Þokukenndur þriðjudagur

Þokan liggur yfir Danmörkinni, en fólk virðist annars vera gríðarlega vel stemmt. Undirritaður meðtalinn.

DV á morgun mun víst innihalda nokkur misvel valin orð um græðgi. Föstudags-DV er enn óskrifað. Fréttablaðspistill er tilbúinn í hausnum en óskrifaður í bili. Greinaröð er sömuleiðis tilbúin fyrir Morgunblaðið, bara ekki niðurskrifuð. Þetta kemur allt. Engin ritstífla í bili svo ekki sé meira sagt.

En að öðru og kannski persónulegra málefni sem ég veit hreinlega ekki hvort ég megi skrifa en ég sé hvað Gauti kemst upp með og hlýt að geta komist upp með eitthvað líka:
Ég á ekki mjög marga kvenkyns vini, þ.e. vinkonur. Hins vegar virðast þær sem ég á allar vera: Greindar, léttgeggjaðar og passleg blanda ábyrgðar gagnvart því praktíska og kæruleysis gagnvart því sem skiptir praktískt minna máli (lesist: Kunna ennþá að skemmta sér á einn veg eða annan þrátt fyrir háa elli okkar sem eru fædd á 8. áratug 20. aldar og fyrr). Þið eruð magnaðar stúlkur, kæru vinkonur, og sjaldgæf eintök í hinu mikla offramboði ofmálaðra barbídúkka og þurrkunta.

Blammeringar fyrir væmni og játningagleði á þriðjudagsmorgni eru bannaðar.

Visual Basic, tilraun fimmtánþúsund til að gera einn einfaldan hlut, here I come!