There are no legal limits to free speech, but there are civic limits. In any society, there is a civic understanding that free speech should be used wisely so not as to provoke sensitivities, particularly in hybrid, multicultural societies we see in the world today. It is a matter of civic responsibility and wisdom, not a question of legality or rights. In that context, I think it was unwise to publish these cartoons because it is the wrong way to start a debate about integration. Such a move inflames emotions; it does not court reason. It is a useless provocation. (#)Mikið er hressandi að sjá einhvern höfða til skynsemi, kurteisi og yfirvegunar í stað þess að tala endalaust um hvort löggjafinn eða framkvæmdavaldið eigi að grípa til einhverra aðgerða. Málfrelsi á nefninlega ekki að setja nein lagaleg takmörk. Guðlast, hommaníð, blökkumannabrandarar, reðurdjókar, barmstærð eða -smæð, klæðaburður, léleg sjón, kynjafordómar, óhróður og hvaðeina - ekkert er hægt að réttlæta löggjöf á nema sætta sig við að sumum megi fórna á bál annarra. Hins vegar er auðvitað til ókurteisi og eitthvað sem er óviðeigandi. Það er önnur saga.
Múslíma-múhameðsmálið kemur hinum venjulega múslíma lítið við. Miðausturlensk hryðjuverkasamtök og/eða bókstarfstrúar-múslímasamtök eru potturinn og pannan á bak við alls þessa rugls sem hefur fylgt fjögurra mánaða gömlum teiknimyndum, sem þar að auki eru í besta falli sæmilega fyndnar og vöktu eflaust enga athygli fyrstu lesenda. Besta ráðið væri líklega að hunsa mótmæli og hróp og köll og fylgjast með óeirðabylgjunni logna útaf í athyglisleysi.
Umfram allt er að vona að löggjafinn haldi að sér höndum. Þótt sumir geti illa mótmælt því að vera fórnað á bál samfélagslegrar kröfu um frið og ró þá þýðir það ekki að slíkt sé réttlætanlegt.
6 comments:
Þar erum við þó alveg sammála ... hér er út í hött að reyna að skerða málfrelsið.
Hitt er annað mál að áður en þetta byrjaði var ég tilbúinn að láta íslamstrúarmenn njóta vafans, en viðbrögðin sem skýrt hefur verið frá t.d. í Sýrlandi og Lýbíu eru ekkert annað en tilraunir til að búa til ofbeldi.
Hvort skipulagðir hryðjuverkahópar eða viðlíka standi á bak við "aðgerðirnar" gegn Dönum og Norðmönnum (btw hvernig var það réttlætt?) skal ég ekki segja ...
Ég leyfi mér að kasta fram tilgátu um það að þetta sé yfirveguð aðgerð frá Hamas. Þau samtök eru enn skilgreind hryðjuverkasamtök; en hafa samt unnið kosningar. Eins og er verða þau að skilgreina sig upp á nýtt, til að ná réttu diplómatísku attítjúdi.
Til að minnka tímapressu er um að gera að slá upp einhverju bulli varðandi einhverjar skopmyndir. Þá fá þeir meiri tíma í Egyptalandi og það er það sem þeir þurfa.
Kannski geri ég ráð fyrir of mikilli visku frá þessum gaurum, en ef gert er ráð fyrir "illahugsun" er dýrara að hafa rangt fyrir sér.
Þrándur
al-kaída, Hizbollah og Hamas eru allir líklegir kandídatar til að smala saman 500-1000 manns til að ráðast á sendiráð og hverfa svo útí buskann.
Eftir sitja Evrópubúar veltandi því fyrir sér hvort 12 teikningar verðskuldi morð og eignaspjöll, og hvort skemmdarverk eigi að launa með afsökunarbeiðni og eftirgefni við afmarkaðn hóp ofstækismanna sem vilja umfram allt skara eld að eigin köku.
Þetta mál er allt saman mjög merkilegt. Þetta er ekki í fyrsta sinn sem gert er grín að Múhameð og Íslam trúnni, en í þetta sinn verður allt vitlaust. Mikil spennað er í þessum málum núna og því kemur þetta ekki svo mikið á óvart (og þó).
Eflaust væri það besta í stöðunni fyrir Jylland Postern að biðjast afsökunar á birtingu brandarana, til að læga öldurnar, þó svo að allt frelsi einstaklingsins í vesturlöndum leyfi svona brandara.
JP hefur að vísu beðist afsökunar á því hvað margir móðguðust vegna brandaranna. Ég held að afsökunarbeiðni frá JP muni engin áhrif hafa. Nú hafa teiknigarnar birst útum alla Evrópu, múslímasamtök komin með blóðbragð í munninn og best í stöðunni að vera harður á því að tjáningarfrelsinu verði engar skorður settar (síst af öllu sem friðþæging og friðarkaup við ofstækismenn), en að kurteisi og gagnkvæm virðing sé sjálfsögð í samfélagi manna, og að þessar teikningar voru, þegar allt kemur til alls, lélegir brandarar sem fáir hlógu að.
Segi enn og aftur að það þurfa ekki að vera skipulögð samtök sem standa að þessu, það sást bara í París þegar fóru bara e-rar SMS-sendingar af stað ... efast um að þar hafi verið á ferðinni Parísararmur Al-Quaeda!
Post a Comment