er í hitakasti og ég er þyrstur!

Yfir og út.

Á ferð og flugi

2008-07-01T19:31:00.003+02:00

Ég ætti e.t.v. að bæta einhverju við seinustu færslu sem var hent inn á annasömum vinnudegi.

Planið er sumsé að ég fljúgi til Íslands sunnudagskvöldið 13. júlí, gisti á einhverju hótelinu í Reykjavík, fljúgi til Vestmannaeyja á mánudeginum, verði þar viðstaddur lokafrágang og þrýstiprófun á nýrri vatnsleiðslu milli lands og Eyja, komi mér til Reykjavíkur á miðvikudeginum (ef engar seinkanir verða), og fljúgi svo til Danmerkur aftur seinnipartinn á fimmtudaginn.

Ekki mikill tími fyrir heimsóknir og hittinga eins og gefur að skilja, en ég eygi smugu eins og planið lítur út í dag!

Ferðalögin enda ekki þar. Hugsanlega þarf ég að vera í París á föstudaginn í næstu viku. Þó bara í einn sólarhring. Það sleppur alveg.

Hróaskelda bankar á allar dyr núna en ég kemst ekki fyrr en á fimmtudaginn einhvern tímann eins og staðan í vinnunni er núna. Ekki alveg óskastaðan með það en ég er að pressa og pressa og eitthvað hlýtur að gefa eftir bráðum! Já, ég veit alveg að vinna er bara vinna og það allt - ég á bara erfitt með að láta svoleiðis tal bíta að ráði í vikum sem þessari.

Færeyjar eru greiddar og niðurtalningin byrjuð. Jess!

Danmörk er svínslega heit núna. Úff.

Fleira er ekki í fréttum.

Vinnuferð til Íslands

2008-07-01T14:00:00.001+02:00

København til Reykjavik

Fly 1

søndag 13. juli 2008

bekræftet

Afrejse:

14:00

København, Danmark -

, terminal 3

Ankomst:

15:10

Reykjavik, Island -

Reykjavik til København

Fly 1

torsdag 17. juli 2008

bekræftet

Afrejse:

16:10

Reykjavik, Island -

Ankomst:

21:10

København, Danmark -

, terminal 3

Fyrir karlmenn sem vantar góðan hvata til að horfa á fótbolta

2008-06-23T00:03:00.001+02:00

Work hard, play hard

2008-06-18T00:21:00.002+02:00

Jahérna hér, það er naumast hvað komandi þrítugsaldurinn er þrátt fyrir allt að gera mig tvítugan. Litháen í langa sukkferð í byrjun maí, Íslands í tæpar tvær vikur í byrjun júní, Hróaskelda í byrjun júli og Færeyjar í viku í lok júlí. Ef nú bara að Ølympics verða líka að veruleika þá held ég að ég geti verið ansi sáttur með yfirferðina á þessu sumri.

Haustið býður svo upp á viku með múttu, systu og brósa í viku og a.m.k. langa helgi með a.m.k. Örvari og Sverri.

Hver segir að aldurinn þýði minna sukk og svínari? Ekki ég! Mér líður eins og nýstúdent með ofvaxinn yfirdrátt (en er verkfræðingur með ofvaxinn yfirvinnutímareikning). Skál fyrir því! Og ykkur!

Hróaskeldu-miðinn er pantaður og greiddur!

2008-06-14T23:07:00.001+02:00

Núna er bara að bíða eftir póstinum með miðann góða!

Ísland hluti 2 og fleira

2008-06-11T20:45:00.007+02:00

Núna er ég búinn að eyða tveimur dögum í að jafna mig líkamlega eftir Íslandsferðina og flug og því ekki seinna vænna en að klára Íslandsannálinn.

Seinasta færsla var skrifuð á þriðjudagskvöldi seinustu viku. Næstu tveir dagar fóru meira og minna í að stússast með mömmu og einnig skrapp ég í gríðarhressandi bíóferð með systu og brósa og leynigestinum Soffíu sætu. Ákaflega ljúft.

Á fimmtudagskvöldinu fengu ég og mamma óvænta heimsókn frá tveimur másandi og móðum herramönnum sem hljóta að eiga sérstyrkt hjól og hljóta að hafa fundið skíðalyftu í Ártúnsbrekkunni (Arnar og Daði). Óvænt og skemmtilegt og mamma er komin í mikil vandræði með að finna tengdarsoninn.

Föstudagurinn var tekinn 'snemma' með frábæru kaffiboði þar sem ég var umkringdur ákaflega vel heppnuðu og skemmtilegu kvenfólki. Kvöldið var engu síðra - sukk og svínarí með Arnari, Daða, Hlyni og Soffíu sætu. Bærinn var vitaskuld heimsóttur, Arnar hitti frænku sína 'ógeðslegu' og ég ~~var hirtur upp úr sukkinu sem var ekki bara ljómandi af því ég slapp þannig við leigubílaröðina. Aldeilis ekki bara ljómandi af þeirri ástæðu einni.~~ ...fann leigubíl!

Laugardagur til þynnku? Já svo sannarlega. Laugardagskvöld til ölvunar? Heldur betur. Eftir ljúffengt slátur hjá ömmu var haldið í Sætúnið en Jóns bauð þar í póker, borgara og bjórdrykkju og reyndist teitið vera bænum fremri og ég fór því ekkert fyrr en ég lagðist upp í þægilegt rúm á öðrum stað.

Sunnudagurinn 'hófst' með kaffi og kökum hjá pabba og endaði á Hótel Mömmu með systkynum mínum og vægum ónotum í maga. Þreyttur skrokkurinn var svo dreginn af stað til Keflavíkur á mánudeginum og síðan þá hef ég reynt að ná áttum í vinnunni, skíta því sem skíta þarf og í kvöld var tekið smá fótboltagláp með Óla og Svenna.

Í Danmörku er alltof heitt núna sem truflar nætursvefninn minn og gerir öll föt óþörf þótt einhverju þurfi ég samt að klæðast af kurteisisástæðum við aðra í kringum mig.

Tölvan heimtar endurræsingu núna og ég læt því staðar numið í bili. Ertu búinn að lesa sunnudagsmoggann seinasta og Þjóðmál?

Hvað tala konur um í fjarveru karlmanna?

2008-06-05T23:36:00.003+02:00

Mola-blogg frá Íslandi 1

2008-06-03T02:27:00.004+02:00

Þá að henda frá mér nokkrum molum frá Íslandsferðinni (so far):

Fyrsti dagurinn á Fjólustöðum - jarðskjálfti sem vaggaði mér varlega í stól út í garði - gláp - vaknað ELDsnemma. Fjólu skutlað í flug. Bíll hennar tekinn. Ekið í vinnu mömmu og lyklar sóttir. Klukkutímablundur. Hádegismatur hjá Stebba - Sölvi hress og Stebbi líka. Ríkið. Blundur. Vakna - sturta - jakkaföt. MR-reunion sem hófst á XY-hitting á Sægreifanum. Mætt snemma í salinn. Kátur. "Ásdís" og "Kjartan". Ölvun. Dansað ('Eclipe of My Heart' fyrir hana Jónu). Bærinn. Funheitt kreditkort (átsj). Haukur sætur á Celtic. Eftirpartý hjá systu. Heim í taxa.

Laugardagur: Vakna við boð um að kíkja í kaffi. Kaffið gott og félagsskapurinn líka (fusion art, hressandi). Heim - sturta - djammföt. Matarboð strákanna hjá Aggú. Gular nærbuxur (og "fíllinn"). Drykkja og spjall í hæsta gæðaflokki. Bær. Ölstofa, Kaffibarinn, Ellefan og kannski eitthvað fleira. Far heim.

Sunnudagur: Vakna við boð um að kíkja í kaffi. Kaffið gott og félagsskapurinn líka. Matur hjá ömmu og afa.

Mánudagur: Erindagjörðir og rúntur með brósa. Kíkt á fallega nýja frænda minn á Álftarnesi. Fjóla og Jenný. Loksins kíki ég á póstinn og MSN í fyrsta sinn síðan á miðvikudagskvöld. Ég er þreyttur en sáttur!

Jæja gott fólk, hvað á að gera um næstu helgi?!

Er að spá í þessari.. hvað finnst þér (vanta)?

2008-05-27T20:10:00.002+02:00

Komponenter
PROCESSOR	Intel? Core™ 2 Duo Processor T5550 (1.83 GHz, 667 MHz FSB, 2 MB L2 cache)
OPERATIVSYSTEM	Original Windows Vista™ Home Premium - Dansk
RO I SINDET	1 års standardgaranti

FARVEVALG	Kamera på 2,0 megapixel og Tuxedo Black CCFL-skærm
LCD	15,4" UltraSharp™ TFT-skærm i bredformat med WSXGA+ (1680x1050) og TrueLife™
BIOMETRISK IDENTIFIKATION	Sort biometrisk fingeraftrykslæser
HUKOMMELSE	4096 MB Dual Channel DDR2 SDRAM på 667 MHz [2x2048]
HARDDISK	250 GB SATA-harddisk (5.400 omdr./min.)
GRAFIKKORT	NVIDIA® GeForce™ Go 8600M GT med 256 MB dedikeret grafikhukommelse
OPTISKE DREV	Fast, slankt 8x dvd+/-rw-drev med slot-loading, inkl. software
PRIMÆRT BATTERI	9-cellet primært lithium-ion-batteri (85 W/t)
Tilbehør
BÆRETASKER	Targus Campus Notebook-rygsæk (XL)
BLUETOOTH	Dell™ Wireless 355 Bluetooth 2.0-modul (op til 3 Mbps) med Enhanced Data rate - Eur
TRÅDLØS FORBINDELSE	Intel® næste generations Wireless-N-minikort - Europæisk - Core 2 Duo Processors
MICROSOFT-PROGRAMMER	Microsoft® Works 9.0 - Danish
Services og Software
DÆKNING AF HÆNDELIGE UHELD	Uden Accidental Damage Support
SIKKERHEDSSOFTWARE	Uden sikkerheds-/antivirussoftware - Dansk

it system
Gedis Bundle Reference	N05X5304
Ordreoplysninger	Inspiron™ ordre - Danmark
Følgesedler	Dansk dokumentation med dansk netledning
Systemmedie	Ressource-dvd - Diagnosticeringsværktøjer og drivere
Modem	Uden modem
Tastatur	Dansk integreret tastatur (QWERTY)
Standardsupport	1 års XPS Premium-garantisupport - Prioriteret opkalds- og onsitesupport
TV-Tuner	Dell™ rejsefjernbetjening
Dell-internetordre	Dell Internet ordre
STRØMFORSYNING	90 watt vekselstrømsadapter med tre ben

Til hamingju!

2008-05-20T22:32:00.004+02:00

Lof mér að byrja á að óska yndislegum frænkum til hamingju með frumburðinn! Lof mér einnig að óska hinu sauðhærða eðalmenni til hamingju með stúlkuna!

Hvað er að frétta? Mest lítið. Ég er kominn í mikinn vinnuham og djammið dettur inn þess á milli og það er ljómandi gott. Sólin lætur nú sjá sig á nánast hverjum degi í mikilli hitasveiflu og ég kvarta ekki yfir því (nema stundum). Lýkur þá fréttatímanum.

Vinnuham segi ég. Sumarið Mikla tekur senn við og hefst að þessu sinni á Íslandsferð á fimmtudaginn í næstu viku. Færeyjar í lok júlí er nú hvorki meira né minna en skjalfest staðreynd þótt örlítil tæknileg atriði séu enn ófrágengin. Stjóri sagði að hann væri í áfalli yfir því að núna tæki ég, sér að óvörum, eitthvað sumarfrí, en ástæðan fyrir því er einföld: Vinnustaðurinn lét fimm frídaga hverfa ólaunaða um seinustu mánaðarmót og ég er ekki sáttur. Eða eins og Daði segir við mig við hvern hitting og í hverju samtali: Ég er að vinna ókeypis fyrir þessi Danafífl!

Súr og bitur? Nei alls ekki og raunar þvert á móti. Í gærkvöldi náði ég á Daða & frú og drakk með þeim tvo belgíska bjóra. Ég er ennþá í góðu skapi eftir þann hitting. Á föstudaginn virðist allt ætla gerast á sama tíma og allt saman gott og það er alls ekki slæm tilhugsun. Seinasta föstudag var frábært vinnufélagadjamm (þar sem ég tók Arnarinn á fjölförnum vegi og týndi kortinu mínu) og yfir því kvartar sálin ekki. Vinnan er hressandi og það er gott. Allt í rjómablómasóma? Allt að því!

En þetta er of mikil jákvæðni. Hvað er að? Mér leiðist að ryksuga en þarf þess bráðum. Mér leiðist hvalblásandi og sísmjattandi skrifstofusessunautur minn en hann flytur bráðum á aðra skrifstofu. Ég sakna (flestra) þeirra sem lesa þessi orð en vonandi fæ ég plástur á það sár í byrjun júní. Já, það er eitt og annað sem mætti laga. Engin spurning.

En áður en ég helli mér í einhverja væmni þá ætla ég að... enda þessa færslu!

Yfir og út.

Ísland í lok maí

2008-05-06T22:02:00.003+02:00

Jæja gott fólk þá opinberast það hér með að ég verð á Íslandi frá 29. maí til 9. júní. Partýið hefst á 10 ára (!!!) MR-reunion þann 30. maí og eftir það standa allar dyr opnar. Partý, einhver?

Eilíft flakk virðist ætla verða þema ársins hjá mér. Nú þegar hef ég farið til Frakklands og Noregs (bæði vegna vinnu), er nýkominn frá Litháen, Ísland heimsæki ég að sjálfsögðu og Færeyjar-ferðin í lok júlí virðist nánast vera skjalfest. Kannski ég kóróni þetta með heimsókn til Berlínar og gott ef ég þekki ekki einhvern í Svíþjóð líka. Nú eða bara láta það flakk duga sem hrein vinnu- og félagsleg skylda krefst.

Ég held að ég sé búinn að ná mér í enn eina fíkn: Ananassafafíkn! Mikið rosalega er þetta góður vökvi!

Litháen-annaáll örstuttur: Bjór á bar á 10 danskar krónur. Sígarettupakkinn á 12 danskar krónur. Mjög mörg skot drukkin. Blackout tvö kvöld af þremur (algjört svartnætti!). Kastali á vatni. Íbúð í Druskin. Íbúð í Vilnius. Mini Cooper. Skógur. Engin nekt í neinu samhengi (svo það sé skjalfest). Typpastytta. Gott veður. Rússar. Sovét-byggingar. Enskumælandi þjóð. Sennilega alveg frábær staður til að senda Íslendinga í frí (bæði í borgarfrí og strandferðalag).

Vinnuveitandi minn komst í fréttir í gær (samanber seinustu færslu) vegna opinberunar á risasamningi við brasílíska olíufélagið Petrobras. Samningur til þriggja ára upp á 1,4 milljarð danskra króna takk fyrir (upphæðin svarar til 140% af ársveltu vinnuveitanda míns í dag!). Nú verður fjör á vinnustaðnum! Ef einhverjum vélaverkfræðingnum vantar vinnu þá er bara að rétta upp litla putta og öll höndin verður rifin af!

En sumsé - Ísland í lok maí. Sjáumst!

NKT Flexibles í fréttum

2008-05-06T12:47:00.000+02:00

Sjá hér. Stuð!

Og þá hefst hasarinn....

2008-04-28T00:01:00.002+02:00

Vorið er tvímælalaust komið. Sólin skín núna frá degi til dags, hitastigið fer hækkandi og dagarnir orðnir langir en það er ekki hið eina. Á morgun negli ég niður tímabil Íslandsdvalar minnar í sumar (mjög sennilega lok maí til byrjun júní), um næstu helgi er löng helgi í Litháen, og kannski fæ ég bráðum staðfestingu á því að ég sé á leið til Færeyja í lok júlí.

Hróaskeldu er ég ennþá að hugleiða. Engin niðurstaða enn sem komið er.

Af fréttum hef ég eitthvað lítið. Vinnudjamm hér og sötur þar. Vinnan ekkert að róast. Svefninn tekur nú við - óþolandi óvæntur frídagur (uppstigningardagur) skýtur upp kollinum á fimmtudaginn og því vissara að hafa vinnudagana langa fram að því, sem hefst með góðum svefni sem senn hefst.

Yfir og út!

Örfærsla

2008-04-19T15:51:00.003+02:00

Svona fyrir sjálfan mig að muna og aðra að sjá þá hér með eftirfarandi upplýsingar um flakk á mér á næstunni:
- Noregur núna frá sunnudagskvöldi til mánudagskvölds.
- Litháen 2.-5. maí
- Kannski og vonandi Ísland í lok maí - lengd Íslandsvistar óviss enn
- Kannski og vonandi og líklega Færeyjar í lok júlí í eina viku

Óvæntar heimsóknir til Köben mega gjarnan lenda á milli þessara tímabila! :)

Undarlegt seinasta föstudagskvöld

2008-04-13T17:20:00.004+02:00

Föstudagskvöldið mitt var vægast sagt furðulegt, eða í það minnsta athyglisvert. Lok vinnuviku hófust, venju samkvæmt, með því að hitta góða vinnufélaga í kjallara vinnustaðar mins og hefja helgina á bjór eða tveimur. Sötrið hófst kl 15 og ekkert annað stóð til að ljúka því um 5-6 leytið og halda heim á leið.

Fólk kom og fór en þegar klukkan var að ganga sex vorum við fimm drengir eftir, allir úr minni grúppu (Pipe Design Group). Núna varð umhverfið orðið aðeins verndaðara, bjórarnir orðnir margir og málbeinið því byrjað að losna. Næstu fimm til sex klukkutímar urðu að miklu sötri (einhver fann skotflösku) og umræðum um, já vitaskuld, vinnuna! (Smá hliðarumræður um hver er ríðulegust á vinnustaðnum og sitthvað fleira í þeim dúr, en aðallega vinnutal.)

Í ljós kemur að piltar þessir eru meira og minna alveg drulluósáttir við stjóra, vinnustaðinn, skýrslu- og ritgerðavinnuna, launin, forgangsröðun, yfirstjórn fyrirtækisins, aðbúnað á vinnustað og ég veit ekki hvað. Meira að segja ég fékk væna sneið sem umsjónarmaður eins "templatesins" okkar (rammi að verklýsingu fyrir verksmiðjuna sem þarf að fylla út fyrir hverja hönnun sem fer í framleiðslu - frekar leiðinlegt plagg get ég alveg játað).

Kvöldið endaði niðrí bæ en skot, mikil bjórneysla og lítill svefn eru ekki bestu vinir mínir svo ég entist ekki lengi þar - hélt því heim á leið í kringum miðnætti minnir mig.

Ég kem út úr þessu óplanaða, óformlega sötri með góðum drengjum með rosalega áttavilltan haus. Er allt svona ómögulegt þarna? Er farið með okkur verkfræðingana eins og skít á meðan verkefnastjórarnir geta unnið stutt og hafa öll völd og baða sig í vellystingum og hrósi viðskiptavinanna?

Ekki hef ég upplifað vinnustaðinn á sama hátt (og mun takmarkaðra þegar ég hef haft álíka upplifanir). Mér finnst við fá mikið frelsi en því fylgir mikil ábyrgð. Ósætti þarf að nefna við stjórann, og ef hann hlustar ekki að taka málið hærra í valdastiganum. Ef ekki er hlustað þá er atvinnuástandið (fyrir vélaverkfræðinga með reynslu) hér í landi einfaldlega þannig að uppsögn er sáraeinfaldur kostur.

Ekki ætla ég að stimpla allt sem ég heyrði sem rangt og ósanngjarnt. Fyrirtækið sem ég vinn hjá er að stækka gríðarlega hratt og verkefnaálagið hefur vaxið jafnt og þétt frá því ég byrjaði þarna. Kannski þarf bara ákveðinn "þroski" að gera vart við sig sem aftur leiðir til að fyrirtækið byrjar að nýta verkfræðinga í verkfræðivinnu og ritara í ritaravinnu. Kannski, en kannski ekki. Það er erfitt að vera verkfræðingur með mörg mismunandi verkefni á sinni könnu - marga verkefnastjóra, marga kúnna og allskonar verkefni sem ekki var hægt að sjá fyrir en þarf engu að síður að leysa. Kannski þurfi að kyngja einhverju af því slæma til að fá eitthvað af því góða. En kannski er hægt að breyta alveg um hugsunarhátt og stokka rækilega upp í verkaskiptingu á vinnustaðnum.

Nú veit ég ekki hvort einhver innbyrt gremja og reiði hafi fengið útrás sem muni á mánudaginn hafa afleiðingar. Kannski fellur allt í ljúfa löð eins og ekkert sé. Kannski fer ég að upplifa uppsagnir í kringum mig því fyrirtækið skellir skollaeyrum við öllum athugasemdum. Sjálfur er ég hálfáttavilltur en sé samt enga ástæðu til að taka sem heilögum sannleik tuð manna sem segja ekki til um gremju sína fyrr en í fjarveru stjóra og eftir 10 bjóra í vernduðu umhverfi, án þess samt að ég vilji stimpla allt tal þeirra sem vitleysu.

Mörg "kannski" hér, en það segir sennilega sitt um áhrif þessa kvölds á haus minn. Sjáum hvað setur þegar mánudagurinn keyrir allt á fullt á ný.

Nokkur orð um Dani

2008-04-10T22:41:00.007+02:00

(Uppfært hlaupandi)

Danir eru vægast sagt áhugaverður þjóðflokkur. Nú verður gerð tilraun til að sýna af hverju.

Það sem Danir halda um sjálfan sig:
- Þeir eru umhverfisvænir; vindmyllur eru góðar, bensín er vont, allir í lestir og strætó því það er umhverfisvænt! CO2-skattar eru góðir fyrir umhverfið
- Gæði ofar öllu; hönnun í fyrirrúmi, merkjavara á húsgögnun og hjólum, eingöngu það besta!
- Góður matur; lífrænt ræktað, grænmeti og ávextir, ekkert rusl!
- Dýrin eru vinir okkar og við förum vel með þau þótt við borðum þau
- Við erum umhverfisvæn og förum með tóm batterí í endurvinnslu
- Danir búa í "velferðarsamfélagi"; þeir ríku og aflögufæru skattleggjast þungt og þeir sem minna mega sín þiggja aðstoð "samfélagsins"
- Danir halda að himinháir skattar séu nauðsynlegir og góðir í velferðarsamfélagi, séu a.m.k. ekki "of" háir

Það sem Danir eru í raun og veru:
- Á mínum 200 manna vinnustað erum við ca. 5-6 sem notum strætó og lestir, 5-10 sem hjóla, og hinir eru á einkabílum (ýkjur en ekki fjarri sanni). Þeir hata hátt bensínverð
- Ódýrt er gott; IKEA er veldi, Fötex og Bilka og Nettó og Superbrugsen eru út um allt en Irma ekki
- McDonalds, perka-pizzur og skyndibiti fóðra Dani að langmestu leyti, offita er "faraldur" í dönskum blöðum
- Danskir grísar alast upp í dauðagildrum og eru teknir af lífi í tonnatali þegar þeir drepast næstum af sjálfsdáðum í svínastíum danskra svínabúa
- Danskir ruslahaugar taka við næstum því hverri einustu rafhlöðu Dana, bæði þeim sem er hent beint í ruslið og hinum sem eru sett í endurvinnslugáma
- Danir kvarta iðulega undan útborguðum launum og yfir því hvað sé tilgangslaust að vinna yfirvinnu því það sé allt étið af "skattefar"

Ég útvíkka þennan lista sennilega þegar ég man eftir fleiri atriðum, en þau eru mörg!

Velkomið sé hið danska vor

2008-04-07T21:28:00.004+02:00

Með þreytu í haus og kók í maga verður nú gerð tilraun til að skrifa á skiljanlegu máli.

Hausinn er þreyttur því ég svaf bara í rúma þrjá tíma í nótt. Ég fór seint að sofa því ég var ekki þreyttur. Ég var ekki þreyttur því ég svaf út í gær. Ég svaf út í gær því ég var þreyttur eftir laugardagsnóttina. Ég var þreyttur eftir hana því ég vakti lengi. Ég vakti lengi því ég var að sulla í áfengi með Óla, Svenna og Daða og á tímabili dönskum stelpum og einni íslenskri á Tattúveruðu ekkjunni. Þreytu dagsins er því hægt að rekja til einhvers mjög jákvæðs!

Sullaði raunar á föstudagskvöldið líka sem gerir þessa helgi að tvöfaldri sullhelgi - nokkuð sem er orðið alltof sjaldgæft á seinni mánuðum! Sullið á föstudaginn fór fram í vodka og Red bull - blanda sem er orðin alltof sjaldgæf í seinni tíð! Fleiri tvöfaldar sullhelgar og fleiri vodka og Red Bull sull - voráheit mitt til mín!

Annars hefur fátt á daga mína drifið, en vissulega gott. Meistaradeildin er loksins byrjuð að snúast um að góð lið slái út góð lið og það leiðir til bjórhittinga með góðum drengjum. Einstaka sinnum eru Ósk og Beta á vegi mínum sem er einnig mjög jákvætt. Vorið er komið (og heldur vonandi) og þykkur jakki því kominn á háan snaga og þunnur jakki á lágan. Tvímælalaust mjög jákvætt það.

Vörubílstjóra-vegtálmar Íslands eiga sér ekki stað í Danmörku. Á móti kemur að með hlýnandi veðri vaknar (atvinnumanna-)atvinnulausa aumingjapakkið úr vetrardvala og fer í götustríð við lögreglu (beint) og saklausa vegfarendur (óbeint). Hvernig tekur hin danska þjóðarsál á skrílnum? Hún gefur honum hús á kostnað skattgreiðenda. Jibbíkóla! "Velferðarríkið" er ræningjaríki og hananú!

En að öðru. Hvernig stendur á því að fólk þrífur ekki upp skítinn eftir hundana sína? Sennilega því það er leiðinlegt að beygja sig niður og þegar hundfjandinn á bara að fá sinn litla labbitúr þá er mest áríðandi að ljúka honum af sem fyrst. Það er annað sem ég skil ekki: Hvernig stendur á því að fólk stoppar þegar hundur þess skítur á gangstéttina, týnir skítinn upp í lítinn, svartan hundaskítspoka, bindur fyrir - og skilur pokann svo eftir á jörðinni?! Eftir allt þetta vesen með að hreinsa upp kúkinn ofan í þar til gerðan poka þá hefði ég haldið að það væri minnsta málið að halda á pokanum að næstu ruslatunnu. En nei. Svo virðist ekki vera. Sumt skil ég ekki. Ég játa það hér með (og enn og aftur).

Annars skynja ég gríðarlega biturð og súrleika í skrifum mínum núna. Ég er ekki í vondu skapi. Síður en svo. Hins vegar fór dagurinn í vinnunni svolítið í taugarnar á mér. Þolinmæði dagsins er uppurin eftir eilífar og endalausar þreytandi spurningar ónefnds vinnufélaga míns í dag og því ekki þér, minn kæri lesandi, að kenna.

Súrleikann þarf ég bara að sofa úr mér, og það tekur bráðum við!

Góðar stundir!

Helgin komin niður, heilastarfsemin komin upp

2008-03-26T19:56:00.007+01:00

Það hefur tekið mig alveg nú fram á fjórða í páskum að hrista helgina úr skrokknum. Hún fór niður með postulínssetu í gærkvöldi og það var hressandi.

Ekki úr vegi að taka stuttan annál: Meistaradeild og bjór með Daða og Svenna á miðvikudagskvöldið og það var ljómandi ágætt. Fimmtudagurinn fór í smálitla tiltekt og eilítið gláp fram að komu Örvars um kvöldið, en bjórdrykkja hófst vitaskuld um leið og sú stund rann upp. Við skruppum aðeins til Daða en þá var hann að laga sér samlokur sem fóru niður og drógu hann með sér svo sötrið í bænum var án hans.

Föstudagurinn var tekinn seint eftir væran svefn. Plön fæddust af sjálfu sér með óvæntu partýboði í það sem reyndist svo verða hið ágætasta partý. Leiðir mínar og Örvars skildust a.m.k. af hressandi ástæðum. Gott að ég gleypti ekki eyrnarlokkinn samt!

Laugardagurinn var einnig tekinn seint eftir væran svefn. Ég man eftir miklum en ósvöluðum kaffiþorsta lengi framan af degi enda ekkert kaffi að fá í lestarferð okkar til Óðinsvéa þar sem Pálmi "frændi" og fjölskylda voru heimsótt. Alveg hreint hrikalega ljúft kvöld það með dýrindis mat og hressu ungabarni og vaxandi bjórsötri sem hélt vitaskuld áfram í lestinni til Köben seinna um kvöldið. Þar beið Daði tilbúinn með vín í maga og við kíktum út á lífið - LA (þar skuldum við barsmíðar) og Skarvinn vitaskuld og sitthvað fleira sem fór samt að renna smátt og smátt í þoku.

Sunnudagurinn var svo kveðjustund hjá mér og Örvari. Takk fyrir mig!

Hvað svo? Bolti og bjór vitaskuld með Daða og Svenna. Gott spjall og fínn bolti (bæði alvöruboltinn og þessi sem spilast í Playstation). Mánudeginum eyddi ég í páskaeggjaát sem var fylgst margsinnis eftir með klósettferðum. Heilsan í vinnunni í gær var ekki upp á marga fiska en góður svefn í nótt bjargaði lífi mínu og afköstin í dag því með eindæmum!

Aldrei þessu vant er ég búinn að bóka mér flugmiða í langa helgarferð. Nei, ekki sú sem líklega verður á dagskrá í lok maí. Þessi er í byrjun maí og í austur en ekki vestur. Ég hlakka til! Fyrstu ólögbundnu frídagar mínir síðan 1. janúar sem er sosem í fínu lagi mín vegna en nánast ástæða til bannfæringar úr dönsku samfélagi sem fer í löng frí fjórum sinnum á ári!

Að lokum vil ég biðjast afsökunar á stanslausu flæði ófrýnilegra linka úr MSN-i mínu alla helgina. Einhver vírus eða róbót á ferðinni sem var á fullu sama hvort ég var við tölvu eða órafjarri, á MSN eða af. Ég vona að ég hafi náð að drepa óþverrann í gær!

Núna er engin ástæða lengur til að enda á að óska Fjólu góðs gengis lengur. Gengið var gott, og til hamingju með það, stúlka!

Eitt og annað en aðallega ekkert

2008-03-18T23:49:00.005+01:00

Velkomin veri hvít jörð í Danmörku. Mikið var gott að finna hálku undir fótum sínum á ný. Íslendingar sitja nú ekki einir að snjónum og vitaskuld kom snjórinn á besta tíma í Danmörku: Þegar Danir voru byrjaðir að hlakka til vorsins.

Í fréttum er það helst að það er ekkert í fréttum. Alveg sérstaklega ekki í þessari viku þegar 70% vinnustaðarins er í löngu páskafríi sem sjálfkrafa sendir mig inn í 13 tíma vinnudaga. Ljómandi, því þá fæ ég völd og áhrif umfram hið venjulega. Ekki svo ljómandi því ég hef ekki verið utandyra í dagsbirtu (að undanskildum hádegishléum þegar ég þarf að labba til og frá mötuneyti) síðan á laugardaginn (sunnudeginum eyddi ég innandyra þar til rökkur skall á - takk fyrir mig, Ósk!).

Svo virðist sem yfirlestrarsæfing mín á vinnustaðnum hafi skilað sér í þónokkuri ánægju með yfirlestur minn á MA-ritgerð nokkuri, sem ekki verður farið nánar út í hér (kúkur laðar að sér flugur, svo ég skýri það aðeins "nánar").

Á fimmtudagskvöldið lendir eins og einn Örvar í Danmörku. Jess!!!

Danska krónan komin í tæpar 16 íslenskar krónur núna sé ég. Kannski ríkisrekin seðlabankastarfsemi og peningaútgáfueinokun hafi sína vankanta þrátt fyrir allt?

Titlarnir hlaðast á mig sem aldrei fyrr. Þeir nýjustu: "Master Pipe checker", "snillingur", "án nokkurs vafa sá besti", "the best brother in the world", og fleira ágætt. Kæra fólk, á að drepa mann með hroka og sjálfsöryggi?! Það verður ófögur sjón!

Skatturinn ákvað að iðrast að hluta fyrir fjárhagslega húðflettingu í fyrra. Það er gott mál, en betra mál væri að hann sæi algjörlega að sér.

Talandi um skatt - best að smella eins og 3 dönskum krónum í ríkiskassann með eins og einum kvöldöl og leggja sig aðeins fyrir lokahasar dauðans í vinnunni á morgun. (Ofan á þær krónur sem ég greiddi með einum síðdegisöl í dag á milli verkefna - leyndó!)

Fjólu óska ég góðs gengis á næstu dögum! Endaspretturinn er hafinn!

Eitthvað fleira? Nei. Yfir og út!

Páskahretið náði líka til Danmerkur

2008-03-18T21:58:00.003+01:00

Sjáið bara hvað litla gatan sem ég bý í var fín í morgun!

Svo virðist sem 'global cooling' (sem vitaskuld er afleiðing 'global warming') hafi líka náð til Danmerkur (og þykka vetrarúlpan var því tekin fram á ný).

Örvar, muna húfu, trefil og hanska!

Sælir eru syfjaðir, eða svona næstum

2008-03-10T23:27:00.003+01:00

Eru allir búnir að kaupa og fá og þar á eftir lesa nýjasta hefti Þjóðmála? Ljómandi ef svo er. Að öðrum ólöstuðum var mín grein sú besta (þurr, troðfull af nýjungum fyrir íslenska lesendur og hlaðin óheflaðri hugmyndafræði). Stórmennskubrjálaði? Kannski.

Mér tókst aldrei þessu vant að hella í mig hellings af áfengi (utan heimilis míns) um þessa helgi, og þá á föstudaginn. Rokkstig kvöldsins enda öll hjá Betu, en Svenni og Jói Ben voru líka hressir. Sá skeggjaði sosem líka (nei, er ekki að meina mig), en í öðrum skilningi. Bærinn samt frekar dapur. Metró endaði á að verða ágætis skjól fyrir ágætis blund á heimleiðinni. Nóg um það.

Betu þakka ég annars fyrir labbitúr sem endaði á því að ég uppgötvaði þetta alveg ljómandi fína kaffihús í litlu göngufæri að heiman. Þynnkumatur og Budvar á krana á skínandi fínu verði.

Á morgun er fundur frá kl 9 til 17 (með smá pásu eftir hádegi til að skreppa á annan fund) með herramönnum frá Hitaveitu Suðurnesja (sem bíða nú í ofvæni eftir nýju vatnleiðslunni sinni milli lands og Heimaeyjar). Lesist: Á morgun verð ég í skyrtu í vinnunni.

Örvar kemur þarnæsta fimmtudag til Köben og tilhlökkun mikil hér á bæ!

Í dag fyllti ég út plagg vegna hins árlega "starfsmannasamtals" míns við stjóra sem ég man ekki hvenær verður haldið í vikunni. Spurt verður hvað ég vil gera, hvernig ég hef "þróast" í starfi, og þar fram eftir götunum. Mikil Dana-reiði var í mér í dag og það endurspeglast tvímælalaust í því sem ég hafði að segja. Nú er að sjá hvað setur.

Fjólu óska ég góðs gengis á næstu (ört fækkandi) vikum!

Eitthvað fleira? Nei. Yfir og út!

Já, ég er bráðlifandi!

2008-03-04T17:13:00.004+01:00

Nú ætla ég að nota tækifærið á meðan þvottavélar berja storknuð bremsuför og svita úr fötum mínum og minna á tilvist mína. Eitthvað hef ég gert lítið af því undanfarnar vikur og lofa í sífellu betrumbótum en núna held ég að taki þetta frá degi til dags án loforða (þeir sem nenna ekki að uppfæra síðu þess í von um uppfærslu - eða skort þar á - geta notast við hina ágætu síðu bloggvakt.is).

Sumsé, ekki mjög mikið að gerast en það er aðallega að þakka gríðarlegri heimasetu minni um helgar og leti við að skreppa út á virkum kvöldum. Ekki alveg nógu gott því í Köben býr nú margt gott fólk sem ég á endilega að nýta mér semí-einokunar-aðgengi að og hitta sem mest.

Þó einhverjar undantekningar: Fimmtudagsöl með Daða í seinustu viku. Smá sötur nú á sunnudagskvöldið (og gríðarleg þreyta í vinnunni í gær). Eitthvað fleira smálegt get ég týnt til en í stórum dráttum hafa vinna og heimili verið mínir einu áfangastaðir. Eftir tvær þreytuhelgar í röð ákvað ég þess vegna um helgina að hafa þessa vinnuviku stutta - helst undir 35 vinnutímum, þar af rétt rúmir 6 tímar í dag. Þarf e.t.v að taka langan vinnudag á morgun en að öðru leyti ætla ég að reyna sem mest ég má að hafa þetta stutt og laggott!

Í nótt var 2-5 stiga frost. Afleiðing: Allt lestarkerfið fór í köku í morgun. Ég fékk að dúsa í meira en klukkutíma á lestarstöðinni og á endanum komast í troðfulla lest sem silaðist á minn áfangastað. Ekki sérstaklega góð byrjun á annasömum degi og ég varð - að sjálfsögðu - alveg snældutrítilóður af bræði! Bar mig samt vel eins og hver annar Dana-maur sem lætur allt yfir sig ganga. Svo hafðist þetta sosem í dag ef undan er skilið að vinnupósthólfið var skilið eftir með haug af óframfylgdum tölvupóstum. Skítt með það. Sólin skín, úti er kalt, vindur enginn, og hver veit nema bolti og bjór verði á dagskrá kvöldsins.

Fylgist spennt með næsta hefti Þjóðmála og látið mig endilega heyra það ef skrif mín í því gleðja eða gera bandbrjáluð.

Fjólu óska ég góðs gengis á næstu vikum!

Eitthvað fleira? Nei. Yfir og út!

Taktlaus vika

2008-02-21T23:00:00.004+01:00

Voðalega virðist ég hafa frá litlu að segja ef marka má bloggleysi mitt upp á síðkastið? Kannski hef ég frá ýmsu að segja en nenni ekki að halda utan um það skriflega? Það væri nú synd og skömm því þetta blogg er jú hálfgerð dagbók mín og um leið upplýsingaveita fyrir ykkur hin sem viljið gægjast inn í líf mitt.

Seinasta helgi var alveg ljómandi! Hún hófst raunar á fimmtudagskvöldinu þegar Stebbi kom og við náðum smá spjalli og sötri. Síðar um kvöldið lenti Fanney frænka ásamt kærasta og smá bjór og einum kebab seinna var haldið til Kristjaníu og þar var sötrað aðeins meira þar til félagar Stebba komu og ég, frænka og kærastinn héldum heim á leið. Föstudagskvöldið fór í alveg ljómandi vinnusötur þar sem ég skilaði mér frekar seint heim, svaf allan laugardaginn (til kl. 19 um kvöldið) og vaknaði nokkuð hress. Um kvöldið var svo sötur, tvær vinkonur frænku og Svenni slógust í för, Skarfurinn heimsóttur og einnig LA bar (vegna dansgólfsins með 'góðu' tónlistinni), símanúmeri bætt í símann, og drykkjuúthald alveg frambærilegt. Sunnudagurinn fór í að túristast með frænku og kærasta og kvöldið í ávallt-hressandi sötur með henni Ósk sem senn kveður Danmörku.

Að sjálfsögðu lét frænka svo kærastann vaska upp eftir helgina svo ég kom heim í íbúð hreinni en ég yfirgaf á mánudagsmorgni. Ljómandi það!

Vinnuvikan hefur vægast sagt verið taktlaus. Mætti ekki fyrr en um 10-11 leytið bæði í morgun og í gær því það var einfaldlega of gaman að hanga á MSN, kaupa vini sína á Facebook, lesa yfir greinina mína sem birtist í næsta vetrarhefti Þjóðmála og almennt bara hanga heim í náttbuxunum án háfleygra áætlana. Gleyma svo að stilla vekjaraklukkuna, eða stilla hana á tímann sem ég hafði í huga sem mætingartíma minn á meðan ég var að setja inn hringitímann.

Hasarinn í vinnunni er samt mikill. Tölvupóstar fljúga á milli mín, Acergy í París, CRP í Englandi, Marintek í Noregi og Dana í Danmörku. Hálfgerð "technical manager" stemming í gangi sem einhverjum Dana fannst ástæða til að hrósa mér fyrir vegna þess að ég var bara 1 klst að pressa Frakka til að lækka einhvern öryggisstuðul og þar með létta líf einnar hönnunardeildar okkar um helling. Já, ég er ekki svo galinn satt að segja!

Daði hefur pantað djamm annað kvöld og það er sjálfsagt að verða við því. Hverjir aðrir, hvar og hvenær og það allt reddast þegar líður á morgundaginn.

Fjólu óska ég góðs gengis á næstu vikum!

Eitthvað fleira? Nei. Yfir og út!

Þá hefst senn litli-föstudagur!

2008-02-14T16:54:00.002+01:00

Mikið rosalega er heiðskýrt í Kaupmannahöfn! Kalt og gluggaveður en heiðskýrt og bjart. Góður dagur til að drekka bjór utandyra!

Innan fárra tíma lenda bæði frænka mín+kærasti og Stebbi skáti og ég sé ekki hvernig það getur þýtt annað en ánægjulegt kvöld. Annað kvöld verður blautur hittingur með vinnufélögum og óplönuð helgi tekur svo við. Ekki neinu að kvíða í stuttu máli!

Vinnan hefur verið ágæt í vikunni. Á mánudaginn byrjaði nýr maður í minni deild sem ég var gerður að "mentor" fyrir og fékk þau fyrirmæli að hann ætti að læra allt sem ég hef á verkefnalista mínum og hreinlega létta byrði mína. Það mun að vísu ekki virka en góð tilraun!

Ég þarf að eiga fleiri sunnudagskvöld eins og það seinasta. Sötur í 6 klst og svo "snemma" heim að sofa fyrir vinnuvikuna - gott mál!

Enn einu sinni treður Dani sér á vinnudagskrá mína til þess eins að verða að flöskuhálsi (veikur, svo í fríi). Greyið viðskiptavinurinn!

Annars heyrði ég rétt í þessu garnir gaula og ætla því að drulla mér í gestagangsgírinn með eins og einum kebab og pilsner í eftirrétt.

Takk fyrir mig!!!

2008-02-06T10:46:00.001+01:00

Í stund milli stríða er sennilega hyggilegt að koma frá sér því sem helgin og seinustu dagar almennt hafa haft upp á að bjóða.

Seinasta vika: Kvef, hor, samt ekki neinn slappleiki, og vitaskuld mætt í vinnuna alla daga. Kvef og hor rann vitaskuld af mér um leið og ég fékk mér nokkra bjóra með Daða og nýkomnum Hlyni á fimmtudagskvöldið. Ég náði því að jafna mig fyrir föstudaginn.

Á föstudeginum mætti systir hress til leiks og systir send norður í Lyngby í DTU-partý og Arnar og Ingi dregnir til leiks og haldið í bát Danna þar sem Norður-Jótar, rassgóðar stelpur og Slagsmála-Hlynur skemmtu öllum í nokkra tíma. Bærinn og Skarfurinn og ungverskar og svört og óvæntur Daði og fleira gott var afgangur kvöldsins þar til systir var aftur mætt til að styðja gamla þreytta bróður sinn heim. Eðalkvöld!

Laugardagurinn hófst vitaskuld á þynnkumat og nokkrum afrétturum á Strædet með Arnari nýklippta og Inga og systir og vinkona hennar mættu í smá ávexti (SMÁ ávexti) til okkar og eftir það tók við Toga-bar.

Toga-bar já. 26 fm! Hef sjaldan heyrt jafnmarga fitubrandara á jafnskömmum tíma í jafnstanslausum straum. Ái hvað mér var orðið illt í andlitinu vegna hláturs (vont að halda brosi svona lengi í einu) og maganum sömuleiðis! Ái!

Hvað svo? Piltar halda til Daða. Ég "skrepp" heim í nokkra tíma. Mæti samt að lokum. Nú var drukkið! Svo mikið að spurningar eins og "hvað var drukkið?" og "hvar?" hafa ekki endilega svo góð og ítarleg svör. Kvöldið endaði samt vissulega hjá Hong Kong - systu ekki hleypt inn "vegna ölvunar" (sem var engu að síður ekki svo mikil) og reiðir dyraverðir í slagsmálaham fengu ekki að berja okkur þrátt fyrir tilraunir til að fá afsökun til þess.

Sunnudagur - sjálfur Superbowl-dagurinn! Mætti sæmilega útsofinn um kvöldið og þá voru piltar mættir og nokkrum þriggja-bjóra-lotum seinna var ég orðinn hress líka. O'Learys sveik ekki (þótt skjávarpinn hafi gert það reglulega) og ölvun varð þónokkur (sérstaklega hjá vinkonu systu). Óvænt úrslit vissulega, sumum til mikillar gremju.

Sam's bar tók við um nóttina og Hong Kong tók við um morguninn og ósofin kl 10 að morgni var systirin kvödd og hún fór í flugið og ég fór að sofa. Kvaddi hinn fallega Hlyn um kvöldið með einum bjór eða tveimur og í gær hófst vinnuvikan. Síðan þá hefur mestallur tími minn farið í fundasetu en það hættir síðdegis í dag.

Lýkur þar með vikuannál mínum. Góðar stundir!

Vinnusturlun

2008-01-31T15:27:00.000+01:00

Let me say iiiiiit!

2008-01-28T23:06:00.001+01:00

Sáttur en símalaus

2008-01-26T22:18:00.000+01:00

Mikið er alltaf gott að koma heim eftir flakk í útlöndum.

París var ljúf og ég er farinn að kunna ágætlega við þessa borg. Að þessu sinni tókst mér líka að gera eitthvað annað en sitja í leigubíl og fundi.

~~Mér tókst nú samt að týna farsímanum mínum í frönskum leigubíl. Vinnusíminn er því mín helsta samskiptaleið við umheiminn núna (ef MSN er undanskilið).~~ (Fannst í hyldýpi troðinnar tölvutösku minnar.)

Ég hitti Gauta í gærkvöldi og hellti í mig áfengi með honum og fleiri góðum drengjum langt fram á nótt. Gauti svíkur aldrei í skemmtanagildi, og ungverskar stúlkur voru ekki til að eyðileggja skemmtunina!

Annars er ég hálfringlaður í hausnum eftir að hafa sofið til kl 21 í kvöld. Ætli Næturvaktin á DVD muni bæta úr því? Ég ætla prófa!

Puðað í París

2008-01-22T23:22:00.000+01:00

Í þessari skrifandi stundu sit ég á hótelherbergi í París, reykjandi sígarettu og drekkandi rauðvín, nýbúinn með seinasta vinnuverkefni dagsins og hlakka til morgundagsins. Þessi vika hjá mér heitir nefnilega "fatigue camp", er hluti ef verkefni sem ég tilheyri og er einskonar tilraun með líkamlega nærveru okkar fyrirtækis og eins ágætis fyrirtækis sem heitir Acergy, og er meðal annars með starfsemi í París.

Þessi litla útlegð er alveg stórgóð og sömuleiðis fræðandi. Franskir verkfræðingar (a.m.k. þeir hjá Acergy) eru engir 35-vinnuviku kettlingar. Þeir eru miklu nær því að vera í 45-50 vinnuvikunni. Hef nú séð það með berum augum tvo daga í röð og hálfskammast mín fyrir að yfirgefa vinnustaðinn milli kl 18 og 19 vegna hungurs.

Hvað um það, ég þarf að huga að svefni. Yfir og út!

300%? Nei varla

2008-01-16T20:33:00.000+01:00

Eftir að ég ákvað um daginn að ég væri alveg afskaplega lítið upptekinn maður þá finnst mér eins og ég hafi endalausan tíma þrátt fyrir að ekkert hafi í raun breyst í kringum mig frá því taldi mig vera ákaflega upptekinn mann! Er þessu að þakka hugarfarsbreytingu hjá mér eða því einfaldlega að ég er ekki mjög upptekinn maður frekar en aðrir í silalegri Danmörku, en hafði látið smitað mig af Dönum sem hafa í raun ekkert að gera, en kvarta samt alltaf yfir tímaskorti?

Ég hallast að seinni skýringunni.

Eitthvað er nú samt í gangi. Í gær vann ég í tæpa 13 tíma án þess að nokkur breyting sæist á verkefnalistanum mínum. Á föstudaginn er bjórkvöld með vinnufélögum og það er hið besta mál og rúmlega það. Í næstu viku verð ég meira og minna í París vegna vinnu. Blendnar tilfinningar til þess. Febrúar er þéttpakkaður. Eirðarleysi er a.m.k. ekki á dagskrá.

Viðurnefnum mínum í vinnunni fer fjölgandi. Um þessar mundir er ég ávarpaður með ýmsu móti, til dæmis: "Mister Præsident", "Mister Kælderpræsident", "Geyser", "Mr. Geir.", "Island", auk hinna hefðbundnu blæbrigða nafns míns, "Gjíír", "Gæjer", "Gjer", "Geijjr" (spænska útgáfan) og "Gjeer" (franska útgáfan). Ekki laust við að ég þurfi að vera á stöðugri vakt til að átta mig á því þegar á mig er yrt!

Mikið er gaman að eiga litla systur. Ég mæli með því fyrir alla!

Húrra fyrir 2008

2008-01-14T19:13:00.000+01:00

Mikið ætlar árið 2008 að fara vel af stað.

Janúar hefur verið svo ágætur í vinnunni (ef frekar eirðarlaus vinnudagur í dag er undanskilinn). Ég hef verið útnefndur "kælderpræsident" og þar með ábyrgur fyrir því að alltaf sé til öl í kjallara vinnustaðar míns að lokinni vinnu á föstudögum. Í viku 4 verð ég í París með vinnutölvuna mína að sitja fundi og reikna þreytuþol til skiptis. Smáverkefnin keyra líka hægt og rólega. Ekkert til að kvarta yfir nema síkvabbandi Danir, venju samkvæmt.

Vökustundir helgarinnar fóru mikið til í áhorf á NFL með góðum piltum, vitaskuld alltaf með áfengi í hönd. Næstu helgar munu sömuleiðis notast í NFL áhorf sem nær hápunkti sínum sunnudagskvöldið 3. febrúar þegar engin önnur en hún systir kemur í Kaupmannahafnar-heimsókn og sjálfur meistari Hlynur. Tilhlökkun: Mikil!

Í byrjun febrúar flytur alveg hreint ágæt stúlka til Köben í nokkra mánuði til að breyta um umhverfi og vinna að lokaverkefni sínu (undir strangri handleiðslu minni). Meðaltals-myndarleiki Danmerkur hækkar töluvert sem afleiðing þess.

Arnar minn er fluttur til Litháen sem er svo gott sem "næsti bær" miðað við verð og ferðatímafjölda til og frá Köben. Hann verður heimsóttur og hann heimsækir okkur Köbenbúa og tilhlökkun vegna þess er, já mikið rétt, mikil!

Stefáni þann 14. febrúar hef ég heldur ekki gleymt. Aldeilis ekki!

Á morgun eru horfur öllu drungalegri. Fulltrúar hins franska olíufélags Total koma til Köben til að skamma okkur í NKT Flexibles fyrir að gera eitthvað annað en þeir vilja, sem er samt ekki mjög skýrt greint frá nema óbeint með því að hafna öllum okkar tillögum. Skyrtan verður tekin fram, sleipiefnið haft við hönd og síðan vonast eftir því besta en búist við því versta!

Ég fór í klippingu um helgina. Umskiptin verða skjalfest á þessum vettvangi eins fljótt og ég nenni.

Hef ég eitthvað fleira að segja? Nei, ekki í bili.

Molar í amstri dagsins

2008-01-07T15:08:00.000+01:00

Hvernig væri nú að byrja vinnuvikuna á eins og einu mola-bloggi? Persónulega finnst mér þau svo skemmtileg (hjá mér)!

Tímabilið kl. 7-9 er það langafkastamesta hjá mér í vinnunni. Enginn Dani mættur í fjögurra manna skrifstofuna sem ég er í og heilinn að veltast um í fyrstu koffínsopum dagsins. Kjörblanda alveg hreint.

Helgin var ágæt. Föstudagurinn var hin fínasta bæjarferð með Hauki, þeirri litháensku og fleirum góðum. Uppsöfnuð þreyta gerði svo að ég svaf af mér allan laugardaginn (frá ca. kl. 6 á laugardagsmorgni til 1:30 eftir miðnætti 19 tímum síðar), missti þar með af Burkna en hann fyrirgefur það vonandi! Í gær voru rólegheit eftir ánægjulega heimsókn. Svo ágætt allt saman.

Ég var að fá að vita að ég slapp við kæru vegna skorts á líkamlegum sönnunargögnum. Sjúkk!

Í dag kemst ég aftur í félagslega einokunaraðstöðu þar sem á tímabili voru aðrir valmöguleikar. Húrra fyrir því!

Gvuði sér lof fyrir sérhæfða reikni-netþjóna!

Í dag endurnýjast hefð frá því fyrir jóla-ferðalag mitt til Íslands: Labb með ákveðnum samstarfsfélaga (Dana) út á lestarstöð, stoppað við í sjoppu á leiðinni, bjór keyptur og hann drukkinn í lestinni á leið í bæinn. Það er á svona dögum sem ég er hvað þakklátastur fyrir bílleysi mitt!

Húrra fyrir Amazon.co.uk sem sendir pantanir af stað daginn eftir pöntun! Húrra fyrir bókunum [1 2] sem ég var að panta (handa mér í þetta skiptið, eða a.m.k. önnur þeirra)!

Ég er orðinn þreyttur. Best að finna sér einhver rólegheit til að dunda sér við í um klukkutíma.

Yfir og út!

Til baka í Baunalandið

2008-01-03T03:53:00.000+01:00

Muna: Sama hversu þreytan er mikil - EKKI fara sofa klukkan 7 að kvöldi til! Það gerir það bara að verkum að ég vakna um miðja nótt, get með engu móti sofnað aftur og núna er ég að spá í að halda út þar til strætó byrjar að keyra og fara í vinnuna eldsnemma í fyrramálið.

Sama var uppi á teningnum í gær og ég var sestur á minn stað í vinnunni klukkan 7 í morgun. Var svo orðinn dauðþreyttur kl 16, fór heim, og gat ekki forðast það að sofna eldsnemma.

Kannski er ekki úr vegi að rifja upp seinustu daga. Seinasta fimmtudag (27. des.) var gríðarhressandi 'reunion' verkfræðiárgangs míns (og rúmlega það) og mikið óskaplega var það skemmtilegur hittingur. Ekki eins skemmtileg var allsherjarlokun alls í Reykjavík á slaginu 1. Hvenær á að kippa þessum asnalega opnunartíma virkra daga í lag á Íslandi?

Föstudagskvöldið var alveg hreint ljómandi sötur með Örvari, Hersteini, Sverri og fleirum sem endaði í bænum þar sem góðir menn voru komnir vel í glas og skemmtistaðurinn (sardínudósin) Ellefan notuð til lokunartíma miðbæjarins.

Laugardagurinn var dagur ónýts skrokks, pökkunar og næturvöku. Allt að því ósofinn var flugið tekið til Danmerkur seinnipart sunnudags og strax á Kastrup hitti ég Daða. Burkna & co. hitti ég síðan um kvöldið og drakk nokkra ljúfa bjóra þar til þreytan kallaði á heimför.

Áramótin á Nýhöfn voru gríðarskemmtileg. Daði er svo ágætur gestgjafi. Úlpunni minni týndi ég tímabundið en mér skilst að hún hafi skilað sér á góðan stað. Haukur og Burkni báðir fallegir venju samkvæmt. Litháensk skot gerðu góða hluti. Flugeldar voru einhverjir á kaupmennskum himni en þó ekkert í líkingu við þann reykvíska. Moose var ljómandi endastöð skemmtistaðaröltsins. Góð áramót!

Vinnuvikan fór ágætlega af stað í dag þrátt fyrir ringlaðan haus óreglulegs svefns. Ég verð hreinlega að plana eitthvað félagslega bindandi annað kvöld til að fara ekki of snemma að sofa aftur!

Næturfjas: Endir.

Íslandsannáll 2

2007-12-27T03:49:00.000+01:00

Hvít jól urðu það þá eftir allt hávaðarokið og rigninguna mína fyrstu viku á Íslandi. Gott mál. Ég kýs fimbulkulda og LOGN fram yfir óþolandi rok og rigningu hvenær sem er!

Alveg hreint var ljúft að hitta piltana sína seinasta fimmtudag. Þeir eru akkeri í lífsins ólgusjó sem ekkert fær haggað!

Á föstudagskvöldið var örlítill jólahlaðborðshittingur frjálshyggjumanna. Það var hressandi kvöld og gott að sjá loksins mörg andlit sem hingað til hafa eingöngu verið sjáanleg sem myndir við hin skynsömu skrif í netheimum og í einstaka dagblaði. Minningum frá seinni hluta kvöldsins er varla til að skipta en vonandi tekur það enginn persónulega.

Frændsystkyni mín í föðurætt héldu teiti á laugardagskvöldinu og ég lýg ekki né ýki þegar ég segi að betur heppnaðan hóp skyldmenna er ekki hægt að finna! Óléttar voru þær nokkrar og árið 2008 verður því gott fyrir kynbætingu Íslendinga. Minningum frá seinni hluta kvöldsins er varla til að skipta en vonandi tekur það enginn persónulega. Eða jú, tók leigubíl heim í fyrsta skipti síðan ég kom til Íslands! Og já, á Sirkus er þjófótt pakk sem ég ætla aldrei að umgangast aftur.

Sunnudaginn nýtti ég í svefn og líkamlega úthreinsun áður en haldið var á Bubba-tónleika um kvöldið. Loksins hitti ég Arnar hinn fagra! Tónleikarnir voru hinir ágætustu en uppdópaðir pabbastrákar enduðu þá lagi eða tveimur of snemma með slagsmálum. Helvítis fífl. Má svo til að segja að ef síkjaftandi óþolandi vanvirðandi fólk er byrjað að venja ferðir sínar á Bubba-tónleika Þorláksmessu þá þarf ég að hugsa mig tvisvar um áður en ég sæki þá aftur!

Aðfangadagur var ljúfur og gott ef pökkunum fer ekki hreinlega fjölgandi með hverju ári! Einn er við hliðina á mér, enn ókominn til eiganda síns, en það vona ég að reddist! Pakkainnihaldið var ljúft svo ekki sé meira sagt. Ég þarf að byrja muna að ef ég bið um eitthvað einfalt og ódýrt þá verður það að dýrri og hátæknilegri gjöf. Hrós fær fjölskyldan fyrir að finna á hverju ári eitthvað sem mig "vantar" þegar ég hef sannfært mig um og gefið út að mig vanti ekkert. Dæmi: Veggklukka, skyrtur, Family Guy nærbuxur og semí-nektarmynd af vini sínum.

Á Jóladag var það jólaboðið hjá ömmu og afa og í ár var 100% mæting, hressandi actionary, gríðargóð stemming, ofgnótt matar og ég í jólasveinahlutverkinu á ný eftir smá hlé. Ég gæti alveg vanist því að hitta mína ágætu ætt aðeins oftar!

Núna er annállinn orðinn alltof margorður. Búið í bili.

Stikkorðin

2007-12-20T01:46:00.000+01:00

Hlynur og Beta (kvikmyndastjarna) á heimavelli í Fjarhitun eru fögur sjón. Sif bílstjóri sömuleiðis.

Raggi, Gauti, Hjalti, Þrándur, Ingi Gauti og Haukur (edrú) ásamt fleiri góðum saman með miklu áfengi í Kvisthaga er skotheld skemmtun. Fosshótel er ekki sem verst. Pulsa á Hlemmi er ágæt, en engin bæjarins besta.

Jólagjafir að detta inn hver af annarri. Á morgun verður þetta klárað!

Kringlan er ekki svo niðurdrepandi súr staður þegar litli bróðir er með í för.

Amma og afi bjóða upp á heimsins bestu lúðu. Vonandi geta sem flestir sagt það sama.

Annað kvöld með piltunum mínum er magahnútshnýtandi tilhlökkun. Á föstudaginn er vel mannað jólahlaðborð (lesist: engir vinstrimenn til staðar). Á laugardaginn er komfararpartý á Álftanesi. Á sunnudaginn er það Bubbi. Planið er gott!

Símanúmerið er: 6948954.

Sjáumst, vonandi!

Lægðahraðlestin býður mig velkominn til Íslands

2007-12-14T16:08:00.000+01:00

Veðurfræðingar um allan heim eru ekki að ýkja þegar þeir kalla veðrakerfi Norður-Atlantshafs "lægðahraðlestina". Þetta er alveg hreint ótrúlegt veður. Á hverjum degi verður mér hugsað til ferðalangs sem þarf að keyra milli Keflavíkur og Reykjavíkur og vona að hann haldist á veginum. Á hverjum degi hugsa ég með mér að ég þurfi að drífa mig út og "gera eitthvað", en sú hugsun kafnar í næsta vindgusti að reyna brjótast inn um stofugluggann.

Mér hlýtur samt að takast að fá mér duglega í glas í kvöld og hitta kunnugleg andlit. Er það ekki?

Örlítil ferðasaga hingað til: Tveir til þrír bjórar heima með Ugne í heimsókn, sem svo skutlaði mér á metro-stöðina. Mætti þremur tímum fyrir brottför og hófst handa við drykkju (með óumbeðnum hléum í röðum). Halldóra notaði völd sín á Kastrup til margra góðra verka. Sessunauturinn var Sigga sæta. Sú tók fyrir mig karton í gegnum tollinn og skutlaði mér á Miðnesheiðina. Lífið á Fjólustöðum var ljúft og verður vonandi endurtekið innan ársloka. Hótel mamma seinustu tvo daga hefur ekki svikið frekar en í fyrri skipti. Nú er komin helgi, og sú eina sem er galopin hvað plön varðar. Sjáum hvað setur!

Ísland annað kvöld

2007-12-10T18:12:00.000+01:00

Þá er alveg að koma að því að ég fljúgi til Íslands til að eyða afgangi ársins þar (fram til 30. des.). Ég er farinn að hlakka til að fá smá frí frá Dönum sem voru vægast sagt kjaftaglaðir í dag. Hausinn á mér er líka frekar ringlaður eftir vægast sagt óreglulegan svefn um helgina (kl 7-18:30 fös-laug, kl 4-19:30 laug-sun, kl 2-6 sun-mán).

Ég ætla að sofa mikið á Íslandi. Mjög mikið. Og tala íslensku. Og hætta að tala um "réttindi" og "kröfur" og þeim mun meira um "vinnu" og "sjálfsbjargarviðleitni".

'Julefrokost' vinnunnar á föstudaginn var gríðarhressandi athöfn með gríðarmikilli áfengisneyslu. Mikið rosalega var ég skemmtilegur. Annað verður ekki sagt. Missti samt ekki af mér neinar flíkur, hvorki á skemmtuninni né í bænum eftir á. Þess hafa margir saknað síðan buxurnar ruku niður á mínu fyrsta vinnudjammi fyrir um 2 árum síðan. Lengi lifir í gömlum glæðum sögusagnaheimsins. Annað verður ekki sagt.

Tveir bolir frá hinum ágætu samtökum Bureaucrash voru að berast mér í hendur. Ljómandi gott að hafa ný klæði fyrir Íslandsbröltið.

Fyrir um tveimur vikum voru mannaskipti í fjögurra manna skrifstofunni minni í vinnunni. Út fór kvenmaður og í staðinn kom þessi ljúfi piltur. Sá piltur á frekar erfitt með að aðlagast hinni súru diss-stemmingu sem ríkir (ekki ólík þeirri á Verkfræðistofnun í gamla daga) og er núna einlæglega byrjaður að kvarta yfir því að vera kallaður "tøse" og heyra klámfengna útúrsnúninga úr öllu sem hann segir. Greyið hann segi ég bara!

Eitthvað fleira í bili? Nei ætli það. Sjáumst fljótlega!

Þreyttur líkami en sálin er hress

2007-12-06T23:32:00.000+01:00

Mikið afskaplega er skrokkurinn þreyttur núna. Litlir 13 tímar á vinnustaðnum í dag rétt eins og mánudaginn, afmælisdagurinn fór í brölt á milli landa með vinnufund á milli flugvallaheimsókna, í gær var Parken heimsóttur með mjög svo ágætum piltum og drukknir allnokkrir bjórar og á morgun er ofurölvaður 'julefrokost' í vinnunni sem væntanlega verður í kjölfar strembins vinnudags á morgun (langur fundur, margt sem þarf að klára - margt!).

Það liggur við að ég segi að ég eigi skilið smá frí sem einmitt hefst með flugi til Íslands næsta þriðjudagskvöld. Liggur við.

Ég skil ekki (lengur) hvað öllum finnst skrýtið að hinn alþjóðlegi fjármálamarkaður sé í vandræðum um þessar mundir og mun verða það þar til markaðurinn leiðréttir sig og sendir fyrirtæki og banka í gjaldþrot og greiðslustöðvun í stórum stíl, og fyrirtæki á hausinn, og fólk á götuna. Er ég sá eini sem les Mises.org reglulega?

Svo virðist sem afsakanir mínar til að skreppa oft til Eistrasaltsríkjanna á næsta ári til að drekka góðan bjór á bar fyrir 5 danskar krónur séu orðnar ánægjulega margar.

Þetta með að hafa mini-bar á vinnuskrifstofunni og spurja alla gesti, "do you want a drink?" í bandarískum bíómyndum og þáttum hefur oft fengið mig til spá hvort svona sé þetta í raun og veru í Bandaríkjunum. Veit einhver svarið við því?

Í Danmörku er hægt að millifæra pening óþvingað á danska ríkið á reikningsnúmer 3100 0004000978 eða gíróreikning 4000978. Þá veit alþjóð það.

Mér sýnist ég þurfa að taka að mér föðurlega umhyggju fyrir uppáhalds einstakling mínum á vinnustaðnum svo viðkomandi drekki sjálri sér ekki í vinnu og láti það bitna á geðheilsu sinni.

Vinna já? Sveittur vinnufundur kl 8:30 í fyrramálið með fulltrúum tveggja franskra/semí-franskra fyrirtækja. Best að fara að sofa, bráðum!

Helgarsprokið

2007-12-02T19:16:00.001+01:00

Ekki svo galin helgi nú að baki. Ingi kíkti í bæinn og við tæmdum nokkrar bjórflöskur og skotglös og heimsóttum staði á víð og dreif í Köben, oft í ágætum félagsskap myndarlegra kvenna (já, engin lygi það!). Líkaminn er skiljanlega ekki í toppformi í dag fyrir vikið en kók og pizza hafa bætt mikið úr því. Ingi, vertu alltaf velkominn!

Seinasta vinnuvikan fyrir Íslandsferðina 11. des. tekur við á morgun. Mánudagurinn verður vægast sagt þéttpakkaður og á þriðjudaginn er vinnuferð til Parísar - út að morgni, fundir allan daginn og flug heim um kvöldið. Mér hundleiðist svona ferðir og ein seinkun eða eitt franskt verkfall getur auðveldlega gert allt planið að engu. Óneitanlega gaman er samt að vera sérstaklega umbeðinn þátttakandi á mjög mikilvægum fundi! Ég er jú "the BFLEX engineer"!

Á föstudaginn er 'julefrokost' í vinnunni. Gríðarleg áfengisneysla, stuð og gaman og kannski smá sveifla á dansgólfinu. Tilhlökkun: Mikil!

Femínistar? Nei takk!

2007-11-29T22:57:00.001+01:00

Bara svo þið gleymið því ekki hvernig ég lít út

2007-11-27T20:20:00.000+01:00

Simple life

2007-11-27T19:02:00.000+01:00

Lífið er svo dásamlega einfalt þegar tímanum er eytt í vinnunni. Í gær eyddi ég 14 tímum þar en þurfti svo að skera niður vinnudaginn í dag því ónefnt írskt fyrirtæki er lengi að klára sinn hluta verkefnis og þyrstur Dani vildi kaldan bjór. Allt í lagi samt, því ég þurft i að ná í bæinn á opnunartíma einhvern tímann í vikunni og ekki verður það á næstu dögum!

Svo virðist vera sem lífskjör í heiminum séu hvergi betri en á Íslandi. Væntanlega er þá verið að meina þá sem hvorki reykja né drekka. Ég hef að minnsta kosti ekki séð neinn reyna magnmæla ánægjuna af einum smók og sopa af bjór strax á eftir!

Grænlendingar vilja meiri hnatthlýnun til að ylja nýhafinni kál- og jarðaberjarækt sinni. Ekki galin löngun það. Íslendingar ættu að hugsa á svipuðum nótum um kornrækt sem lagðist af þegar hitastig lofthjúpsins tók dýfu einhvern tímann eftir 1100 og er nú fyrst að ná sér á strik. Kosningaloforðshugmynd: "Hlýrri sumur og mildari vetur - brennum fjárans olíunni!" Óvíst um árangur slíkrar aðgerðar en kannski slagorð sem slær í gegn á tímum oftrúar á ægivaldi hinnar náttúrulegu sameindar.

Danmörk er öll að koma til í vetrinum. Frost er alveg gríðarlega vanmetið veðurástand.

Ég get ekki hætt að horfa á myndskeiðið sem sést hér í næstseinustu færslu. Það minnir mig svolítið á annað myndskeið sem mér var sent fyrir mörgum mánuðum og sýnir tvær stúlkur í heitum potti þar sem önnur bregður sér upp úr til að dansa smá dans fyrir vinkonur sínar. Gott ef ég á þetta myndskeið ekki enn. Ljómandi!

"Þú þarft að fara að rifja upp varmafræðina" er mér tjáð af minni yndislegu systur. Já, þá geri ég það vitaskuld!

Þetta með að vakna kl 6 á morgnana er ekki alslæmt. Ég er að vísu svolítið ringlaður í hausnum núna svona eins og ég hafi drukkið kippu eða tvær en það er ágætt ástand. Rúmið er tilbúið að taka við mér ef ég verð of ringlaður og gott að vita af því.

Íslandsjól hjá Geir nálgast óðfluga! Gera sér allir grein fyrir því?

Heimahelgi

2007-11-24T23:18:00.000+01:00

Heimahelgar eru svo ágætar. Þessi var að vísu ekki plönuð sem heimahelgi en svona fór það nú samt og ég kvarta ekki yfir því. Úti er rigning og rok og ekki er heitt í þessu landi um þessar mundir og ekki alslæmt að hlusta á veðrið í náttbuxum og bol með kaldan pilsner í hönd!

Hersteinn, sú ungverska hafði samband! Óvænt og hressandi, en sjáum hvað setur.

Simpsons-þættirnir eru meira og minna skrifaðir af vinstrimönnum. Öðru máli gegnir um Seinfeld og The Wire-þættina. Þá vitum við það!

Ég er búinn að horfa á Heidi Klum-myndband seinustu færslu örugglega yfir tuttugu sinnum í dag og í gær. Eitthvað við það er svo ómótstæðilegt!

Heimilisstarfalexía dagsins: Aldrei slökkva á þvottavél 10 mínútum áður en prógrammið er búið. Niðurstaða slíkrar aðgerðar: Holdvott allt sem tekur óratíma að þorna.

Margt gott finnst í Hollandi.

Engin umbeðin steinmeitlun hefur borist mér ennþá. Á ég að hafa áhyggjur?

Engar umbeðnar myndir af íslensku módeli hafa enn birst mér. Á ég að rukka?

Lokaverkefni kvöldsins: DOA. Fullkomið verkefni fyrir karlmann sem er einn heima!

Heidi Klum

2007-11-23T22:46:00.001+01:00

Hví ekki!

Yndislegur skortur á nýjum fréttum

2007-11-17T19:19:00.001+01:00

Hvað er að frétta? Nákvæmlega ekkert! Þvílík sæla.

Vinnuvikan var frekar góð og næsta vika verður athyglisverð í meira lagi. Ísland-Danmörk í fótbolta á Parken á miðvikudaginn og Daði búinn að lýsa yfir gríðarlegri ölvun frá og með því kvöldi. Úff, ó minni aumu lifur!

Ísland nálgast með ógnarhraða (11. des.) og svo virðist sem öll langtíma verkefni í vinnunni ætli að þjappa sér saman í vinnuálagi á nokkurn veginn þessum tíma. Spurningin er bara hvort ég taki vinnuna með mér til Íslands eða geri janúar að gríðarlega viðveru á vinnustaðnum. Bæði hljómar vel en fyrri möguleikinn er e.t.v. óraunhæfur því ég get illa einbeitt mér að vinnuverkefnum þegar ég er heima í náttbuxum.

Sif!

Andstæðingum hugmynda um áfengissölu í venjulegum verslunum og til fólks eldra en 16 ára er bent á að á morgun fer kassi af Royal í dós á tilboð í Nettó í 7 daga - 80 danskar krónur. Ég lofa að hugsa til Íslands þegar ég gríp einn með heim eitthvert kvöldið eftir vinnu eftir helgi.

~~Enn er óvíst hvort ég haldi til rauðvínsdrykkju í kvöld eða ekki. Tíminn mun leiða það í ljós.~~

Hver ætlar að skemmta mér á Íslandi á vinnutíma frá og með 12. desember?

Reikningsnúmer og kennitala?

2007-11-13T21:43:00.000+01:00

Ég auglýsi hér með eftir upplýsingum (sennilega er það kennitala og bankareikningsnúmer) sem gera þeim sem vilja kleift að millifæra fé inn á hinn íslenska ríkissjóð beint og milliliðalaust.

Sunnudagur til svarts kaffis

2007-11-11T13:16:00.000+01:00

Þá kom að því að sunnudagurinn rann upp. Við það hef ég ekkert að athuga. Líkaminn er búinn að fá sinn skammt af áfengi í bili (litháenska parið er svo ljómandi félagsskapur á meðan Sam ber að forðast þegar Daði drepst áfengisdauða) og vinnuvikan mun verða gríðarhressandi. Hver veit, kannski skrepp ég til Parísar á miðvikudaginn?

Nú koma þrír molar úr mjög svo athyglisverðri skýrslu sem ég ætla troða ofan í kokið á öllum sem halda því fram að Norðurlöndin séu eitthvað sérstök, t.d. miðað við Bandaríkin, t.d. þegar kemur að lífskjörum fátækra:
"...Scandinavians are the poorest people in Western Europe once income is adjusted for taxes and the cost of living."
"If nations are being judged on the prosperity of their poorest citizens, then Nordic nations certainly are equal to the United States."
"...strong economic growth is better than income redistribution if the goal is to help the least fortunate in society."

Var ósvífið af mér að lauma pólitískum áróðri svona inn á þessa síðu? Já sennilega. Ljómandi.

Á þriðjudaginn kjósa Danir yfir sig nýjan ræningjahóp. Á því er hægt að hafa ýmsar skoðanir. Ein gæti til dæmis verið sú að það að kjósa sé þátttaka í ræningjasamfélaginu. Sjálfur er ég svo heppinn að hafa ekki kosningarétt til hins danska þings. Úr því ég fæ slæmt bragð í munninn af kosningaþátttöku á Íslandi þá hlýtur kosningaþátttaka í Danmörku að vera tungudrepandi upplifun!

Í gærkvöldi fór ég á ömurlega sýningu í Tívolí sem ég mæli ekki með að neinn eyði 3 klst af lífi sínu í. Hið eina góða var félagsskapurinn og það að komast að því að ég fer aldrei á kabarett-sýningu á ævinni aftur.

Í kvöld er NFL-kvöld, eða hvað?

Full keyrsla!

2007-11-06T17:55:00.000+01:00

Eftir þétta helgi (sveittur J-dagur á föstudaginn, saklausara sötur á laugardaginn) og uppsveiflu í tíðni og þyngd vinnuverkefna er ekki annað hægt að gera en hlakka til stuttrar heimsóknar mjög svo ágætrar manneskju til Köben sem er raunar hafin (flugvélin nýlent og ég senn á útleið að taka á móti).

Smálítið sötur í kvöld, vinna á morgun, tónleikar annað kvöld, Hótel Geir á fullum afköstum, hálfur vinnudagur á fimmtudaginn og léttur föstudagur og þá er þessi vika að baki!

Hef raunar litlu við þetta að bæta í bili. Passið vel upp á ykkur og þá sérstaklega þið sem ætlið að hrista af ykkur og forðast veikindi auk þess að keyra á þremur til fjórum vígstöðvum á sama tíma. Þú veist hver þú ert.

Molablogg

2007-10-31T21:29:00.000+01:00

Hausinn er þreyttur og líkaminn vill komast undir sæng en einhver tjáningarþörf er samt í mér. Málamiðlunin er því blogg á punktaformi.

Skrapp í smá kaffihúsa-bjórsötur-labbitúr í gær og kom sjálfum mér á óvart með mikilli þekkingu á túristalausum stöðum borgarinnar.

Bolti og bjór með góðum piltum var gott mál á sunnudaginn. Því oftar því betra!

Hvar á ég að horfa á boxið á laugardagsnótt?

Á föstudaginn verður gaman. Ég sé hreinlega ekki hvernig það getur klikkað!

Vinnan er í rólegri kantinum þessa dagana á meðan verkefnunum fjölgar sífellt sem fara á húrrandi fullt á svipuðum tíma á næstu vikum. Danir eru mikið fyrir að plana en þegar allt kemur til alls er eins og teningum hafi verið kastað til að finna dagsetningar!

Hefur þú einhvern tímann hugsað, "ég verð að hafa þessa ákveðnu skoðun á þessu máli, því þannig er stemming pólitískrar rétthugsunar núna"? Þá eru allar líkur á að þú hafir rangt fyrir þér. Tíu litlir negrastrákar geta vottað fyrir það.

Enn einu sinni talar vinnustaðurinn ekki um annað en stress. Aumingjavæðing Danmerkur er á fullri ferð! Er Ísland næst?

Yfir og út!

Tóbaksstaðan á vinnustaðnum: Góð

2007-10-25T13:19:00.000+02:00

Mánudagur til mikilla afreka!

2007-10-22T17:22:00.000+02:00

Mikill afreksdagur í dag senn að verða að kvöldi. Mér er næstum því að takast að klára yfirferð á nokkrum tölum og hef eytt öllum deginum í það. Ljómandi það. Sumt er einfaldlega tímafrekt og sérstaklega þegar hausinn er ekki alveg í toppformi eftir sötur og hangs með Daða og frú í gærkvöldi.

Mér tókst loksins að halda upp á konudaginn í gær eftir frestun í margar vikur. Nú er gólfið ryksugað og búið að þurrka af öllu sem ég fann auk þess sem föt eru þvegin.

Á fimmtudaginn tek ég formlega við verkefninu "Westmanna Island" og hlakka til að berja pappírsvinnuna í gegn og sjá hvort einhver viðbrögð komi frá heimaeyjunni (þó ekki Heimaey). Að vísu er haustið alveg rækilega bókað hvað vinnuna varðar en skítt með það. Hvað er eitt verkefni enn sosem?

Gríðarlega freistandi tilboð heldur áfram að stríða hausnum á mér. Mikið rosalega þarf ég að fara græja ákvörðun um það sem allrafyrst!

Ég skil ekki hvað fólk hefur á móti koltvísýringi.

Svei núna lenti ég á svolitlu sem krefst heilastarfsemi og klukkan er orðin margt og ekki enn búið að sækja mat fyrir vinna-seint-fólkið. Á ég að gefast upp eða berjast? Ég segi berjast!

"Projections" í ESPN NFL Fantay League eru á við stjörnuspár í áreiðanleika. En talandi um spár þá er vissara að hafa það skjalfest að orðin "..en ég var með þrjá menn í b.." munu verða sögð.

Súpa gærkvöldsins er svo sannarlega búin að hreinsa til og ég er eins og nýr maður.

Ég elska nýja símann minn.

Helvítis horandskoti byrjaður að stífla nef mitt. GLÆTAN að ég sé að verða veikur þótt ég sitji heima í ískaldri íbúð með galopnar svaladyr öll kvöld.

Ég þarf að redda mér máfrásegjanlegri kvennafarssögu en þó ekki með hvaða söguhetju sem er auðvitað. Birna, áttu ekki leið um Köben bráðlega?

Rétt í þessu kom vinnuandinn yfir mig af fullu afli og endar hér með þessi færsla!

Auð helgi er ágæt helgi

2007-10-19T18:59:00.000+02:00

Þá gerðist það sem endar allar góðar vinnuvikur - það kom helgi! Hollur mötuneytismatur verður að óhollu skyndifæði, reglulegur svefn að óreglulegum og koffínörvun verður að áfengisölvun.

Ég veit ekki til þess að það sé neitt sérstakt á döfinni og hef því lofað rúmi mínu mikilli nærveru og augum mínum glápi auk þess sem ég ætla mér að skrifa smá. Ég er hættur að setja þrif og hreingerningar á helgarplanið. Það virkar ekki. Nú er að sjá hvort einhver óplönuð heimilisstörf verði afleiðingin!

Nú er það víst orðið formlegt að Hitaveita Suðurnesja hefur skrifað undir samning upp á kaup á nýrri vatnslögn til Vestmannaeyja af NKT Flexibles og það eru ljómandi tíðindi. Getiði nú hver verður "pipe designer" verkefnisins? Hver veit nema það feli í sér skrepping til Íslands en ég verð nú samt alveg að sjá til með það. Slíkt er fjarri því alltaf raunin, og sérstaklega ekki í "standard" verkefnum eins og þessu.

Miklar umræður eru nú hafnar á vinnustaðnum vegna komandi J-dags (Julebryg-dag) í Danmörku þann 2. nóvember. Staðarval er enn óljóst en ætti að skýrast fljótlega. Mig vantar myndarlegan kvenmann til að taka með mér - helst íslenskan en það er engin krafa. Þeim finnst svo gaman að fá ferskt kjöt til að spjalla við þessum Dönum. Sjálfboðaliðar gefi sig fram!

Tímabundið (einka)símaleysi vikunnar hefur nú verið stöðvað og í hendur mínar kominn hinn laglegasti Nokia-sími. Einfaldari grip er varla hægt að hugsa sér og þannig vil ég hafa það! Símanúmer vitaskuld hið sama og áður.

En hvað segið þið svo gott?

Áunnin veikindi

2007-10-15T12:43:00.001+02:00

Í dag er mánudagur og klukkan er vel gengin í eitt eftir hádegi. Ég er heima. Sem sagt, ekki í vinnunni. Það var viðbúin afleiðing þess að horfa á NFL heima hjá Daða til kl 4 í nótt, sjá hann sofna á eigin stofugólfi á meðan ljóshærður kvenmannskollur var sofnaður í sófanum við hliðina á mér.

Frí á virkum degi sem er ekki föstudagur er sjaldgæft fyrir mér. Búðir eru opnar, fólk er á ferðinni og strætó gengur með örri tíðni og mátulegum farþegafjölda. Ég þarf að gera tvennt og vona að það hafist (svaf svolítið slitrótt á hóteli hér í borg sem skilur hvorki næði né "nei takk" við ræstingum):
1) Kaupa síma í staðinn fyrir símann minn sem rann úr vasa mínum í metro um helgina
2) Kaupa peysur fyrir ekki-mig
Metnaðarfull dagskrá sem ég vona að ég fái fylgd í!

Mér barst beiðni um að fjölga fyllerís- og kvennafarssögunum á þessari síðu. Fylleríssögurnar eru til staðar en hinar ekki og þykir mér það vera hið besta mál. Ég skal þó hafa beiðni lesenda minna í huga. Þeim þarf jú að sinna líka!

En já, ég var víst með metnaðarfulla dagskrá fyrir daginn í dag. Vonandi get ég hoggið skarð í hana án mikilla líkamlegra óþæginda!

Alltof langt jólafrí staðfest

2007-10-11T22:49:00.000+02:00

Ísland 11. des. til 30. des. er hér með ákveðið sem alltof löng dvöl mín á Íslandi yfir jólin í ár. Hér með gjört heyrinkunnugt.

Þeir sem vilja lána mér bíl á þessu tímabili eða útvega mér svarta vinnu sem jólasveinn í verslunarmiðstöð mega gjarnan láta í sér heyra. Tilboðum um ölvun og ósóma tek ég vitaskuld við með glöðu geði.

Tilkynningu lokið.

Er að koma helgi?

2007-10-10T23:20:00.000+02:00

Þá held ég loksins að hálsbólgu-slím-ógeðið sé svo gott sem horfið úr líkamanum. Einstaka hósti er orðinn slímlaus og langur vinnudagur var líkamlega auðveldur. Gott mál og ekki seinna vænna því helgin er handan við hornið og einhverjar flökkukindur verða á ferðinni auk þess sem innfæddir (Íslendingar) verða sumir hverjir hressir. Gott mál í alla staði. Sakna þó skráningu Örvars á Hótel Geir og vona að hún sé enn á döfinni!

Sjoppumaðurinn minn var að segja mér það áðan að með áframhaldandi getuleysi lögreglu til að stöðva innbrot og áframhaldandi ofsóknum skattayfirvalda þá geti hann varla haldið áfram að reka fyrirtækið sitt og neyðist til að loka. Mikil sorgartíðindi ef svo fer. Ég er farinn að skilja ágætlega hvernig Danir komast hjá því að mælast gjörspilltir í öllum alþjóðlegum mælingum. Ástæðan er sú að hérna mega opinberir embættismenn gera hvað sem þeir vilja - löglega og á fullum og eflaust ágætum launum!

Ef það verður sett í íslenska stjórnarskrá að "íslenska er þjóðartunga Íslands" þá mun ég aldrei framar mæla íslenskt orð á íslenskri grund! Vitaskuld ýki ég núna og veit satt að segja ekki hvernig ég ætti að brjóta á því ákvæði en eitthvað hlýt ég samt að gera ef af verður. Hver segir svo að Íslendingar séu umburðarlyndir englar sem umbera allt og alla? Ekki er ég það og játa það fullum fetum. Margir segja það samt en vilja engu að síður teikna sviðshöfuð á forsíðu stjórnarskrár-plaggsins til að minna á gamla tíð þegar internetið hét alnetið og menn keyrðu um á sjálfrennireiðum. Þeir um það!

Á morgun neyðist ég til að taka stuttan og venjulegan vinnudag. Ástæðan er ekki flóknari en sú að ég þarf að treysta á einn Dana til að fylgja mér að í núverandi verkefnum og þar að auki Dana sem á krakka svo viðkomandi nær varla 6 tíma vinnudegi og eyðir helmingnum af honum í blaður um allt og ekkert við hvern einasta einstakling sem yrðir á hann. Stuttur vinnudagur verður það víst að vera.

Núna er það hins vegar svefninn. Eða bráðum. Yfir og út!

Heilsan í lagi (eða svona næstum)

2007-10-08T20:05:00.000+02:00

Gríðarlega mikill svefn var svo sannarlega það sem veikur skrokkurinn þurfti á að halda. Ég vaknaði allt að því hress í morgun og hef verið allt að því óveikur í dag (fyrir utan slímugan hósta og tímabundinn slappleika í kringum hádegið). Gott mál allt saman og á morgun mun ekkert stöðva mig!

Langir vinnudagar eru alveg hreint frábærir. Ró og næði, Danaleysi nær algjört, nóg að gera og hausinn ennþá í lagi.

Þegar haustið byrjaði þá var það nokkurn veginn galopið hjá mér hvað varðar áætlunargerð og önnur skemmtilegheit. Sú tíð er nú liðin á þessari árstíð virðist vera.

Hálsinn gerir nú vart við sig sem segir mér tvennt:
1) Ég er orðinn þreyttur og á að drulla mér heim.
2) Ég þarf að fara út og fá mér sígarettu (sem drepur ekki bara góða gerla heldur þá vondu líka, sagði mér læknanemi!).
Sem sagt: Út vil ek!

Sólríkur á sunnudegi

2007-10-07T15:55:00.000+02:00

Þá er internetið hérna heima tilbúið að hleypa mér að sér aftur. Netleysið er búið að valda því að ég hef farið snemma að sofa og vakna snemma marga daga í röð, og svo kom helgi og Hersteinn og síðan þá hefur áfengið fengið að fljóta í stríðum straumum í félagsskap Palla og Svein og annarra sem laðast að okkar fallegu og heillandi persónum.

Veikindi hafa verið hunsuð í nokkra daga núna. Létt aðsvifstilfinning, aumur háls, vondur hósti og stingur í bringunni er sennilega eitthvað sem ég þarf að fara losa við mig bráðum.

Núna þarf ég að leggjast niður. Later, folks!

Noregur kallar

2007-10-01T11:06:00.000+02:00

Hressleiki á mánudagsmorgni með eindæmum mikill þrátt fyrir misnotkun á líkama og sál um helgina. Mútta verður kvödd á eftir og Noregi heilsað skömmu síðar, en þar verður haldinn fundur á morgun. Svolítið þétt vikuplan til að byrja með sem vonandi leysist upp í "bara vinna" þegar á líður.

Takk fyrir helgina eftirfarandi fólk og staðir:
Mamma, Begga & Addi, Daði og Halldóra, flugfreyjurnar, Hjalti, Þrándur & bro, Óli fyrir teitið, Tattúveraða ekkjan, Hong Kong, og sennilega einhverjir fleiri!

"How much?" er ekki vænleg húkk-lína í Kaupmannahöfn. Kvenfólk bregst samt misvel við sem skýrist sennilega af misgóðri þekkingu á Borat-persónunni.

Tíminn hleypur frá mér. Út vil ek!

Síðsumarið kom loksins til Köben

2007-09-24T22:15:00.000+02:00

Nokkrir molar frá viðburðum og viðburðaleysi seinustu daga (eða síðan þriðjudegi sleppti í seinustu viku):

Miðvikudagur
Langur vinnudagur með dagslöngum fundi með viðskiptavinum sem endaði á út-að-borða (og smá að drekka) á Brewpub. Þeir sem hafa eitthvað á móti Exxon-olíufyrirtækinu vita ekki hvað þeir eru að tala um! Þeir slá a.m.k. öllu við sem er franskt að öllu leyti!

Fimmtudagur
Þreyttur en hress í vinnunni. Snæðingur með Nýhafnarhjúum um kvöldið og nokkrir alveg mjög svo ágætir bjórar um kvöldið í félagsskap Daða. Svo sannarlega vona ég að fimmtudagshittingar verði margir í vetur!

Föstudagur
Mætti hress til vinnu og náði að vinna mér inn verðskuldað helgarfrí. Það frí hófst með út-að-drekka með nokkrum vinnufélögum og klikka slíkir hittingar aldrei. Staulaðist heim um 4-leytið.

Laugardagur
Vaknaði í seinna lagi eða kl 19:30 um kvöldið. Við tók hangs í náttbuxunum þar til ég fékk ekki leyfi til annars en fara út (kl 1:30) og drekka smá áfengi með Daða, frú og Siggu sætu. Einhver óskilgreindur hressleiki olli því að ég tók Daða með mér heim til hýsingar en hann var þó á brott þegar ég vaknaði (um þrjú-leytið). Mi casa su casa, Daði!

Sunnudagur
Þynnka og aðrar leifar helgarinnar skolað úr skrokknum með ótæpilegu magni kóka kóla og appelsínusafa. Vitaskuld ekki hægt að fara snemma að sofa en óstöðvandi gláp og þambið mikla var ágæt leið til að tryggja mér nokkuð góða upprisu á mánudagsmorgni.

Mánudagur
Langur vinnudagur og hreinlega hellings afköst þótt síðdegisheilaþurrðin hafi ekki ráðið við mestu einbeitingarverkefnin sem bíða til morguns með fyrsta kaffibollanum. Smá skutl upp í Nörrebro og svo heim og ekki annað hægt að segja en ráðgjafarþjónusta mín gangi alveg hreint ágætlega.

Vikuplanið er stutt og laggott: Þrífa Holuna þannig að hún verði gestum fær, þvo einhverjar flíkur, vinna eins og skepna og vera vel upplagður þegar móðir mín og miklir snillingar heimsækja Köben á föstudaginn, með mislangri viðveru þó.

Glæst sigurganga mín í NFL Fantasy heldur áfram sem aldrei fyrr, en þó eru ekki öll kurl komin til grafar enn í þriðju umferð.

Veðrið er með ágætum í Köben núna og síðsumarið lét þá sjá sig eftir allt saman. Ekki alveg það hlýjasta í manna minnum, en hvað er annars að marka svoleiðis?

Eitthvað fleira? Nei, ekki í bili.

Á hvaða tungumáli er ég að sletta?

2007-09-18T18:20:00.001+02:00

Weekend afstaðin en um hana keypti cowboy-buxur. Ég sá fólk drekka juice í blíðunni. Mig vantaði information um veðurspánna og fór í supermarket og spurðist fyrir. Fékk transport eftir það heim, keypti hamburger á leiðinni, fór smá á internet og sofnaði yfir tv.

Giskið nú!

Haustið er komið, loksins!

2007-09-18T16:25:00.000+02:00

Nú loksins virðist vera koma smá regla á hlutina hérna eftir handahófskennda sumarmánuði. Vinnuverkefnin raðast inn hvert af öðru, vinnudagarnir eru smátt og smátt að lengjast á ný, og var ég búinn að segja að Daði er kominn aftur út? Meira að segja komin metnaðarfull dagskrá í pólitískum skrifum sem vonandi ber ávöxt á næstu vikum og mánuðum.

Gott fólk kíkir við í Köben á næstunni. Engin önnur en móðir mín kemur fljótlega í helgarheimsókn og miklir herramenn eiga viðkomu í Köben á leið sinni suður á bóginn.

Vinnudagurinn nú þvingaður á enda því þyrstur vinnufélagi heimtar að hafa mig samferða með heim og drekka einn bjór í lestinni á leiðinni. Hvernig get ég neitað slíkri bón?

Sælir eru þeir sem sofa út á sunnudögum

2007-09-16T14:41:00.000+02:00

Það er gott að hafa Daða aftur í bænum.

Í gær var hádegisfótbolti sem var fylgt vel á eftir með hressandi dagdrykkju. Hausinn er því í þyngri kantinum í dag rétt eins og á föstudaginn eftir hressandi fimmtudagsdrykkju. Óhefðbundin tímabil ölvunar eru svo ágæt.

Haustferð til Leeds er hægt og rólega að taka á sig fasta mynd. Hún verður stuð!

Í allri þessari skemmtun þarf líka að muna eftir vinnu og þar lítur út fyrir áhugavert haust. Gömul verkefni klárast seint. Ný verkefni bætast stöðugt við. Það verður lítið mál að hala inn yfirvinnutímum í bílförmum í haust! Verst hvað skatturinn er vondur við mann ef það er gert.

Enn og aftur boðar húsfélagið mitt til einhvers óþolandi auka-aðalfundar, sá þriðji í ár! Á dagskrá eru atkvæðagreiðslur um barnaleikvöll, grillaðstöðu og einhverja heildarsýnar á umhverfið hérna úti - vitaskuld teiknuð af rándýrum arkitektum og verður forljótt. Á ég að nenna þessu? Ég sé til.

Hvað um það. Í dag er sunnudagur. Sólin skín úti og því alveg spurning um að finna eitthvað skjól og lesa. Eða bara hanga inni. Það er líka svo ágætt. Taka til? Sjáum til!

Fjögur af fjórum!

2007-09-11T23:43:00.001+02:00

Hver segir að langur og leiðinlegur dagur geti ekki orðið að góðu kvöldi mikillar uppskeru? Ég reyni nú yfirleitt (í seinni tíð) að forða ykkur ágætu lesendum þessarar síðu frá pólitík en að þessu sinni stenst ég ekki freistinguna.

Eftirfarandi hef ég uppfært í kvöld:
Þessa síðu.
Ósýnilegu höndina.
Moggabloggið.
Ice and fire of thoughts.

Njótið vel, sama hvað!

Reiður í dag!

2007-09-11T20:53:00.000+02:00

Mikið rosalega er gott að vera kominn heim eftir þennan súra langa dag. Danirnir hættu ekki að fjasa, alltaf var kaffikannan tóm sama hvað ég hellti oft upp á, vinnuverkefnin kláruðust að vísu einhver en ekki það sem er hvað leiðinlegast (fara yfir margar blaðsíður af tölum sem koma úr öllum áttum), og svona má lengi telja. Vinnudagurinn endaði svo á tveggja tíma heimferð með allskyns strætóum og lestum af því einhverjum Dana datt í hug að álpast inn á teinana og aflýsa öllum lestarferðum til og frá bæjarhlutanum þar sem ég vinn.

Eina björgun mín felst í bjórnum sem ég keypti af sjoppukallinum mínum. Sá maður getur alltaf bryddað upp á nýrri sögu af heimsókn skattsins til hans. Skattayfirvöld í Danmörku eru endaþarmur gjörvallrar Norður-Evrópu og þótt víðar væri leitað! Getið þið séð fyrir ykkur léttölvaðan eftirlitsmann á miðjum aldri að athuga pappíra og strikamerki til að sjá hvort nammipokarnir í sjoppunni hafi farið í gegnum sykurskatt, virðisaukaskatt, tolla og aðrar opinberar verðhækkanir og vesen? Ég get það svo sannarlega!

En ég er nú ekki eintóm neikvæðni og súrleiki. Ég er jú kominn heim, sængurfötin eru nýþvegin og bíða átekta, kvöldöl eða tveir eru á dagskránni, úti er veður milt, ég þekki þig (líklega), nóg til af tóbaki, Daði er í Köben, á morgun er spennandi fundur (ótrúlegt en satt miðað við að það verða Danir á honum), og ég er vitrari maður og upplýstari eftir fróðlega lesningu (um einkavætt vatn í þróunarríkjum) á langri heimferðinni.

Hvað er ég þá að kvarta? Ég er hættur því hér með. Góðar stundir!

Suðað úr svínastíunni

2007-09-09T17:20:00.000+02:00

Sunnudagssíðdegi á helgi þar sem sólarhringnum hefur verið snúið alveg á haus. Sommerfest á föstudaginn var alveg gríðarlega hressandi svo ekki sé meira sagt og endaði niðrí bæ þar sem forstjórinn var byrjaður að kaupa Mojitos og gera grín að skegginu mínu. Yfirskegginu vitaskuld. "Værkfører-skægget" eins og ég kallaði það, eða "fabrik-skægget". Einkahúmor.

Ekki man ég alveg hvenær ég fór heim á föstudagsnóttu eða hvernig en það er allt í lagi. Laugardagur til leti og gott ef sunnudagur til leti sé ekki líka staðreynd, nývaknaður þegar kvöldið er alveg að banka upp á.

Ég hlakka mikið til að komast í vetrar-rútínuna. Verksmiðju-vikurnar eru nú að baki, Daði er fluttur í bæinn á ný, hitastigið er loksins komið niður í íslenskt hausthitastig, verkefnin í vinnunni bjóða að venju upp á takmarkalausa setu sem ég get loksins gefið mig í, og kannski einhver pólitískur þorsti kvikni á ný með lækkandi sól. Góðir tímar býst ég fastlega við!

Hausthreingerningar eru góð hugmynd sem ég þarf að skoða vel og vandlega. Nenni því samt ekki í dag!

Endar hér með ein leiðinlegasta bloggfærsla í heimi.

Danir eru...

2007-09-04T17:26:00.000+02:00

Eftir því sem vikan hefur liðið hefur listinn "Danir eru..." vaxið stórkostlega í hausnum á mér. Nú þegar ég sest við skriftir er hann hins vegar að mestu leyti horfinn. Svei.

Einu mun ég samt ekki gleyma og það er morgunútvarpi danskra útvarpsstöðva. Það er ALLT alveg NÁKVÆMLEGA sama formúlan; mjög mjög mjög hressar raddir að tala saman og gantast og grínast, stundum á meðan einhver húmórísk laglína spilar í bakgrunni. Inn á milli eru stutt og LEIÐINLEG lög spiluð og það er ENGIN leið að sleppa við fréttir í dönsku útvarpi á hálfa og heila tímanum, sama á hvaða stöð er hlustað. Allar danskar útvarpsstöðvar eru FM957 með óendanlega mörgum fréttatímum!

Sem betur fer er mjög mjög sjaldgæft að ég fái vinnubílinn sem er geislaspilaralaus. Æðisgenginn hressleiki í tónlist og ekkert danskt tal gerir danska þjóðvegi að himnasælu.

Konur sem eru giftar Færeyingum og hringja í mig vita á gott fyrir gott fólk mér tengt.

Á morgun er seinasti verksmiðjudagur minn. Þetta er búið að vera ljúfur tími þrátt fyrir ruglinginn á mínum B-manneskju-svefnvenjum. Hef þó komist að því (eftir sunnudaginn) að létt bjórsötur fer ekkert illa saman við að fara snemma á fætur ef svefninn nær 5-6 tímum!

Heim vi ek!

Haustið kemur!

2007-08-31T19:33:00.000+02:00

Kaupmannahöfn er að kólna. Rigning og rok er orðið að rigningu og roki og kulda. Minnir óneitanlega á Ísland og ég kann ágætlega við það. Viðbjóðslegar flugur hætta að reyna komast inn, rakastigið fellur undir 90% og ég hætti að svitna við það eitt að standa kyrr.

Haustið ber líka fleira með sér. Daði flytur bráðlega út aftur. Uppáhaldshjónin mín verða í Köben yfir helgina. Einir tónleikar komnir á blað í nóvember. LÍN rukkar mig vitlaust en ætlar að leiðrétta það. Sommarfest í vinnunni á föstudaginn næsta. Hausthefti Þjóðmála dettur bráðum inn um lúguna (vonandi með einhverjum skrifum eftir mig). Árstíðarskipti að mínum smekk!

Hvað er svo að frétta af mér? Mjög lítið. Seinasta verksmiðjuvikan mín tekur við eftir helgi og eftir það tekur hefðbundin skrifstofuborðsvinna aftur. Ég er byrjaður að venjast því ágætlega að fara sofa fyrir kl 22 og vakna kl 5 á morgnana og vera kominn heim kl 19 eða þar um bil. Hin rútínan, að fara mjög seint að sofa og vakna eins seint og ég get og vera þreyttur allan daginn, er líka ágætt en e.t.v. verri fyrir skrokkinn.

Þeir sem eiga í erfiðleikum með að skilja hitt kynið ættu að horfa á Seinfeld í gríðarlegu óhófi.

Alltaf þegar ég sé pör tala saman, t.d. útí búð, þá þakka ég fyrir að vera ekki í sambandi. Minningar af öllu tagi hellast yfir mig. "Hvað eigum við að borða í kvöld?" er spurning sem hrjáir öll pör alla daga og krefst þess að málamiðlun sé náð. "Við borðum smá rúgbrauð þegar við komum heim og svo eldum við seinna í kvöld" var setning sem þurfti í raun og veru að segja í Netto um daginn. Aldrei, aldrei aftur!

Fólki sem vegnar vel í sósíalískum löndum ber ég miklu meiri virðingu fyrir en fólki sem vegnar vel í kapítalískum löndum. Ástæðan er sú að það er miklu erfiðara að vegna vel í sósíalísku landi, og krefst gríðarlegrar útsjónarsemi og jafnvel ósvífni og yfirgangs sem er engin þörf á í kapítalískum löndum þar sem stigann upp á við er mun auðveldara að klífa með einföldum dugnaði að vopni. Ríkir Frakkar og Danir eru sennilega mun útsjónarsamari og fjölhæfari en ríkir Bandaríkjamann (og Íslendingar, ef út í það er farið). Þannig fólk hlýt ég að virða mikils.

Ekki hefur tekist alltof vel að halda konudaginn hátíðlegan í dag. Hef bara náð að þvo og taka aðeins til. Skítt með það samt. Ég náði að sofa vel og græja nokkur mál og það er mikilvægara en ryklaus hilla þegar allt kemur til alls.

Mikið er skrýtið að mig langi ekki í áfengi núna. Vonandi læknast ég af þeirri skynvillu fljótlega!

Brandari dagsins (ekki fyrir teprur)

2007-08-27T19:49:00.000+02:00

Fékk þetta upphaflega sent á dönsku, en ég þori ekki annað en þýða brandarann því annars á ég eitthvað svona á hættu!

Hvernig sést ef "perki" hefur laumast inn í himnaríki?

Nautinu, hrútnum, ljóninu og steingeitinni er búið að halel-slátra. Bogamanninn er búið að taka af lífi. Voginni er búið að stela. Meyjunni og tvíburunum er búið að nauðga og Karlvagninum vantar fjórar felgur!

Sátt sál í þreyttum skrokki

2007-08-27T15:46:00.000+02:00

Ísland um helgina var hressandi ævintýri með stuttum aðdraganda. Tilgangurinn var vitaskuld sá að taka þátt í Ölympics og skemmti ég mér hið prýðilegasta þótt "daginn eftir"-lýsingar keppnis- og partýhaldara séu vægast sagt hrollvekjandi. Sem betur fer get ég útilokað mig sem ælupúka teitisins en minningar eru að öðru leyti mjög fáar og langt á milli.

Ragga og Önnu þakka ég fyrir að höndla óvinnandi verk eins og það hafi verið vinnanlegt.

Örvari þakka ég fyrir að hleypa mér inn á heimili sitt og bjóða sig fram í hlutverk bílstjóra. Fátt er betra en skotheldur vinur!

Daða þakka ég fyrir að gera helgi mína að Íslandi að veruleika með útsjónarsemi og hvetjandi orðum og aðgerðum!

Góðum gestum/klappstýrum þakka ég fyrir viðlitið á keppni laugardagsins. Í þeim hópi eru meðal annars Fjóla, mamma og litli bróðir og litla systir var að sjálfsögðu meðal keppenda. Lítið ættarmót í gangi þar! Arnari þakka ég hreinlega fyrir að vera hann sjálfur, alltaf!

Ég er með stíflað nef og líkaminn er ekki alveg kominn í gegnum afeitrun eftir alveg óbærilega mikla áfengisneyslu um helgina þar sem þynnku var mætt með bjór. Áfengi mun ekki snerta mínar varir aftur (innan næstu 48 tíma)!

Svei mér þá ef næsta helgi lítur ekki ágætlega út líka.

Núna eru öll skrifborð í kringum mig tæmd af fólki. Þreytan er að segja mér að drulla mér heim en ég hlýt nú að þrauka í klukkutíma í viðbót eins og kveðið er á um í verksmiðju-vinnu-skipulaginu.

LÍN er með stæla núna. Note to self: Ekki treysta á pappírspóstinn þegar mikið liggur við!

Nú er það síðasti labbitúr dagsins um verksmiðjuna og gláp á útskipun á stærsta verkefni vinnuveitanda míns nokkru sinni. Mjög margir verða mjög glaðir þegar því er lokið!

Úfffffffffffffff

2007-08-22T19:22:00.000+02:00

Mánudags- til miðvikudagssólarhringarnir mínir um þessar mundir eru alveg að fara með skrokkinn á mér. Í háttinn fyrir klukkan 22 og á fætur fyrir kl 5:30 og klukkutíma akstur í byrjun og lok vinnudags. Úff. Þetta hefst samt allt saman. Núna eru tvær vikur af fjórum á þessu prógrammi að baki og eftir það tekur hið gamla góða við - þynnka og/eða þreyta í 8-12 tíma á dag, sitjandi á rassgatinu á skrifstofustól.

Ekkert jafnast á við smávegis smurolíu og skít á puttana og vélar sem snúa fjórum 8 tonna járnvírsspólum 30 sinnum á mínútu. Það er lexía seinustu tveggja vikna. Sjáum hvað setur með næstu tvær.

Helgin nálgast óðfluga og hún verður gríðarlega hressandi! Þá er ekki of mikið sagt, geri ég ráð fyrir.

Ætli heimferð sé ekki góð hugmynd núna. Já, alveg rosalega. Yfir og út!

Geir hinn veraldarvani

2007-08-18T18:42:00.000+02:00

Veinað frá verksmiðjunni

2007-08-14T17:50:00.000+02:00

Þá er annar vinnudagur af þremur í þessari viku senn á enda. Ég er dauðþreyttur! Það tekur svolítið á að byrja daginn á klukkutíma akstri (kl 5:45), vera svo "on" í 10 tíma, og keyra svo aftur í klukkutíma. Ég er bara ekki sterkbyggðari en svo að þriggja daga verksmiðjuvinnuvikur eru alveg mátulega langar!

Já og svo París í tvo daga á eftir, en vonandi er það aðeins auðveldara verkefni!

Á morgun taka í gildi dönsk lög sem flytja yfirráðarétt húseigenda í Danmörku frá húseigendum til ríkisvaldsins. Reykingar verða nú bannaðar í því húsnæði sem ríkisvaldið sendir eftirlitssveitir sínar til. Ég orða bannið nákvæmlega svona því í verksmiðju míns atvinnuveitanda verður áfram reykt, þótt ég viti ekki alveg nákvæmlega hvernig því lögbroti verður hagað. Spennandi að sjá hvað setur!¨

"Þegar þeir ofsóttur mig, þá var enginn eftir til að segja neitt." (#)
- Feiti reykingafasisti nútímans sem bráðum verður skikkaður í ríkisrekna líkamsrækt

Rétt í þessu rauk seinasta dagsverkið frá mér og ekki annað að gera en heilsa mjög vel fúnkerandi hraðbrautarumferð Dana! (Já, þetta var ókaldhæðið hrós á einhverju dönsku því dönsk hraðbrautarumferð gengur eins og í sögu þegar það eru ekki alltof margir Danir í henni.)

Undarleg vika

2007-08-09T18:10:00.001+02:00

Þessi vika er búin að vera fjölbreytt og að mörgu leyti undarleg. Heimsókn á mánudegi, bjórsötur, sól og vottur af þynnku og því að mæta aðeins of seint í vinnuna var ljómandi byrjun. Brennandi steikjandi heit sól og gríðarlegur raki í loftinu, auk vinsælda íbúðar minnar hjá stingandi kvikindum á nóttunni - allt hefur þetta haldið mér sæmilega svefnlausum og ekki alltof virkum það sem af er vikunnar.

Vinnan er líka í sérstökum gír. Ég þarf helst að vera búinn með stóran hluta af pappírsvinnuverkefnum mínum (skýrslur og annað eins) áður en mínar fjórar vinnuvikur í verksmiðjunni byrja á mánudaginn. Pappírsvinnan samanstendur aðallega af uppfærslum og því að svara athugasemdum viðskiptavinna og því hvorki mjög krefjandi né spennandi. Þarf samt að ljúka af og loka.

Til að kóróna allt þá kom það í ljós í dag að ég er EKKI á leið til Parísar á mánudaginn þrátt fyrir allt. Frakkarnir voru ekki tilbúnir fyrir áætlaðan fund og voru ekkert að hafa alltof hátt um það fyrr en í dag. Nú er alveg óvíst um hvort það er ég sem verð sendur af stað eða einhver annar. "Fleksibel arbejdsdag" hefur aldrei átt betur við!

Svefnleysi og óörvandi verkefni, steikjandi sól og stingandi kvikindi, og fundur í Frakklandi sem fellur niður. Sérstök vika.

Á móti kemur að ég hlakka mikið til næstu vinnuviku. Húrra fyrir verksmiðjunni!

Mig vantar öflugri vekjaraklukku - helst einhverja sem rafmagnsljóstrar mann á fætur! Hvar fæst svoleiðis?

Alltaf gaman að lesa um Ísland í erlendum blöðum. Alveg sérstaklega gaman þegar skrifin fjalla um hvað Danir eru ömurlegir miðað við Íslendinga! "... Island slår ... Danmark."

Eftirfarandi er alveg dæmigerð dansk-enska (denska?): "As there has not been performed a [...] at this stage ..." Rétt orðaröð sem lætur útsent efni líta fagmannlega út, það er bara pjatt!

Núna þarf tölvudeildin að gera eitthvað við netþjónana svo ég neyðist einfaldlega til að hætta vinnu í dag. Ójæja, yfir og út!

Uppfært: Ég er á leið til Parísar eftir allt saman, bara á fimmtudag-föstudag næstu viku í stað upphaflega áætlaðs mánudags-þriðjudags. Ljóóóómandi.

Hasar!

2007-08-06T17:16:00.000+02:00

Í dag er einn af þessum vinnudögum sem virkilega skipta máli. Svo mikið er alveg víst.

Mánudagur (og þriðjudagur) eftir viku verður annar af sama tagi. Þá verð ég í París á fundi með fólki frá hinu yfirleitt ágæta fyrirtæki Acergy. Vonandi að Frakkar haldi sig frá verkfalli og skýin haldi sig fjarri á meðan ég er í höfuðstað hins vestur-evrópska sósíalisma!

Í næstu viku hefst líka minn "túr" í verksmiðjunni okkar góðu og varir í fjórar vikur. Ég hlakka mikið til!

Öll verkfræði sem tengist "offshore" er sennilega einn stærsti vaxtarbroddur verkfræðigeirans þessi misserin. Hvergi er hægt að fá fólk með réttan bakgrunn fyrir "offshore" - ekki einu sinni í Frakklandi. Kannski er þetta aðeins of nördað fag til að draga nægilega marga að sér, en ekki er það leiðinlegt!

Þarna kláraðist enn ein reiknilykkjan og vissara að halda sér við efnið. Yfir og út!

Sunnudagshugvekjan

2007-08-05T22:34:00.001+02:00

Skattayfirvöld eru staðráðin í að setja sjoppuna "mína" á hausinn. Mikið rosalega verð ég fúll ef það tekst. Það eru bara svo og svo mörg skipti sem skattayfirvöld geta gert lager upptækan (af því það vantaði límmiða á það sem var ekki komið upp í hillur) áður en rekstur fer á hausinn.

Ég fékk a.m.k. 7-8 flugnabit á bakið í nótt (opnar svalarhurðir og sofa á maganum er ekki frábær blanda). Anti-histamín eru að gera góða hluti. Hins vegar eru stórar bungur búnar að myndast á hverju einasta biti, og það er frekar óþægilegt. Gvuð blessi sogæðakerfið, sem nú er komið á fullt.

Fallegasta (og skemmtilegasta) veðurfréttakona Íslands þekkir mig. Húrra!

Reykingabannið... (texti fluttur hingað eftir örlitla umhugsun)

Seinfeld er hugmyndafræði sem ég get alveg mælt með!