Hress sem fress

Mikið er þetta hressandi grein. Ég get meira að segja verið sammála mörgu í henni. Þar segir t.d.: Frjálshyggjumaðurinn réttlætir skoðanir sínar út frá hugmyndafræði sinni, sem er frjálshyggjan sjálf. Þegar allt kemur til alls hefur hann því engar skynsamar ástæður til að ætla að hugmyndafræði sín gildi, nema sú að hann gefur sér það til að byrja með. Þarna fjallar höfundur um réttlætisrökin sem eru ekki síður mikilvæg en reynslurökin, sem frjálshyggjumenn hafa reyndar á sínu bandi líka, þótt í grunninn séu þau síður mikil væg, því reynslurök geta verið svo hættuleg (nasistinn segir t.d. rétt frá með tilliti til reynslu að útrýmingarbúðir hafi virkað vel til að fækka Gyðingum, en hvernig réttlætir hann það?). Skemmtilegast er samt að reyna sjá höfund fjarlægja sig kommúnistum fyrri tíðar m.þ.a. kalla sig "róttækling", og segja síðan: [Róttæklingurinn] einbeitir sér að lausn á ákveðnu vandamáli, þ.e. fátækt og misskiptingu í heiminum. Hvað var nú aftur meginþema kommúnistaávarpsins, ef ekki að berjast stétt á móti stétt, þ.e. hópar sem hafa mismikið milli handanna í efnahagslegu tilliti, þ.e. fólk sem er skipt í hópa eftir tekjum, þ.e. fólk með mismiklar tekjur, þ.e. misskiptingin? Róttæklingurinn = kommúnisti, sama hvað tautar og raular. En nóg um það. Vinstrimenn hafa ekki reynslurökin á sínu bandi. Allar tilvísandi í Svíþjóð eru gangslausar því Svíar einkavæða nú skóla- og heilbrigðiskerfi sem aldrei fyrr, tapa fólki og fyrirtækjum úr landinu vegna skattbyrði og berjast á hæl og hnakka við yfirvofandi gjaldþrot "velferðar"kerfis síns.

Hressandi að keyra bíl í vinnunni. Hressandi að valda næstum því nokkrum óhöppum á dag en sleppa einhvern veginn alltaf. 7-9-13.

Svo virðist sem Daði hafi verið síðasti áfengisþyrsti maður Danmerkur, og með hann í svörtustu Afríku sé engin leið að verða ölvaður öðruvísi en fyrir framan sjónvarpið. Nú ýki ég örlítið en vonandi nær einhver punktinum.