Molar 2b

Framhald af sögunni í færslunni Molar 2 og óskiljanlegt nema sú færsla hafi verið lesin:

Ég fór í bankann og þeir sögðust ætla gera upp síðustu rukkun án þess að ég þyrfti að greiða fyrir það eða spá meira í málinu. Næsta dag sé ég að upphæðin hafði samt sem áður verið dregin af reikningi mínum! Ég hringdi alveg snældubrjálaður en þá var búið að loka og símabankakellingin gat ekkert gert.

Næsta dag sá ég svo að peningurinn hafði aftur verið lagður inn á mig og nú vona ég að allt þetta mál sé frá.

The end.

Íslandsferð 18.-23. ágúst

Mörg púsl hafa nú raðast saman og myndin er orðin skýr núna: Ég skrepp til Íslands 18.-23. ágúst (fim.kvöld-þriðjudagseftirmiðdegi). Nú er bara að byrja pakka! ..ehhhh.

Nú haltra ég eins og skökk hóra. Gengur maður ekki svoleiðis af sér hreinlega?

Haltur en sáttur

Fótbolti er hættuleg íþrótt, en skemmtileg (minnir á reykingar ef út í það er farið). Nú haltra ég.

Á morgun verð ég með kreditkortið við hönd í vinnunni og mig grunar að Icelandair muni vinna slaginn við Iceland Express. Meira síðar.

Alþjóðleg ráðstefna á Íslandi og engir aukvisar sem hana mun sækja.

Molar x

Aldrei þessu vant tiltölulega úthvíldur og óveikur eftir helgi. Það er nú gott. Nú er mætingarprósenta aftur komin yfir 50% í minni deild, jafnvel 60%, sem þýðir öðruvísi hannað álag í ögn fjörugra umhverfi.

Já þessi Íslandsferð þarf að komast á blað í vikunni og það af hreinum tímapressuástæðum þar sem yfirmaðurinn fer í frí í lok vikunnar og ágústmánuður nálgast óðfluga. Ég læt auðvitað vita á öllum vígstöðvum þegar eitthvað ákveðst.

Molar 3

Sólin er komin aftur. Gott. Sukk planað í kvöld. Gott. Vinnuálagið orðið yfirstíganlegt aftur. Gott. Hálsbólga og kvef svo gott sem á brott. Gott.

Óneitanlega grípandi titill á bloggi: Redneck Feminist: A Free Market Feminist Blog.

Svo virðist sem áðurnefnd Fréttablaðs-grein hafi ekki verið svo galin eftir allt saman. Þó þykist ég vita að ekki séu allir sammála öllu sem ég sagði. Ég tek báðum höndum við allri gagnrýni frá öllum sjónarhornum. Sími (hringja eða SMS), MSN, bréfpóstur, tölvupóstur, hittingur, comment á þessu bloggi, færsla á öðru bloggi eða hvað sem er má notast til að koma skilaboðum áleiðis!

Jahérna mikið andskoti eru margar leiðir til að ná í mann. Hvað næst? Hugskeyti?

Vissu allir að Danmörku "sár"vantar verkfræðinga? Ég segi ekki hvaða verkfræðinga sem er, en a.m.k. þær tegundir verkfræðinga sem Íslendingar eiga mest af: Vélaverkfræði, byggingaverkfræði og rafmagnsverkfræði. Danir eru allir að læra hugvísindi og því enginn eftir sem vill læra reikna. Þar að auki kemur til skattkerfi sem fælir allt menntað fólk úr landinu (þ.e. þá með menntun sem einhver getur notað).

Molar 2

Ég er búinn að finna hinn fullkomna eilífðartitil á allar færslur: "Molar XX" þar sem XX er auðvitað ekkert annað en hlaupandi tala. Molar 2 hefjast þá nú.

Hér kemur lítil saga sem krefst svolítillar athygli en er að mínu mati gríðarlega áhugaverð (og meira að segja ópólitísk með öllu!):

Þegar ég var í Danmörku haustið 2002 að hefja vetur sem skiptinemi í DTU þá keypti ég mér síma hjá fyrirtækinu Telia. Ég skrifaði undir einhvern samning og fékk símann á vægu verði.

Skömmu síðar flutti ég, skipti um sveitafélag og hætti að fá símreikninga (sá eini sem ég hafði fengið týndist og greiddist því ekki). Þessu var ég lítið að spá í og tíminn leið og aldrei kom neitt frá fyrirtækinu. Ég vissi að ég kæmist varla upp með að vera í áskrift hjá símfyrirtæki án þess að þurfa borga, en reyndar látið aflæsa símanum og skipt um símfyrirtæki og því var sosem ekki um neina vaxandi notendaskuld að ræða.

Þegar ég flutti aftur til Danmerkur síðasta haust sendi ég ímeil á Telia og spurði hvort ég skuldaði þeim ekki einhvern pening. Ég fékk ekkert nema sjálfvirkt svar og þar við sat.

Í febrúar/mars á þessu ári fékk ég bréf frá innheimtufyrirtæki. Í því stóð að ég skuldaði Telia peninga (auk einhverra vaxta og innheimtukostnaðar) og að þar sem fyrri tilraunir til að hafa samband við mig höfðu ekki borið árangur væri nú búið að hækka skuldina um einhverjar krónur.

Ég hringdi og sagðist aldrei hafa heyrt frá innheimtufyrirtækinu varðandi þessa skuld og bað um að síðasta hækkun á skuldinni yrði dregin til baka og skuldin færð að upphæðinni sem hún var í þegar ég hafði samband við Telia síðasta haust. Ég var beðinn um að senda inn skriflega kæru sem ég og gerði.

Um 2 vikum seinna fékk ég annan reikning þar sem sagði að kæra mín hefði verið tekin til meðhöndlunar og ég beðinn um að borga meðfylgjandi gíróseðil sem var upp á sömu upphæð og áður. Ég hringdi aftur í innheimtufyrirtækið og þeir sögðu mér þá að ég hefði engan nýjan reikning fengið og að kæran mín væri ennþá til meðhöndlunar! Ég var hreinlega beðinn um að henda þessum síðasta reikning!

Auðvitað gerði ég það ekki en beið þolinmóður eftir að kæran væri frágengin. Þegar margar vikur voru svo liðnar, nánar tiltekið í lok maí, þá hætti mér að lítast á blikuna og hringdi enn einu sinni í innheimtufyrirtækið. Þar á bæ kannast menn ekki við að hafa fengið neina kæru og ég var beðinn um að senda eina inn! Ég gerði það og loks um miðjan júní fékk ég reikning og bréf sem sagði að kröfur mínar hefðu verið samþykktar og ég þyrfti bara að greiða upphaflega skuld plús 300 danskar krónur í einhvern kostnað.

Þennan reikning greiddi ég í banka og hafði á tilfinningunni að ég þyrfti að passa mjög vel upp á kvittunina. Það var góð hugmynd. Í byrjun þessa mánaðar fæ ég bréf frá RKI sem er fyrirtæki sem heldur utan um lélega borgara og eilífðarskuldara og er í raun svarti listinn hér í Danmörku. Þeir segja að innheimtufyrirtækið títtnefnda hafi nú skráð mig á lista þeirra af því ég hafði ekki borgað mínar skuldir hjá því!

Þetta passaði auðvitað ekki. Langur tími hafði liðið frá því ég greiddi skuld mína og þar til ég var settur á svarta listann. Ég hringdi því í innheimtufyrirtækið og sagðist hafa greitt mína skuld. Þeir kannast ekki við að hafa fengið neinn pening frá mér. Ég bauðst til að senda þeim afrit af kvittuninni sem ég gerði. Bréf kemur skömmu síðar, og auðvitað nýr og hærri reikningur með, og ég beðinn um að tala við bankann um og athuga hvert þeir höfðu lagt peninginn inn. Bankinn hafði vissulega dregið nákvæmlega rétta upphæð (+gebyr) af reikning mínum en sá peningur virðist hafa horfið.

Ég hringdi í bankann minn og segi þeim alla sólarsöguna. Þeir leita í sínum hirslum og finna ekkert. Ég þarf því núna að fara í bankann með kvittunina svo bankinn geti millifært peninga aftur.

...og það er nokkurn veginn það sem ég þarf að gera í dag!

Molar

Mikið er ég ánægður með Egil Helgason að þora að segja styggðaryrði um Bandaríkjahatandi vinstriklíkuna á Íslandi og í Evrópu og efast um að öll heimsins vandræði með hryðjuverkamenn séu lýðræðislega kjörnum stjórnmálamönnum í enskumælandi löndum að kenna. Svona lagað má alls ekki segja í Danmörku án þess að uppskera flóðbylgju blaðagreina og lesendabréfa frá reiðum antí-Bandaríkjamönnum.

Nú jæja lesendur Fréttablaðisins í dag (pdf) hafa væntanlega rekist á andlitið á mér á forsíðunni og einhver skrif á síðu 16. Hver veit nema framhald verði á?

Loksins náði ég að setja upp hillur og taka til í herberginu mínu í gær eftir flutninga um mánaðarmótin síðustu. Kannski kofafyllerí verði vænlegur kostur fljótlega.

Regn.. almennilegt regn!

Og þá kom úrhellið í Danmörku og því er spáð út vikuna. Auðvitað er hressandi að fá smá vatn af himnum en fyrr má nú vera - heil vika? Já þegar sólin skín þá skín hún og þegar rignir þá rignir (þó auðvitað aldrei á íslenskan mælikvarða).

Er ég geðveikur að draga morgunnetrápið frá líkamlegum mætingartíma mínum? Sumsé, mætti 7:30, netráp til 8:00, og svo byrja ég ekki að telja vinnutímana fyrr en þá. Ég held nú að það sé óþarfi en... það er eitthvað en... við þetta.

Ég vissi að hlutfallið væri hátt en jahérnahér.. 61% allra fullorðinna Dana eru háðir opinberri framfærslu! Nú veit ég ekki alveg hvort þetta þýði fullkomlega háðir eða eitthvað minna enda ólesinn enn sem komið er, en ef þetta er "öryggisnetið" sem er barist fyrir þegar reynt er að réttlæta blóðuga skattbyrðina þá er ég hræddur um að öryggisnetið sé orðinn köngulóarvefur sem enginn losnar úr. (Úbbs gleymdi að segja varúð pólitík! en ójæææja!)

Já svona úr því ég er á pólitísku línunni: Svarið er nei, opinberir styrkir skapa ekki störf heldur eyða þeim úr þeim hluta atvinnulífsins sem greiðir skatta og flytja yfir í þann hluta sem þiggur skatta (mínus væg þóknun til handa ríkinu). Vonandi er þá sú mýta úr sögunni.

Sjúkt

Hressandi helgi lokið og margt sem ég ætti að muna sem ég man ekki, sumt sem ég man sem ég vildi síður muna og eitthvað man ég sem ég vil muna. Hor og kvef á föstudaginn er nú orðið að hori og hálsbólgu og mikið er nú óþægilegt að sitja hér í vinnunni og reyna ræskja sig sem hljóðlegast en svona verður það bara að vera í bili.

Núna loksins er komin vika sem er ekki skipulögð út í ystu æsar. Kannski ég geti loksins sett upp hillur, greitt skuldir, farið snemma að sofa, sagt upp korti, sótt um kort, pantað flug og svona eitt og annað sem ég hef látið sitja á hakanum undanfarið.

Rigning loksins

Fyrsta rigning vikunnar er staðreynd og sú önnur á síðustu þremur vikum eða svo. Þetta er bara ágætt. Rigningin klárast vonandi í dag og þá verður góð stemming þegar maður kveður Herstein með ofurölvun um helgina.

Aages Pizza virðist vera hressandi staður með hressandi sögu.

Nú er að byrja huga að því að koma sér í gang með að hugleiða Íslandsferð í ágúst. Líklega verður bara um langa helgi að ræða, kannski fim.kvöld-mán.kvöld, en það ætti nú að duga í bili. Löng jól með áramótum og tilheyrandi verða frekar látin éta upp frídagana mína í ár.

Slangurfjandi

Sum orð í dönskunni geta alveg sest föst í hausnum á manni. Orðið "lige" er t.d. í munni Dana í öðru hverju orði. Maður er "lige på vej", "skal lige har den her", "tisser lige", "lige ved hjørnet og så lige ud", "henter lige en til", "gør det lige" og svona má áfram telja. Þetta er orð margra merkinga.

Annað gott orð er að "overskue noget" og nýtist við fjölda tækifæra þegar eitthvað er þannig að það sér ekki alveg fyrir endann á því eða er ekki alveg yfirstíganlegt við fyrstu athugun.

Blótsyrðin koma af sjálfu sér og ég ætla láta þau eiga sig.

Eitthvað fannst mér listinn vera miklu lengri en nú man ég ekkert. Slangrið kemur samt og skiptir jafnvel út íslenskum orðum. Heilaþvotturinn er hafinn í landi Bauna.

Hasar og fleira

Óneitanlega mikill hasar í gangi núna þegar 2,2 milljónir danskra króna standa eða falla með vinnu næstu tveggja sólarhringa eða svo. Sem betur fer kann ég ekkert, veit ekkert, skil ekkert og ákveð ekkert, og mitt framlag felst í að sitja hér við tölvuna og gera það sem mér er sagt. Hentar mér ágætlega í dag.

Ég má til með að lýsa yfir ánægju minni með að hafa keyrt bíl í dag.

Stundum skil ég ekki af hverju allir eru ekki sammála mér um allt sem mér finnst. Tökum dæmi: Engin eiturlyf eiga að vera ólögleg. Bæði er óréttmætanlegt að skipa fullorðnu fólki fyrir um hvað það má setja inn í líkama sinn, og hitt að bönn á efnum leiða til þess að þau verða enn hættulegri en ella fyrir þá sem á annað borð lenda í duglegum sölumönnum þeirra.

Jæja nú tekur gamall ítrunarfílingur við. Ég ætla taka "hersteininn" á þetta og setja margar tölvur á langar keyrslur sem líklega munu leiða lítið af sér.

Tilvitnun dagsins

"Ég mæti aldrei í tíma. Þannig að það kostar mig 45000 kr að fá að pissa í lögbergi og mæta í próf." -Snillingur

Svimi er hressandi

Það er meira hvað svimandi þreyta getur verið hressandi. Mér líður eins og ég sé á einhverju dópi - sljór, í góðu skapi og pakkfullur af koffíni. Kannski ég sofi lengur næstu nætur en fyrri nætur. Þó ekki...

Nú er vinnan heldur betur komin á fullt eða að komast á fullt. Nú stefnir í yfirvinnu og læti. Ég hafði verið varaður við en ég hélt að þetta væru bara sögusagnir. Svo reynist ekki vera. Puð er stuð.. vonandi!

Íslendingar í Kaupmannahöfn vita annaðhvort ekki hvar neitt er utan miðbæjarins eða eru með öll heitustu kaffihúsin á hreinu. Ýki ég?

Grunur

Mig grunar að kvenfólk í Danmörku sé um tugnum léttara að meðaltali en kvenfólk á Íslandi. Getur einhver grafið upp tölfræði sem sýnir fram á það eða afsannar? Öll þessi léttmjólk hlýtur að vera. Öll þessi hjól kannski.

30 stiga hiti er eiginlega orðið svo mikið að maður flýr inn en ekki út. Sniðgut. Ströndin um næstu helgi, já!

Ég held ég hafi ekki þurft að nota vasareikni svona mikið á ævinni síðan hið herrans ár 2001. Ekki spurja hvernig ég veit það.

Atvinnuveitandi minn býr við ákveðinn starfsmannaskort, eða jafnvel mikinn skort af því tagi. Yfirmaður minn segir að það sé svo erfitt að finna fólk. Gott vélaverkfræði- og tæknimenntað fólk er víst erfitt að "få fat i". Kannski er bara svona erfitt að ná í fitu í svona grönnu landi (djö... er ég fyndinn!)! Skrýtið er nú samt að heyra að hér í landi sé skortur á verkfræðimenntuðum hausum miðað við tröllasögur íslenskra verkfræðinema og þess að það tók mig litla 8 mánuði af klósetthreinsun og póstútburði að fá mína vinnu.

Varúð! Semípólitískur texti!
Danir hafa að stóru leyti látið rækta úr sér alla sjálfsbjargarviðleitni. Landið þeirra er á leiðinni á hvimandi kúpuna, milljón manns í 5 milljón manna ríki eru á einn eða annan hátt á framfærslu án framlags, engin leið ætlar að reynast að frelsa eitthvað af ríkisrekstrinum undan ríkinu, þeir best menntuðu og klárustu eru fyrir löngu flúnir til Bretlands og Bandaríkjanna, og unglingur sem elst upp í Danmörku lærir að heimta og heimta meira og helst örlítið meira í skiptum fyrir lítið eða jafnvel ekkert og telja slíka hegðun tengjast mannréttinda- og kjarabaráttu. Viðbjóður.

Þetta gengur ekki. Nú fer ég að kaupa frjálshyggjuboli á netinu! ...eða fljótlega allavega.

Ólíkt

Munurinn á því að rölta um bæinn með mömmu sinni annars vegar og kærustunni hins vegar er sá að sú fyrri vill stanslaust vera gefa manni pening á meðan hin síðari er stanslaust að biðja um pening. Dagur með báðum saman skilur mann því eftir nokkurn veginn á núllinu.

Øl øl og meira øl

Mikið afskaplega reynir á lifrina að hafa múttu og vinkonu í bænum. Magnið af áfengi sem kemst ofan í skrokka þeirra er ótæpilegt og ef nokkrir höfðingjar eru undanskildir þá eru fáar manneskjur sem byrja fyrr á daginn að drekka. Ekkert nema XL-bjórar og veitingastaðamatur.

Hersteinn kveður nú bráðum Danmörku og heilsar Íslandi. Ætli annað kveðjudjamm verði ekki að taka um næstu helgi. Vonandi heldur melurinn kveðjupartý!

Fleira er ekki í fréttum.

Í dag

Í dag er heitt... HEITT!

Mamma er lent og helgin mun litast af því.

Staðreynd um Dani: Danir ræða vandamálin, og helst í þaula. Hins vegar leysa þeir ekki vandamálin. Það er önnur saga.

Argh

Mathcad er VERSTA forrit í heimi!

Hvernig stendur á því hvað Danir geta stundum verið sjálfumglaðir? Þeir geta líka verið hressir og ljúfir samt. Þetta yfirgengilega þvera pakk sem skrifar í blöðin er eitthvað allt annað en það sem maður mætir á götum, vinnur með eða fær sér í glas með.

Danskt kvenfólk er yfirleitt orðum aukið í útlitslegu ágæti. Þó kom mér á óvart hvað Aðallestarstöðin er með gott úrval fyrir utan viðbjóðslegar verslunarmiðstöðvar auðvitað, og mjög ákveðin svæði á djamminu.

Nú er Sanne án atvinnu en gjörþekkir kerfið og fann leið til að sækja væna fúlgu af mínum skattpeningum, sem ég hefði nú alveg geta látið hana fá milliliðalaust ef ekki væri fyrir skort á valfrelsi. Hins vegar þykir eitthvað meira virðingarvert að þiggja frá þeim sem rænir en þiggja frá þeim sem þénar. "Væriru til í að lána mér pening á meðan ég er svona á milli starfa?" er jú algjör skömm í helvíti miðað við "Plíííííís fröken félagsmálaráðgjafi ég er búinn að skaffa þetta plagg og þetta plagg og þetta plagg og læknisvottorð og sakarvottorð og fylla út eyðublað 1X3g.03 og 300.03 og fara í kollhnís og lifa á maísbaunum í mánuð og með vottorð frá næringarráðgjafa um að sé rétt og plííííííís má ég fá ávísun sem ég þarf ekki að borga til baka því ég þarf ekki að vinna á meðan þú gefur mér pening plííííííís!!"

Er furða að þetta land var alveg að fara til fjandans áður en síðasta ríkisstjórn tók við, og er nú að fara í fjandans þrátt fyrir það. Danmörk er enginn framtíðarstaður fyrir mig, ónei.

Hverjum að kenna?

Þá gerðist það - hryðjuverkaárás á London - og nú er að bíða rólegur eftir því að vinstriliðið hendi út samsæriskenningum sínum sem munu að miklu leyti snúast um hvað Bandaríkjamenn hafa gert mikið rangt, hvað Bretar eru miklir taglhnýtingar þeirra og hvernig heimurinn yrði allur miklu betri ef góðu gæjarnir leggðu niður vopnin og gæfu eftir öllum kröfum ofsatrúarmanna og brjálæðinga sem sjálfir væru gráir fyrir járnum.

Mikið er samt leiðinlegt þegar svona árásir eru gerðar. Mikið afskaplega. Vonandi nást fíflin sem í hlut eiga og vonandi fá þau ekki ókeypis far til lúxushótelsins í Gvantanamóflóa í karabíska hafinu, sem ótrúlegt er satt er nefndur sem dæmi um slæman stað þegar ég efast um að innfæddir á Kúbu hafi það betra.

*Smack*

Ég fæ næstum því í'ann þegar Vefþjóðviljinn er að tæta í sig fréttamenn sem búa til æsifrétt úr engri frétt. Antí-Bandaríkjaáróðurinn í Evrópu er orðinn að einhverju furðuverki. Hver skilur þessa vitleysu?

Enn er ég aumur í öxlum og baki eftir helgina, og enn er ég hás, en ég er að verða tilbúinn í heimsókn frá múttu á morgun. Síðan er eitthvað með hitaköst sem ég fæ við og við, þó meira í gær en í dag. Þynnkuleifar eða danskt loftslag?

Veit einhver um góða og stabíla netútvarpsstöð? You know what I like...

Loksins pólitík!

Já mikið rétt loksins kemur pólitísk færsla frá mér í dag! Heppnin er með yður:

Í þessari grein er upphafssetningin svohljóðandi: Heimsvaldastefna kapítalismans er nú loksins að verða undir í umræðunni. Bendum á nokkrar villur við þessa setningu.

Í fyrsta lagi eiga heimsvaldsstefna og kapítalismi ekkert sameiginlegt. Heimsvaldsstefna þýðir yfirráð fulltrúa eins hóps af fólki (t.d. þjóð) yfir öðrum hópi fólks í skiptum fyrir engin, lítil eða takmörku réttindi síðarnefnda hópsins. Kapítalismi þýðir frjáls viðskipti frjáls fólks, óháð t.d. búsetu þess eða tegund og stærð stjórnvalda þess, í samfélagi frelsis = lögverndaðs eignarréttar, og mannréttinda = frelsis.

Það að blanda þessu tvennu saman er hið sama og að segja að sá sem blandar þessu tvennu saman sé hálfviti.

Í öðru lagi er ekki til neitt sem heitir málstaður "heimsvaldsstefnu kapítalismans" í umræðunni. Hins vegar eru til sjónarmið eins og sjónarmið Frakka, Þjóðverja, Íslendinga, Bandaríkjamanna, Breta, Svisslendinga, frjálshyggjumanna, antí-kapítalista (búsettir í frjálsum markaðssamfélögum sem gera þeim kleift að fljúga ódýrt milli funda helstu leiðtoga til að valda eignaspjöllum), og svona má lengi telja. Sjónarmið stjórnvalda Bandaríkjamanna, Breta, Dana, Íslendinga, Ástrala, Japana og fleiri gamalgróinna lýðræðisríkja er t.d. það að innrás inn í Írak hafi verið nauðsynleg af ýmsum ástæðum (t.d. einni frægri um gereyðingarvopnin). Hins vegar þar sem ekki er til neitt sem heitir "heimsvaldsstefna kapítalisma" þá er ekki til neitt sem heitir sjónarmið slíks uppspuna. Sjónarmið antí-kapítalista (lesist: antí-Bandaríkjamanna), Gaddafi, Saddam Hussein, stjórnvalda í Þýskalandi og Frakklandi og ýmissa annarra er að innrás inn í Írak hefði þurft já-stimpil frá Frökkum í Öryggisráði Sameinuðu Þjóðanna til að fá að eiga sér stað og verða "réttmæt" (nýtt hugtak í umræðunni er "réttmæt stríð" sem kaldhæðnislega er bara notað af þeim sem telja að eitt ákveðið stríð hafi ekki verið réttmæt, á meðan enginn annar vill meina að stríðið hafi mátt umflýja sem aftur væri hægt að rökstyðja sem er hins vegar ekki það sama og að segja að það hafi verið réttmætt).

Hið þriðja sem er rangt við upphafssetningu ákveðinnar greinar er að eitthvað sjónarmið sé að verða undir umfram mörg önnur og eitthvað sérstaklega mikið eða eitthvað sérstaklega mikið "nú loksins", því þótt þeir sem eru ekki ánægðir með veru Bandaríkjanna, Bretlands, Ástralíu, Danmerkur, Japan o.s.frv. inn í ákveðnu landi í Miðausturlöndum telji sig vera vinna fjöldann þá er það ekki nema ákveðið sjónarmið. Annað sjónarmið sem ívið meira fer fyrir en áður er að hryðjuverkahópar í ýmsum löndum hljóti að finna fyrir samkennd ýmissa hópa á Vesturlöndum og telji sig því áhyggjulausir geta sprengt upp og limlest fólk og treyst á að Bandaríkjamönnum verðir kennt um í ríku löndunum. Enn eitt sjónarmiðið er það að Bandaríkjamenn séu fastir í Írak þar til þeim hefur tekist að kenna þarlendum stjórnvöldum að hafa hemil á hryðjuverkahópum, eða ég hef ekki séð marga ábyrga aðila (sósíalistar á kantinum þar með undanþegnir) leggja það til að allt í einu eins og hönd væri veifað kæmist á stabílt og friðsælt ástand í Írak ef Bandaríkjamenn dræju sig nógu hratt í burtu. Hvað sem mönnum finnst um innrásin inn í Írak þá hef ég ekki séð marga setja nafn sitt við að henni sé hægt að snúa við einn tveir og þrír. Eða jú kannski með því að setja Saddam aftur við stjórn og hafa upp á Baath-flokknum hans og efnavopnateyminu.

Kannski má bæta því við að kapítalismi er í eðli sínu sú hugmyndafræði sem hvað harðast er andsnúin stríðsrekstri ríkisstjórna. Í kapítalisma deyja fyrirtæki í viðskiptastríðum. Þegar stjórnvöld slást þá sóa þau auðlindum sem kapítalisminn þarf á að halda, drepa kúnnana sem fyrirtækin þurfa á að halda og herða að samfélaginu sem hinn frjálsi markaður þarf á að halda. Í sósíalisma finnast engar málefnalegar mótsagnir við ríki í stríðshug.

Stutta Hróaskeldusaga Geirs

Þá er mjög langri, mjög skemmtilegri en einnig mjög erfiðri helgi lokið og ég mættur til vinnu eftir væna þynnku í gær og einhverjar leifar hennar í dag. Eitthvað hefur reynst flókið mál að púsla saman vinnu, félögum í heimsókn, systur í heimsókn, kærustumálum, flutningum á tveimur vígstöðvum í alls þremur lotum og lyklaleysi sem enn er viðvarandi, og að sjálfsögðu hefur eitthvað gefið eftir eins og að koma dóti til Íslands, hanga örlítið í bænum með sjaldséðu fólki, minn eigin líkami og vinnudagurinn í gær, en á heildina litið löng, góð og erfið en hressandi helgi. [Nú byrjar sjálfsævisagan:] Ég svaf á berri jörð, í tjaldi, á gólfi, í sófa og í rúmi yfir síðuru fjórar nætur. Ég át einu sinni á dag í þrjá daga og skeit svo fyrir þrjá daga á fjórða degi. Ég móðgaði einhverja en skemmti samt flestum og var móðgaður af einhverjum en skemmt af flestum. Fjárhagnum var rústað í smá tíma eins og útihátíðir virðasta hafa í för með sér en það er líka þeim mun gaman að þéna þegar málstaðurinn er góður.

Niðurstaðan er skrokkur sem er meira dauður en lifandi en haus fullur af nýjum og hressandi "minningum". Takk fyrir mig!

Jámm

Hefur einhver fengið það á tilfinninguna að þegar maður loksins ákveður að taka sér svo mikið sem EINN dag í frí þá hitti það á langversta daginn á öllu árinu þegar allt er að gerast á öllum vígstöðvum?

En ég kveð nú netheim í nokkra daga. Næstu skrif verða undir áhrifum timburmanna.

Heilaður!

Í gær voru flutningar hálfnaðir. Í dag er þeim lokið, ef einn svartur plastpoki er undanskilinn, og næst er bara að fá lyklavöld og borga fyrstu leiguna. Þetta er gott mál. Gammel Kongevej er minn!

Þökk sé hinni góðu þrifskorpu sem var tekin í gær og þökk sé því hvað flutningar gengu vel þá stefnir allt í að ég verði meðal glaðra einstaklinga á Hróaskeldunni seinnipartinn í dag eða snemma í kvöld. Enn betra! Er Haukur ekki annars búinn að láta til leiðast? Haukur: Heiðskýrt og sól og gott áfengisverð!

Örvar má eiga von á smá glaðningi sem ég fann fyrir tilviljun í kjallaranum þaðan sem ég var að flytja. Ég hafði ekki séð þennan glaðning lengi, og þaðan af síður hafði ég sett hann á þann stað sem ég fann hann á, en upp koma svik um síðir og nú er sending vonandi á leið til pilts eftir helgi.

Innbú Daða verður sótt eftir helgi og þá á ég rúm. Það verður ekki verra að eignast svoleiðis grip. Peningar fá að skipta um hendur á svipuðum tíma.

Voðalega eru mörg nöfn að nefnast hérna. Sei sei.

Örlítil pólitík (varúð! varúð! varúð!) í lokin: Í einu blaðinu segir að ráðherra umhverfis- og skipulagsmála í Danmörku sé nú að velta fyrir sér að leyfa stærri verslanir en nú er kveðið á um í lögum. Já, dönsk lög segja til um hámarksflatarmál verslana og því undir ráðherrum komið að ákveða hvað sé hentug stærð á verslun og hvað ekki. Finnst engum það skrýtið nema mér? Hvað kemur það ráðherrum við hvað fólk og fyrirtæki nota mikið pláss að eiga viðskipti?

Staðreynd um Dani 2

Staðreynd um Dani: Þeir vilja gera allt "stil og roligt", og ef þeir sjá ekki fram á að geta klárað öll sín verkefni á rólegu og afslöppuðu tempói þá verða þeir stressaðir og jafnvel líkamlega veikir af stressi og láta ekki sjá sig í vinnu í marga daga.

Hálfnaður

Þá er Sanne flutt, þ.e. er dótið hennar. Bara agnarsmár haugur af dóti eftir sem á að heita mitt. Takmarkið er að minnka fjölda veraldlegra eigna minna niður í tvo kassa svo næstu flutningar verði enn auðveldari. Allt þetta dót er bara íþyngjandi.

Nú lítur út fyrir að með smá heppni komist ég á Hróaskeldu á fimmtudagskvöldið en í allraseinasta lagi verði ég þar fyrir hádegi á föstudag. Mikið er ég ánægður með það.

Annars er það helst í fréttum að spennan magnast á Wimbledon-mótinu í tennis og útlit fyrir spennandi keppni. Gott.

Ský ský burt með þig..

Nú er skýjað en hlýtt, sem þýðir að þegar ég var á leið til vinnu í stuttbuxum þá var mér kalt.

Ég veit alveg af hverju mörg trúarbrögð hreinlega banna fjölkvæni, og ástæðan kemur trú ekkert við. Málið er að það er efnahagslega og félagslega ómögulegt fyrir einn karlmann að skemmta og framfleyta fleiri en einum kvenmanni í einu (þ.e. á sama degi eða í sömu viku). Öll orka hverfur í kvenfólkið og skilur karlmanninn eftir sem ónýtan, ósofinn og ónothæfan starfskraft. Ástæðan bak við bann á fjölkvæni er því í raun stjórnskipuleg og snýr að efnahagsstjórnun en ekki trú.

Annars er það helst í tennisfréttum að Sharapova er komin í fjórðungsúrslit. Gott.

Ljómandi allt saman

Margir boltar á lofti ef svo má segja. Systir og Sanne sofandi heima, íbúðin í fullkominni óreiðu flutninga og gestagangs, Gauta bjargað inn á Hróaskeldu sem vonandi þýðir að mér verður bjargað á hátíðina síðar í vikunni, vinnan rúllar í sínum þriðja gír af fimm, öðru slegið á frest til næstu viku (öllu sem liggur í zone 5+), og þannig er það.

Stefnan er að vera mættur á Hróaskeldu á föstudaginn um hádegi. Gott hjá mér.

Annað í fréttum: Duglegir útlendingar boðnir velkomnir til Danmerkur og ónefnt fyrirtæki hafði samband við mig varðandi verkfræðivinnu en ekki öfugt. Hressandi.

Sveitt!

Hitinn hérna í Danmörku í vikunni er alveg að drepa mig! Hér hefur ekki verið verandi úti í síðbuxum í langan tíma. Nú er að vona að þetta haldi í 9 daga í viðbót og þá fara allir glaðir heim af Hróaskeldu.

Af einhverjum ástæðum finnst mér kvennatennis nú aftur vera orðin spennandi íþrótt, og fréttir af helstu viðburðum í íþróttinni eru byrjaðar að vekja áhuga minn. Lesendur þessarar síðu mega því kannski byrja eiga von á færslum sem endurspegla hinn nýja og heilbrigða lífsstíl minn.

HREIN pólitísk færsla!

Morgunpóstur VG er kannski ágætt dæmi um það hvers vegna VG fær yfirleitt þónokkuð fylgi milli kosninga, en þegar á hólminn er komið er flokknum ekki treyst til að stjórna.

Tilvitnun:

Það ber svo sem ekki að vanþakka þessi framlög fyrirtækja og auðmanna. Það er t.d. ánægjulegt að sjá aðstöðuna sem listamenn hafa fengið í Brautarholti 1 í Reykjavík og kalla Klink og Bank. En í rauninni ætti Reykjavíkurborg að hafa nægileg fjárráð til að fjármagna svona starfsemi. Og fyrirtæki sem græða á tá og fingri ættu að borga það háan skatt að opinberir aðilar geti sýnt slíkan stórhug.

Þá höfum við það - Einar nokkur Ólafsson vill að ríkið þjóðnýti nægilega mikið af tekjum þeirra sem voga sér að efnast til að hið opinbera geti eitt kallað sig listunnanda í verki.

Ekki kemur á óvart að Einar þessi er með tengil á skemmdarverkasamtök sem stunda árásir í anda unglinga í Kaupmannahöfn sem hafa of mikinn tíma á félagslegu bótunum sínum til að geta sest niður og rætt málin. Auk þess margir tenglar á hin og þessi hálfdauðu samtök antíkapítalista og annarra sem halda að hægt sé að innleiða sósíalisma án útrýmingarbúða, þrátt fyrir að 100% tilrauna til að innleiða sósíalisma hafi endað með stórfelldum þjóðarmorðum.

Aldan rís..

Það má nú segja að næstu dagar verði hressandi. Helstu hápunktar:
- Laugardagur: Litla systir+vinkona koma til Köben og stefna á Hróaskeldu.
- Sunnudagur: Stefnt á að hefja flutninga, en þó ekki flytja.
- Sunnudagur-fimmtudagur: Hróaskeldufarar streyma til Danmerkur.
- Þriðjudagur: Sanne flytur í sitt herbergi.
- Föstudagur: Ég flyt í minn "bofællesskab". Held síðan ferskur til Hróaskeldu.
- Föstudagur-Sunnudagur: Almenn ólæti.
Samhliða öllu þessu eykst álagið í vinnunni statt og stöðugt.

Já þetta verður hressandi.

Staðreynd um Dana 1

Staðreynd um Dana: Þeir eyða miklum tíma á fundum í að tala um hvað þeir hafi lítinn tíma til að vinna verkefnin sín, sem þeir eru svo ekki að vinna því þeir eyða svo miklum tíma á fundum.

Skemmdur

Helgin að baki og ég er 10x þreyttari núna en á föstudaginn. Hægri höndin er líklega eitthvað ónýt eftir sjómannaglímur á föstudagskvöldið, kroppurinn allur að jafna sig eftir mikið magn áfengis og lítið magns vatns og mats, og hausinn er hálfringlaður líka.

Hvað um það. Margt skýrðist um helgina. Ég ætla að flytja til Gammel Kongevej í Vesterbro í Kaupmannahöfn og deila þar eldhúsi, baðaðstöðu, þvottaaðstöðu og setustofu með um 5 öðrum manneskjum, og hafa herbergi upp á 14 m2 fyrir mig sjálfan. Búsetumynstrið kallast bofællesskab sem ég held að verði gaman, mjög félagslegt og frekar ólíkt því sem ég hef áður prófað (heimavist með skólafólki telst ekki með), og síðast en ekki síst: Svolítið danskt.

Svo mikil var ánægjan hjá fólkinu með mig að mitt kyn, karlkynið, var í raun valið þótt í raun réttri hafi verið að leita að kvenmanni. Já, svona er maður heillandi á stamandi dönsku eftir 12 tíma vinnudag.

Flyt inn 1. júlí. Langar einhverjum Hróaskeldufaranna ekki alveg rosalega til að hjálpa til með flutninga?

Sanne fékk líka húsnæði og það á sjálfri Istergade sem allir kannast við!

Í vikunni er stefnt á hitting með nokkrum aktívista-sinnuðum frjálshyggjumönnum. Þó verða eignaspjöll og líkamsárásir ekki á dagskránni, ólíkt því sem gengur og gerist hjá ýmsum öðrum aðgerðasinnuðum hópum.

Hress... andi

Húrra fyrir alvöruverkefnum!

Svei fyrir því að hafa sofið yfir mig tvo daga í röð, og það án þess að muna eftir að hafa slökkt á vekjaraklukku eða svo mikið sem rumskað. Samstarfsfólkið tekur þessu með stóískri ró. Yfirmaðurinn lét duga að rétta mér nafnspjaldið sitt og segja mér að hringja næst og segja hvenær megi búast við mér. Kannski hef ég samt grafið hressilega undan mér fyrir komandi 3ja mánaða prufutímabilsviðtalið mitt í ágúst- eða septembermánuði. Kannski ekki.

Í dag er 17. júní og til hamingju með það þjóðernissinnuðu eyjaskeggjar. Af hverju flagga Danir ekki fyrir því? Helvítis Baunarnir! En kannski það verði haldið upp á daginn með einhverjum áfengisdropum í kvöld. Hersteinn er vel á minnst búinn með lokaverkefnið sitt og búinn að verja það og orðinn útskrifaður verkfræðingur. Sendið kappanum hamingjuóskir!

Á morgun er svo kveðjupartý brottfallinnar stúlku og að sjálfsögðu mætir maður. Ölvun í tvo daga er tvöfalt betri en ölvun í einn dag.

Varúð: Hrein pólitísk færsla

Má til með að skrá niður ákveðin orð hjá mér. Vona að enginn fái óumbeðinn pólitískan skammt í augun (ég skrifaði nú varúðarfyrirsögn og allt!):

I den demokratiske stat, er det alles kamp mod alle. Man forsøger hele tiden at få staten til at tilgodese lige netop sine interesser og altid på andres bekostning. Det gælder både når det drejer sig om økonomiske tilskud o.l., men så sandelig også når det kommer til love, ja samfundets indretning i det hele taget. (#)

. Sådan.

Afleysingafólkid mætt

Hér má sjá sumarstarfsmann mbl.is ad størfum. Sér einhver hvers vegna? Mikid thykir manni alltaf magnad ad sjá val Moggans á sumarstarfsmønnum. Ætli stafsetningarprófid vegi minna í atvinnuumsókninni en kunningsskapur eda skólapróf í húmanískum vísindum?

'blogthis'-takkinn á Google-toolbar er snilld.

Ein létt

Til Hróaskeldufara: Hvada dagsetningar eru á ykkur í Danaveldi? Jafnvel tímasetningar! Má meilast ef commentin eru óthægileg.

Af því ég nenni því

Af hverju geta bankar í þessu landi ekki opnað fyrir klukkan TÍU á morgnana? Ekki að það trufli mig neitt sérstaklega almennt séð, en í dag þarf ég að afhenta pappíra og þá þarf ég banka sem opnar klukkan sjö en slíkur banki er ekki til. Ojæja og sei sei.

Vonandi gefur Gammel Kongevej sig í kvöld. Þá get ég hætt húsnæðisleitinni. Ef ekki, þá ekki.

Varúð - örlítil pólitík núna og út þessa færslu, og varúð aftur fyrir óáhugasama sem lesa óvart allt gegn vilja sínum:

Reynsla Ný-Sjálendinga sýnir glögglega, að landbúnaður þrífst best þegar hann er losaður undan ofvernd og innflutningshöftum, ríkisafskiptum og reglugerðarfargani. Það má gera ráð fyrir því að umskiptin verði mörgum bændum erfið, enda tekur það tíma að þjóna nýjum herrum, það er neytendum, en ekki embættismönnum. En þetta er hvorki óhugsandi né óframkvæmanlegt. (#)

Allir þekkja jákvæða reynslu Ný-Sjálendinga af einkavæðingu landbúnaðarkerfisins, og sem betur fer eru meira að segja vinstrimenn byrjaðir að hrópa eftir sömu aðgerð í Evrópu og Bandaríkjunum. Íslendingar eru dæmi um jákvæð áhrif af einkavæðingu fiskveiðistjórnunarkerfis (að mestu leyti), bankakerfis og símakerfis. Í Svíþjóð má nú finna einhver dæmi um jákvæð áhrif af einkavæðingu heilbrigðis- og skólakerfis (þótt orðið "einkarekstursvæðing" sé e.t.v. meira við hæfi þar).

Þetta orð, einkavæðing, er alveg gríðarlega jákvætt. Hvernig væri að nota meira af því?

Mánudagsveikin

Mikið var árangurinn lélegur um þessa helgi. Eitt "létt" djamm á föstudeginum og ég var kaldur út á bæði laugardag og sunnudag. Þetta gengur ekki. Nokkuð ljóst að Red Bull verður ofarlega á innkaupalistanum fyrir Hróaskelduna...

...sem auðvitað hittir akkúrat á þann dag sem ég þarf að flytja út á, nema ég finni húsnæði sem er laust fyrir mánaðarmótin. Allt gerist alltaf á nákvæmlega sama tíma. Lögmálið bregst ekki að þessu sinni.

Mikið er gaman að hugsa til þess að ég er að vinna fyrir fyrirtæki sem fyrst og fremst vinnur fyrir hin illu olíufélög. Ætli olíufélög og sígerettufyrirtæki séu ekki á svipuðum stað í hugum einhverra?

Helgi takk!

Þá er komin helgi eða allt að því. Gott mál. Snæðingur og drykkja með frjálshyggjuliði í kvöld og vonandi lætur ónefndur hrokkinnhærður húsgangasali í sér heyra til að taka við eftir það.

Vinnan er komin á fljúgandi ferð ef svo má segja. "Fatigue"-reikningar eru ekki svo galnir þegar á hólminn er komið.

Enn ein kakan í þessari viku var að renna niður. Hér er ÖLLU fagnað með rommkúlum og kökum og síðan ég byrjaði hér á miðvikudegi síðustu viku hef ég örugglega étið hátt í tug rommkúlna, allnokkrar vínarbrauðslengjur og eitthvað af sætu bakkelsi til. Þar á ofan koma bókstaflega óteljandi kaffibollar. Spikið sem hvarf með póstberastarfinu er á innleið sem aldrei fyrr!

OverAndout.

Langlífir hvad?

Danir lifa víst skemur en íbúar annarra OECD-landa ad medaltali (ca. 77 ár), og Íslendingar eru langlífastir allra (ca. 80 ára) ef Japanir eru undanskildir. Danir kenna reykingum (28% Dana reyktu árid 2003) og áfengisneyslu (Danir drekka 2 L meira af áfengi en adrir OECD-íbúar ad medaltali) um. Danir vinna ekki meira en 37 tíma á viku og ég hef aldrei séd Dana beita sér vitlaust í vinnu, aldrei séd vinnandi Dana án nýjustu og fullkomnustu tækjanna og aldrei séd stressadan Dana svona ef midad er vid hinn dæmigerda Íslending. Thar ad auki er gjaldfrjálst ad heimsækja heimilislækninn ef eitthvad bjátar á.

Hvernig stendur thá á thví ad Íslendingar lifa svona lengi? Ekki mikid minna en 25% Íslendinga reykja og áfengisneysla Íslendinga er kannski ekki mikil midad vid dagdrykkjumenn Evrópu en áfengismedferdin er theim mun harkalegri. Thar fyrir utan kemur ad lágmarki 40 tíma vinnuvika, stress, vitlaus líkamsbeiting í allri atvinnu og afthreyingu, tøluverd gjaldtaka í heilbrigdiskerfinu, kuldi og vosbúd.

Getur verid ad Danir séu bara aumingjar og Íslendingar séu hetjur? Eda á ég ad kasta fram pólitískri kenningu?

Jaherna

Ekki veit eg hvad nørdaheimurinn segir vid svona fullyrdingum:

Using MATLAB, you can solve technical computing problems faster than with traditional programming languages, such as C, C++, and Fortran.

Hvernig ætli sé best ad Matlab-væda vinnustad? Tala stanslaust um Matlab? Tala stanslaust um hvad er ad thví sem er notad í dag? Eda eitthvad allt annad?

Jess

Midinn kominn í hús. Sjáumst!

Testing the 'buddy':
Danskt: � � �
�slenskt: � � � � � � �

Testing...

Ferskur? Neah..

Frekar blaut helgi ad baki, bædi hvad vedur og áfengi vardar. Minningar af skornum skammti ad ødru leyti. Letin i hávegum høfd í dag.

Ehemm...

Jæja jæja vinnan er að komast í gang eins og sést á þessu fyrsta bloggi mínu á tíma míns nýja atvinnuveitanda. Alltaf gaman að lesa leiðbeiningar fyrir forrit sem ég hef ekki séð en grunar að líkist Ansys - bara ónotendavænna!

Nú hefur Jóns farið hamförum á minni ágætu ensku síðu sem virðist, fyrir utan Jóns auðvitað, laða að sér furðulegt samansafn af fólki. Alltaf gaman að vera hluti af heiminum - þ.e. þeim hluta hans sem kann ensku.

En áfram með f/sm-jörið...

Fyrsti dagur ad baki

Hressandi fyrsti vinnudagur á nýjum vinnustad ad baki. Dæmigerdur fyrsti dagur med hundrad handatøkum og léttri kynningu. Kannski thetta verdi ágætt.

Litla systir vard stúdent um helgina. Gott mál. Sú ætlar ad heidra gamla bródur sinn med nærveru sinni í Danmørku í lok júní. Gott. Eda var thad Hróaskelda sem heilladi?

Annars er thad nú thad mesta. Vedrid var betra um helgina en thad er núna. Já.

Póstberi: Done

Þá er póstberaferli mínum hér með lokið (þ.e. ef ég verð ekki rekinn úr nýju vinnunni fljótlega). Hann hafði sína kosti og galla. Ég mundi hiklaust mæla með því að Íslendingurinn sem ætlar að koma sér fyrir í Danmörku til lengri eða skemmri tíma skelli sér beint í viðtal hjá póstinum. Vinnan borgar sæmilega miðað við margt annað og býður upp á ágætt svigrúm til að leita að annarri vinnu, t.d. því það er tiltölulega auðvelt að flytja vinnudaga til og frá. Vinnan er líka prýðileg æfing fyrir nýútskrifaðan og feitan námsmannaskrokk, og tungumálið lærist tvímælalaust ef viljinn og áhuginn er fyrir hendi.

Annars var ég leystur út með þremur vínflöskum. Mikið var það ágætt.

Helgin? Star Wars og Daði og vírus eru helstu minningarnar.

Ég fann hinn ágæta drykk Red Bull í 'grønhandler' í götunni minni. Drykkurinn er vitaskuld ólöglegur í Danmörku. Verðið var það sama og í ferjunni á milli Danmerkur og Þýskalands (12 DKK). Hressandi.

NKT Flexibles á miðvikudaginn. Já takk.

Pólitík dagsins:
Múrinn kemur Maó til bjargar eins og honum er einum lagið. Múrinn segir: Churchill og Maó voru báðir vondir því fólk dó undir stjórn beggja. Frábært.

Dj.. er heitt!

Hitinn úti er við að verða óbærilegur. Mikið verður gott að fara á djammið í stuttermabol.

Næstsíðasti póstvinnudagurinn í dag. Af hverju ekki þriðji síðasti því ég byrja ekki nýju vinnuna fyrr en á miðvikudaginn í næstu viku? Af því yfirmaðurinn vildi losna við mig degi fyrr (eða að ég átti inni frídag á launum sem pósturinn tímir ekki að greiða mér sem yfirvinnutíma).

Hróaskelda, kannski Slipknot, kannski System of a Down, hjólakaup, endurfjármögnun lána og flutningur þeirra milli landa, hugsanleg Íslandsför, húsnæðisskipti, vinnuskipti. Júnímánuður verður hressandi svo ekki sé meira sagt.

Pólitíkin tekur nú við og endist út færsluna. Þeir sem kæra sig ekki um slíkt mega byrja sinna öðru í lífinu:
Höndin uppfærð í boði breskra lækna. Gaman.

Tvískipt færsla

Þessi færsla verður tilraun með uppsetningu. Hún er skipt í tvo hluta - þann pólitíska og þann ópólitíska. Ef þessi breyting mælist vel fyrir er hugsanlegt að ég nenni að endurtaka hana - kannski!

Ópólitíski hlutinn:
Eiturhressandi partý á laugardaginn sem skildi eftir sig hálfgerða veikindaþynnku í gær og jafnvel í dag. Vonandi að gestgjafinn jafni sig eftir að ég setti (óvart) málningu á ferðavél hennar og hellti Jägermeister ofan í partýóða danska gesti hennar, m.a. með hjálp mjög ágætra reglna (auk viðbótarreglna).

Ellen, ef þú lest þetta - hentu svörtu bjórdósunum sem ég kom með. Smyglað áfengi frá Nørrebro er verðlaust í danska endurvinnslukerfinu.

Í dag er næstsíðasti mánudagur minn sem póstberi. Á morgun er síðasti þriðjudagur póstberaferils míns. Á miðvikudaginn í næstu viku verð ég kominn í skrifstofuvinnu verkfræðigeirans. Gott.

Bráðum þarf ég að fara huga að húsnæðisleit. Er það íbúð eða herbergi? Stúdíóíbúð hljómar vel í bili. Hvað með að flytja inn í kollektiv? Verst að ég hef ekki hugmynd um hvað ég mun fá útborgað í nýju vinnunni þótt ég viti nákvæmlega hvað ég er með í grunnlaun. Fljótt á litið og við frumstæðan útreikning: 2000 DKK meira útborgað sem verkfræðingur en sem póstberi. Átsj.

Pólitíski hlutinn:
Ósýnilega höndin er í boði mín í dag. Húrra.

Í kvöld er stefnt á hressandi "rökræðu"fund hjá SFU (Socialistisk Folkepartis Ungdom) sem ber yfirskriftina "Kyoto - hvað svo?". Vonin stendur til að fyllast af heilaþvætti úr sorptunnu sósíalista og taka samviskusamlega niður punkta sem síðar verða notaðir til að ráðast gegn vinstrimennsku á forsendum vinstrimennskunnar. Ég fékk svo mikið efni á síðasta sósíalistafundi sem ég fór á að ég veit ekki hvar ég á að byrja skrifa!

Pólitísk vika heldur svo áfram á morgun með fundi með frjálshyggjumönnum sem eru að stofna sinn eigin flokk í landi Bauna, og á miðvikudaginn er "einkakennsla" í samfélagsfræði, heimspeki og stjórnmálum (þar sem ég kenni vel á minnst). Nú vantar bara eitthvað á fimmtudaginn. Hjálp?

Nei, ekki helgi enn

Á morgun er síðasti vinnulaugardagur póstberaferils míns. Mikið verður gott að vera laus við hann. Mikið finnst mér einnar-daga-helgar vera stuttar miðað við þær tveggja daga, jafnvel meira en helmingi styttri.

Viðvörun: Næsta efnisgrein fjallar um stjórnmál. Óáhugasamir ættu að stökkva yfir hana og vinda sér í næstu efnisgrein á eftir:
Viltu lesa um alþjóðavæðingu? Smelltu þá hér og finndu færsluna "Erfið mótsögn".

Í gær gerðist ég óboðinn gestur á málfundi nokkura furðufugla í Danmörku með margar mjög skringilegar skoðanir. Greinaskrifainnblásturinn hefur sjaldan fengið jafnmikinn meðbyr!

Hressandi frétt um athyglisverða síðu. Hvað ætli mundi gerast ef Baugur opnaði vefsíðu sem gæti hjálpað fólki að rata um verslanir Bónuss og Hagkaupa? Myndi fólk ekki segja að Baugur ætti frekar að einbeita sér að því að einfalda uppbyggingu verslananna í stað þess að halda þeim í flóknu og óskiljanlegu ástandi og opna vefsíðu? Eingöngu ríkið kemst upp með svoleiðis nokkuð.

Þetta flókna skattkerfi Dana (sem þó er sýnt töluvert einfaldað) veldur því að enginn talar um laun sín, heldur alltaf um útborguð laun. Orðið 'løn' er næstum ekki til eitt og sér! Einungis í sambandinu 'løn udbetalt'. Enginn veit samhengið milli launa skv. launasamningi og launa við útborgun.

Ísland datt út og væmnissull Dananna kemst áfram. Jæja það var þó a.m.k. annað landið sem komst áfram. Á morgun er stefnt á ölvun á fyrrum tímabundnu umdeilingarsvæði mínu hjá póstinum.

Stuðið

Fjörið heldur áfram í Nørrebro. Nágranninn er ekki fyrr fluttur út vegna innbrota og skemmdarverka og sá nýi ekki fyrr fluttur inn þegar stofugluggi er brotinn og innbrotstilraun verið gerð gegnum svefnherbergið. Ég held að íbúðin við hliðina á minni sé undir álögum. Að þessu leyti verður alveg þrælfínt að flytja af jarðhæð í lok júní og finna sér eitthvað aðeins hærra uppi.

Sjálfselskan í mér þvingar mig til að vísa á lesefni eftir mig. Gaman.

Evróvisjón um næstu helgi veit á áfengi, glens og glaum. Hvenær kemur partýboðið?

Star Wars verður frumsýnd í Danmörku á fimmtudaginn og sögur herma að langar raðir Dana hafi þegar útrýmt öllum miðum á allar frumsýningar um óþekkt langa tíð. Kannski það muni samt ganga að kíkja á ræmuna fyrir mánaðarlok.

Talandi um að skella sér á eitthvað - eiturhressandi tónleikar nálgast nú óðfluga! Nei ég er ekki að tala um þessa hér heldur Slipknot, Papa Roach & Helmet þann 14. júní og ætli ég finni það í mér að koma mér á þá? Djöfulsins tónleikaleti búin að vera á mér í vetur. Svei'attan.

Á morgun eru nákvæmlega 2 vikur í miðvikudaginn 1. júní 2005 þegar ég mæti ferskur til leiks í nýja vinnu. Ég hlakka til.

Økonomi?

Nú velti ég því fyrir mér að taka eins og einn kúrs í hagfræði næsta haust. Hvernig hljómar það? Spurning bara hvaða kúrs ég ætti að velja.

Kannski eitthvað svínarí verði á dagskránni í kvöld en að minnsta kosti er stefnt á það á morgun. Ójá. Íslenskt brennivín nú til sölu í Netto - 70 cl, 38% styrkleiki, 59 DKK. Kannski ég grípi eina flösku á eftir.

Til umhugsunar:
"Reglur um opið bókhald gagnast þeim einum sem vilja minnka getu stjórnmálaflokka til að standa á eigin fótum, óháða hagsmunahópum, fjölmiðlum og stórfyrirtækjum. ... Því veikari sem flokkarnir eru, því fremur verða þeir að treysta hagsmunahópum og fjölmiðlum. Meðal annars vegna þessarar löngunar mun þessari baráttu haldið áfram. " (#)

Nú þarf ég að lesa mér aðeins til um Hobbes, Popper og fleiri góða menn því ég fann fórnarlamb í uppfræðslu í stjórnmálum. Húrra fyrir því.

Breytingar

Þá hefur íbúðinni á Åboulevard meira og minna verið sagt upp og hún verður laus frá 1. júlí ef einhver hefur áhuga. Þetta eru svolitlar fréttir í sjálfu sér því líklega munum við Sanne ekki búa saman eftir að við flytjum út úr íbúðinni. Hugsunin er sú að búa í sitthvoru lagi án þess að breyta til hvað annað varðar milli okkar. Þetta hefur legið í loftinu í þónokkurn tíma núna en svo sem óþarfi að gera of mikið úr því.

Hróaskelduspurningin leitar á mig sem aldrei fyrr. Stefnan er að mæta galvaskur á föstudagssíðdegi og vera fram á sunnudag. Meira er ekki ákveðið. Á ég að taka að mér létt kokkastörf í skiptum fyrir gjaldfrjálsan aðgang og fá t.d. fæði og húsaskjól sem liggur ofar Hróaskeldustaðlinum, eða bara borga mig inn á blautt tjaldstæði og kaldar pulsur eins og venjulega? Nei jæja ég er bara að hugsa upphátt. Ég stefni á mætingu en hef ekki látið verkin tala enn sem komið er.

Um þessar mundir sitja frjálshyggjumenn í Danmörku sveittir og skrifa stefnuskrá nýs frjálshyggjuflokks í landinu. Stundum er gott að vinna með "heilalausum siðblindum kapítalistum" því menn eru ekki að deila um aðalatriði eins og vinstrið, heldur aukaatriði og framsetningu. Aðalatriðið er hámarkseinstaklingsfrelsi og lágmarksríkisafskipti. Leiðin að markmiðinu er umdeildari.

Heitur

Mikið er orðið vandræðalegt að finna "fyrirsagnir" á þessar færslur. Kannski ég taki upp eitthvað kerfi.

Hersteinn losnar í vikunni undan járnhamri lokaverkefnis síns, eða allt að því. Einhver skil hjá pilti á morgun eða hinn og því stefnt á hressandi djamm um næstu helgi.

Af hverju heimtar kvenfólk endalaust og sí og æ að maður eigi að ferðast? Ég hef alveg jafngaman af ferðalögum og næsti maður en þessi þráhyggja sem ég er að verða vitni að er að gera mig geðveikan.

Ónefndur prófessor við ónefnda deild í ónefndum háskóla er hér með úrskurðaður sá sem lofar mestu en framkvæmir minnst - SSLMEFM eða einfaldlega SLEF. Viðkomandi lætur í engu angra sig að honum berist símtöl og tölvupóstar í gríð og erg til áminningar og hvatningar og heldur áfram að segja að allt sé að gerast og biðin sé nú á enda. Þá vitum við það.

Hvað eiga Stalín, Hitler og Ingibjörg Sólrún Gísladóttir sameiginlegt? Ég veit það.

Annars er bara ágæt stemming og 21 dagur eftir af póstútburði. Sumarið verður heitt og gott ef fer sem horfir.

Blautur

Byrjum á að kíkja á þessa síðu í boði Ungra frjálshyggjumanna. Brosum síðan örlítið að uppátækinu og sjáum hvað er í raun fyndið að hið opinbera sé að vasast í neyslustýringu og hræðsluáróðri. Ríkið fer nú varla að setja viðvaranir á nammipokana eða hvað? Jú, kannski bara það! Íslenska stjórnmálamenn vantar ekki verkefnin á meðan þeir geta sótt innblástur til "þeirra ríkja sem við berum okkur helst saman við".

En svona úr því ég er á pólitísku nótunum þá vil ég nota tækifærið og skipta fólki upp í tvo hópa: Þeir sem líta á samfélagið sem viðskipti og samskipti frjálsra einstaklinga og fyrirtækja þeirra og vilja að ríkið skipti sér sem minnst af, og þeir sem líta á samfélagið sem ríkisvaldið sem í vissum tilvikum gefur einstaklingum og fyrirtækjum færi á að athafna sig án of mikilla ríkisafskipta. Er þetta ekki falleg lýsing á því sem yfirleitt kallast "hægri" og "vinstri"?

Post Danmark er búið að koma sér á hálan ís hvað starfsmannastefnu varðar. Fyrir nokkrum mánuðum fóru starfsmenn einnar dreifingarstöðvarinnar í verkfall og höfðu upp úr því nokkra afleysingastarfsmenn. Mér sýnist hið sama fara gerast í minni stöð fljótlega. Menn bíða og bíða eftir því að stéttafélagið geri eitthvað, og menn fá að bíða lengi. Stéttafélög draga allt sjálfstæði og frumkvæði úr fólki og reyndar fyrirtækjum líka. Svo mikið hef ég séð.

Hvað kostar að flytja eins og einn 0.4x0.20x0.8 m3 kassa frá Íslandi til Danmerkur? Umræddur kassi er fullur af bókum og eðlisþyngd þeirra þekki ég ekki svo vel, en kannski hann vegi um 15-20 kg. Hver er fróðleiksbrunnur í þessum málum?

Ungdomshuset - where anarchists bathe in the fruits of capitalism.

Mikið varð einn Daninn reiður þegar ég sagði þetta við hann. Sá er fastagestur á stað sem heitir Ungdomshuset og þar má sjá sterkefnuð ungmenni klædd tískuklæðnaði með merkjum ýmissa Ráðstjórnarríkja. Mér finnst alltaf fyndið að sjá svoleiðis nokkuð.

Rólegt

Hér hefur verid rólegt upp á sídkastid og thad gæti skilist sem svo ad ekkert sé í fréttum. Sú ályktun væri alveg hárrétt.

Í gær kíkti ég á ørlitla samkomu manna sem stódu fyrir utan thinghús Dananna og mótmæltu løgbanni á kannabisefnum. Hressandi samkoma fólks. Sumir drukku øl, og adrir reyktu. Løgreglan stód og horfdi á enda var ekki um neitt ofbeldi ad ræda.

Frjálshyggjumenn eru their einu sem geta mótmælt løgbanni á kannabisefnum (og ødrum neysluvarningi) af hugmyndafrædiástædum. Vinstriklíkan í Danmørku gerir thad thví henni finnst svo kúl og hippalegt ad reykja. Mótmæli eins og thau í gær henta mér thví ágætlega.

Nú finnst mér eins og tíminn fljúgi áfram og brádum styttist mjøg í nýju vinnuna - 1. júni 2005 kl. 09:00. Ég hugsa um thad daglega. Hressandi ferdalag.

Einn kostur vid ad búa í landi Bauna er sá ad mér finnst ég ekki eins kúgadur af smæd samfélags eins og mér fannst oft á Íslandi. Tøkum sem dæmi ýmsar myndir sem finnast á heimasídu ákvedinnar stúlku sem ég vísadi í á thessari sídu eftir sídustu helgi. Mér kæmi ekki á óvart ef einhver segdi mér ad ýmsar tenglasídur hefdu vísad í ýmsar myndanna, og jafnvel látid nafn mitt flakka med. Ég thekki nú aldeilis slíka uppákomu og fannst hún frekar óthægileg. Núna lifi ég hins vegar í gvudsblessadri 'ignorance' og líkar thad mjøg vel. Baktal og smásnakk sem truflar eda gæti truflad mig: Horfid.

Reyndar hurfu vinir og fjølskylda med í leidinni en thví get ég alltaf kippt í lidinn med einum eda ødrum hætti. Rétt?

Tíningur

Kemst ekkert annað að hjá vinstrimönnum en peningar? Ég er farinn að halda ekki. Þegar einhver notar orðaparið "samræmd kjör" er hann í raun að segja: Enga fátæka útlendinga í mitt land, takk!

Má ég uppnefna alla ósammála mér í meginatriðum í stjórnmálum "vinstrimenn" si svona? Hvað með jafnaðarmenn eða sósíalista? Þarf ekki að aðskilja? Nei, ekki þegar ég vísa einungis til minnar eigin skilgreiningar, og er nógu mikill egóisti til að leyfa mér það. Kannski sumir heimspekinemar ættu að þýða færri ensk orð rangt og einbeita sér þess í stað að grundvallaratriðunum.

Hvað um það, 28 dagar eftir af póstinum. Jess.

Tilvitnun dagsins: No matter how many documents there are stating that access to water is a fundamental right, people drink neither paper nor rights, but water. (#)

Þessi frétt hefur ekkert með raunveruleikann að gera, því miður. Í Danmörku er enginn skortur á verkfræðimenntuðu fólki m.v. framboð starfa handa því. Hins vegar er skortur á hvata fyrir fólk að koma sér í gegnum langt og strangt verkfræðinám, því eftir námið tekur stór og mikill skattahnífur við sem eyðir upp öllum ávinning af náminu. Ég hækka t.d. ekki um nema 16.6% í grunnlaunum við að hætta vinnu sem ófaglærður póstberi og byrja vinnu sem fullmenntaður verkfræðingur. Ætli þetta hlutfall sé ekki tvöfalt stærra á Íslandi. Af hverju þessu lágu grunnlaun handa verkfræðingnum? Því fyrirtæki eyða svo stórum hluta verðmætanna sem starfsmaðurinn skapar í ýmis hlunnindi sem koma ekki fram á launaseðlinum beint. Þannig er t.d. til í dæminu að verkfræðingur fái fullgreidda sjúkra- og líftryggingu í launapakkanum, auk fullgreidds eftirlaunaframlags. Þetta er erfiðara fyrir skattkerfið að hrifsa af fólki, og í staðinn sættir fólk sig við lægri laun.

Annars kvarta ég ekki persónulega - ég hef engum að framfleyta nema mér og því eru jafnvel lægstu laun nægjanleg. Reynsluöflun er mitt fyrsta og fremsta markmið og þannig er það.

Annars eru Danir alveg prýðilegir í deild persónufrelsis m.v. Íslendinga, þótt Íslendingar státi af meira efnahagsfrelsi (sem hvort tveggja er tengt á ótal mismunandi vegu sem á endanum útjafnar forskot annars á hinn í heildarfrelsismælingunni). Danir leyfa t.d. auglýsingar á áfengi (ekki bara því veika), fjárhættuspilum (ekki bara lottó og bingó) og einhverjum lyfjum, auk þess sem einkaeignarréttur veitingahúseigenda er ennþá virtur og fólki sjálft treyst til að velja alvöruvinsæl reyk eða ferðamannavinsæl reyklaus kaffihús.

The Riverdales

Kannski ég taki saman örlítinn lista yfir þá sem ég var með í bekk yfir flest grunnskólaár mín og eru núna eigendur mistíttuppfærðra heimasíðna:
Sverrir
Ágúst Arnar
Ingi Björn
Þá er listinn tæmdur. Annaðhvort er ég hrikalega illa að mér um hagi fyrrum skólasystkyna, eða að fyrrum skólasystkyni eru ennþá að skrifa pappírspósta sín á milli.

Hefur einhver heyrt um (vinsælt) dægurlag sem fjallar um dásemdir sameignar, miðstýringar og "öflugs ríkisvalds"? Fjalla þessi lög ekki yfirleitt um ágæti frelsins ef þau fjalla yfirleitt um eitthvað sem er nefnt í stjórnmálaumræðunni?

Hvar er nú þessi bévítans Dani með uppkastið sitt sem ég átti að fá í gær?

..og hvar ætli sé best fyrir eignalausan aumingja eins og mig að fá lán í Danaveldi? Tilgangur auðvitað sá að greiða upp dýrt íslenskt lán með ódýru dönsku láni. Gvuð blessi hræðilega hæfileika jafnaðarmanna til að lífga upp á hagkerfi og neyða þar með bankakerfið til að fella vexti niður í nánast ekki neitt.

Hvenær ætli henti best að skjótast til Íslands í sumar? Kannski það fari eftir verðandi atvinnuveitanda. To be continued.

Loftlaus dagur

Helstu fréttir: 30 dagar eftir af póstinum. Gott. Hell-week framundan thar med grídarstressandi útkeyrslum og hørdum tímafrestum. Mikid verdur gott ad fá næsta føstudag.

Kvenfólk á thad til ad hugsa svolítid órøkrétt thegar kemur ad mannlegum samskiptum, en væri nokkud gaman ad lifa ef bædi kyn hugsudu røkrétt? Já, rétt, ég er ad tala med "fordómafulla" hluta mínum núna.

Í dag er Dagur Vinstrihreyfingarinnar í Danmørku med tilheyrandi baráttu merkjavaraklæddra vinstrimanna á atvinnuleysisbótum gegn kapítalíska kerfinu sem adskilur rík lønd frá fátækum. Ég hefdi haft gaman af thví ad mæta med stór skilti í mótmælagøngur sem segja ad althjódavæding sé gód og ad kapítalismi sé frábær en ég thori ekki. Hér í Kaupmannahøfn eru nefninlega svokalladar grasrótarhreyfingar mjøg virkar, og thær spilla eignum og ógna fólki. Ég thori einfaldlega ekki ad øgra theim.

Bjørk á stundum góda punkta: "i thought i could organise freedom, how Scandinavian of me ..."

Já eða nei?

Spurning dagsins: Á ég að halda áfram sem laugardagsstarfsmaður á póstinum í sumar samhliða því sem ég vinn skrifstofuvinnu á virkum dögum? Þessu ætla ég að reyna svara fljótlega. Hreyfingin er hressandi og vasapeningurinn staðreynd og hálfgerð synd að skola 5 mánaða reynslu í póstburði niður í vaskinn á einu bretti eins og það vantar mikið fólk.

MR-ingar eru hress flokkur: Hægri - vinstri. Til gamans má geta þess að stofnandi vinstrimannafélagsins er eigandi síðunnar farandriddari.blogspot.com þar sem merkjum ýmissa sameignarstefna er flaggað um leið og á síðunni segir að efnið sér "verndað af ákvæðum höfundalaga", lesist: er einkaeign hans. Léttur sjálfshúmor hjá pilti eða hvað?

Nú er kominn miðvikudagur og því ekki úr vegi að huga að helginni. Whatsup?

Hress sem fress

Mikid verdur nú gott ad komast úr póstburdinum. Ad hugsa sér ad munurinn á mínum launum eftir skatta (m.v. 37-45 tíma vinnuvikur ad jafnadi) og atvinnuleysisbótum sé litlar 2000 danskar krónur. Ojbarasta!

Helgin var hressandi húllumhæj med adeins of mikilli vodkaneyslu. Mér dettur í hug ad thad sjáist ágætlega hér - jafnvel hér.

35 dagar í fyrsta vinnudag. Jess!

JÁ!

ÉG ER BÚINN AÐ FÁ ATVINNUTILBOÐ FRÁ NKT FLEXIBLES SEM VERKFRÆÐINGUR OG ÞANNIG ER ÞAÐ NÚ. Meira síðar.

Svefn er góður

Á tveimur frídögum hefur mér tekist að snúa sólarhringum 100% við. Nú þarf ég að snúa honum aftur við því ég þarf að vakna kl. 05:00 í fyrramálið fyrir vinnu. Vinna, vinna, vinna - af hverju gat kommúnisminn ekki sigrað kapítalismann svo ég gæti unnið "eftir getu" en uppskorið "eftir þörfum"? Í augnablikinu myndi það nefninlega þýða að ég gæti setið heima og glápt á vídjó og drukkið bjór í u.þ.b. viku og sent nágrannanum reikningana mína.

Talandi um það. Af hverju er frjálshyggja "trúarbragð" umfram t.d. jafnaðarstefnu (lesist: hentistefnu), sósíalisma eða eitthvað annað? Er munur á þeim sem segir "ég trúi á frjálst framtak og óþvingað samstarf í frjálsu markaðssamfélagi" og þeim sem segir "mér finnst að markaðurinn eigi að vera frjáls nema þar sem ríkið á að skipta sér af"? Er það að vilja einkavæða (af-þjóðnýta) eitthvað trúarbragðslegra en það að vilja ekki einkavæða, eða jafnvel þjóðnýta? Burkni - þú sem þekkir til margra andfrjálshyggjusinnaðra sjónarmiða - hvað segir þú um það?

Ég er að pissa á mig úr spenningi yfir svari frá NKT Flexibles. Ég neita því ekki. Ef svarið er nei ætla ég að verða reiður og helst ölvaður. Ef svarið er já þá ætla ég að verða glaður og ölvaður. Ég er strax orðinn reiður af tilhugsuninni. Lesendur þessara orða eru að verða vitni að miklum tilfinningaumbrotum hjá mér.

Fíknin kallar

Skriffíknin góða eykst og dafnar sem aldrei fyrr. Nýbúinn að henda enn einni greininni í Moggann, uppfæra Höndina, skrifa á spjallið og m.a.s. lauma örlitlum stjórnmálum inn á þessa síðu (t.d. með því að linka á skrif mín hér og þar).

Segjum það þá gott í bili.

Blankó

Eitthvað hefur mér orðið lítið úr verki eftir atvinnuviðtal morgunsins. Tilfinningin segir að atvinnutilboðið sé ekki á leiðinni en spenntir lesendur verða vitaskuld látnir vita hvernig fer (líklega í lok vikunnar, kannski byrjun næstu). Nú er ég hins vegar í fríi, og sömuleiðis á morgun og hinn og á föstudaginn er einhver helgidagur og loks vinna á laugardaginn. Spennandi upplýsingar?

Höfundur þessarar greinar heldur því fram að ölmusi og gjafir muni leysa vanda þriðja heimsins. Með því að reisa raforkuverk, sjúkrahús og skóla sé fátæktin úr sögunni. 50 ár af árangurslausri reynslu með slíkt segja honum ekkert. Húrra.

Sanne fór í morgun til Berlínar og verður þar til fimmtudags. Íbúðin hefur verið skilgreind sem fatalaust svæði á meðan, og eldamennska, þrif og samtöl um eitthvað sérstakt verið bönnuð.

Stikna

Örfrétt fyrir evru-glaða Íslendinga:

"The euro at risk" was the headline of a Deutsche Bank report to its clients on Monday. "Its life expectancy may soon be regarded as finite," Financial Times columnist Wolfgang Munchau wrote the same day. (#)

Gríðarhressandi atvinnuviðtal á mánudaginn. Niðurstöður þess munu líklega valda einhverjum breytingum á högum mínum, hvort sem þær verða jákvæðar eða neikvæðar. Einmitt.

Keyptu ekki allir Moggann í gær annars? Flott er.

Hérna gleymist svo snyrtilega að nefna útrýmingu kommúnista á óþægum þegnum sínum í öllum þeim löndum sem kommúnistar hafa komist nálægt því að stjórna.

Gaman að sjá að Vefþjóðviljinn er í síauknum mæli byrjaður að beina spjótum sínum að svonefndum "umhverfisverndarsinnum" í hópi vinstrimanna.

Já mörgum þykir gott að vita til þess að ríkið er með eftirlitsstofnanir til að vernda náttúruna, umhverfismat, friðlýsingar, verndanir og lög og reglur um umhverfisvernd. En það bara dugar ekki þegar framkvæmdir á vegum ríkisins eru annars vegar. Frekustu hagsmunahóparnir hafa venjulega sitt fram. Héðinsfjarðargöngin eru skólabókardæmi um framkvæmd sem aldrei væri farið í án stuðnings ríkisins. Þau eru líka dæmi um það hvernig hagsmunir vel skipulagðra hagsmunahópa og stjórnmálamanna á atkvæðaveiðum fara saman. En síðast en ekki síst eru þau dæmi um að ekki er hægt að treysta hinu opinbera fyrir umhverfisvernd.

Einföld réttlætisrök ættu að geta sagt öllum sem þau heyra að umhverfisvernd er ekki verkefni sameignarsinna og ríkisafskiptasinna. Þegar þau rök fá ekki að heyrast þarf að grípa til reynsluraka. Þá ættu allir að skilja.

Egóið

Mæli eindregið með því að fólk kaupi sér eitt stykki Morgunblað í dag. Grein leynist víst sem sumum gæti þótt áhugaverð. Er ég að rifna úr sjálfsánægju?

Kvenfólk er, þrátt fyrir 40.000 ára þróun samhliða karlmönnum, ósjálfbjarga grey. Þessari fullyrðingu eru eflaust margir ósammála, og auðvitað er ég ekki að meina þetta á neinum illkvittnum nótum. Svona líður mér samt í augnablikinu.

Fíknin

Ég fann stórkostlega bók í gær - Politikens bog om politiske ideer. Vissuðið að allur grundvöllur Marxisma/kommúnisma byggist á úreltu módeli um verðmyndun á markaði sem aftur er komið frá hinum mæta manni Adam Smith? Þetta stendur ekki beint í bókinni en svona er það nú samt. Vissuðið að allt sem heitir "vinstristefna" í dag er í raun lítið meira en lítið frávik frá klassískri frjálshyggju? Séð í sögulegu samhengi auðvitað. Vinstrið er ekki lengur að berjast fyrir sameign á framleiðslutækjum. Vinstrið í dag er hugmyndafræðilegur ágreiningur frjálshyggjumanna fyrir 200 árum.

Ég fullyrði hér með að Weekendavisen sé besta "dag"blað Danmerkur (kemur að vísu bara út einu sinni í viku, en þið skiljið). Magnað er samt að hugsa til þess að nokkur blöð með útgáfu einu sinni í viku hafa verið að fá ríkisstyrki til niðurgreiðslu á útburðargjöldum sínum! Reyndar fá öll dagblöð Danmerkur þessa ríkissporslu en nú á að afnema hana fyrir blöð sem koma út sjaldnar en 5x í viku. Ég skil ekki hugsunina bak við þessa hringavitleysu ríkisstyrkja á lesefni, og af hverju að afnema hana á sumum en ekki öðrum, eða yfirleitt hafa hana á einhverju lesefni sem er dreift með pósti?

Blöðin sögðu frá því um daginn að ný norsk skýrsla um vændi í Svíþjóð og Hollandi hefði sýnt fram á að lagabreyting sem flytur lögbrotið frá seljanda vændis yfir á kaupanda vændis hefði óteljandi margar mjög neikvæðar afleiðingar í för með sér, t.d. og sérstaklega þá fyrir vændiskonurnar sjálfar (lækkandi verð fyrir þjónustuna, lögreglan fengi engin vitni gegn mannsmyglurum og ofbeldismönnum, öryggi vændiskvennanna snarminnkað, osfrv). Fékk þessi skýrsla einhverja athygli á Íslandi eða þarf ég að taka að mér fréttaritarahlutverkið sjálfur?

Ætti ég?

Ætti ég að setja upp hið vandmeðfarna fyrirbæri tenglalista? Hann yrði frekar þunnur þar sem netyfirferð mín er ósköp lítil en hver veit.

Ég held að ég sé búinn að fullkomna póstútburðinn og þá er kominn tími til að leita sér að einhverju nýju. Ég er að hugsa um að segja upp og vera laus frá pósti 1. júní jafnvel þótt ekkert annað sé ákveðið eða í sjónmáli. Þá veit alheimurinn það.

Hressandi er að vinna með dönskum frjálshyggjumönnum. Þeir eru kannski kjaftóðir á fundum eins og aðrir Danir, en kjaftæðið er skemmtilegt í þeirra tilviki. Húrra.

Ég skil ekki danskar innheimtuþjónustur. Ef maður borgar þeim þá fá þær ekki peningana. Ef maður borgar þeim ekki þá er maður í meðhöndlun og þarf ekki að borga strax. Oft vita þær ekki sjálfar að maður skuldar þeim. Hressandi.

Eitt

Ég sumsé komst í aðra umferð í ráðningarferlinu hjá fyrirtækinu NKT Flexibles. Viðtal #2 (af vonandi ekki fleirum) mun eiga sér stað í næstu viku. Ekki orð um það meir.

Að fá að þjösnast á vinnubíl í þjappaðri morgunumferð í miðri stórborg er gríðarhressandi og þetta endurtek ég eins oft og mér þurfa þykir.

Kvenfólk er byrjað að fækka fötum í borg kaupmanna og það er vel. Ég er sjálfur byrjaður að fækka fötum og kannski það sé ekki eins vel.

Eins og enginn hefur vafalaust tekið eftir þá hef ég verið símasambandslaus í bráðum viku núna. Sanne tókst á einhvern undraverðan hátt að skemma sinn síma, koma sér í stöðu þar sem hún þurfti á síma að halda, og þannig kom til símaleysi mitt. Í kvöld mun ég samt endurheimta símasamband mitt. Húrra. Skemmtileg frétt þetta.

Eftirfarandi orð eru sögð með fyrirvara um að ef einhver vísar á einhvern hátt til þeirra á einhverjum vettvangi þá ber ég við sólsting og eyði þeim út:
Aðdáendum Ingibjargar Sólrúnar Gísladóttir, a.k.a. ISG (=innihaldslausi spangólandi galgopinn), er bent á málfund á vegum Frjálshyggjufélagsins á fimmtudaginn kl. 12 í Iðnó. Konan verður étin lifandi.

Áfengi í glasið mitt

Kannski eitthvað verði bráðum að frétta af mér fljótlega. Nú er ég samt líklega búinn að koma í veg fyrir það með því að gefa það í skyn.

Afmælisteiti í kvöld og ég stefni á mikla ölvun. Þriðja Jóa Ben-helgin í röð. Jahérna segi ég nú bara.

Ég fór á hressandi málfund sósíalista á fimmtudagskvöldið. Gamall kommi, Preben Wilhjelm, sagði frá því hvernig Bandaríkin skópu í raun Kalda stríðið, þvert á vilja friðelskandi Sovétmanna, og að það eina sem Sovétríkin gerðu sem var honum ekki að skapi var að ráðast inn í Afganistan. Fullur salur af kommum og sossum tók undir allt sem hann sagði. Ég spurði hann spurningar sem hann afvísaði mjög snyrtilega með því að byrja tala um eitthvað allt annað en efni spurningarinnar enda væri engin leið fyrir hann að svara spurningunni svo vel færi án þess að hella sér út í langlokur. Sjálfsupphafning mín á sér engin takmörk.

Bimmbarabúmm

Venju samkvæmt kem ég úr út atvinnuviðtali þess fullviss um að atvinnutilboðið sé handan við hornið. Hingað til hefur mér skjátlast. Tilfinningin er ekki sú að eitthvað sé að fara breytast. Jákvæður en samt neikvæður.

Hressandi umræður hjá Gauta hér. Spurning dagsins: Með því að leyfa almenningi að koma inn á eign mína hef ég þá fyrirgert stjórnarskrárbundnum eignarrétti mínum? Er stjórnarskrárbundinn eignarréttur kannski bara auðhunsanlegt formsatriði eins og málfrelsið, trúfrelsið og ýmislegt annað góðgæti?

Maður hefði haldið að 75% Íslendinga hefðu fjármagn, vilja og þor til að safna sér saman á svæðum þar sem 25% Íslendinga þurfa að aðlagast, í stað þess að það sé öfugt.

Frjálshyggja.is hefur nú fætt af sér spjall og blogg og maður veit ekki hvar þetta endar.

Stuttur

Megi allar hvítar tískuklippi- og hárgreiðslustofur Danmerkur fara til fjandans. Besti staðurinn til að láta klippa sig í Kaupmannahöfn er í Blågårdsgade. Ég efast um að það að borga 350-450 DKK fyrir klippingu hefði skilað betri niðurstöðum en þær 100 DKK sem ég lét af hendi. Að vísu er alltaf tekinn ákveðinn séns en hvað annað þegar lífið er stutt?

Haukur er að gera góða hluti í títtnefndum peningaflutningavandræðum mínum. Bankar hafa hér með verið settir út í horn.

Danskir sósíalistar eru alveg æðislega fjarstæðukenndir í sjálfsupphafningu sinni:

Kvindekampen er en selvfølgelig del af marxisters kamp for socialisme, og vi holder fast i at vi ikke kan gøre os fri af kvindeundertrykkelsen så længe vi lever i et kapitalistisk samfund. Det er sandt at kvinder i Danmark har det lettere end kvinder i den tredje verden, men det skyldes arbejderbevægelsens kamp for kvindens vilkår. (#)

Jú, jú, að vísu hafa konur í frjálsum, kapítalískum samfélögum það betra en konur í löndum sameignarsinna og fasista, en það er vegna baráttu stéttahreyfingarinnar - og þannig var það nú. Einhvern veginn finnst mér skrýtið að sjá sósíalista eigna sér ævibaráttu frjálslyndra hægrimanna eins og Johns Stuarts Mills, sem skrifaði hið hressandi og brautryðjandi verk Kúgun kvenna á síðari hluta 17. aldar. Á sama tíma voru menn eins og Karl Marx að boða kynjayfirburði hvítra, mismunun á grundvelli uppruna, blóðsúthellingar og fleira skemmtilegt.

Morgunblaðið gerði góðan hlut í dag og birti grein eftir mig. Mikið var segi ég nú bara.

Heitur drengur

Megi allar stórverslanir og súpermarkaðir Danmerkur fara til fjandans. Besti staðurinn til að versla í Kaupmannahöfn er Nørrebrogade.

Vinstri vindhögg - hægri beint í mark, eða ég sé ekki betur þótt auðvitað sé ég ekki hlutlaus frekar en nokkur manneskja með nokkra skoðun á nokkrum hlut. Skemmtileg athugasemd: "Ekki finnst vinstrimönnum að það eigi að auka tekjumismuninn enn frekar, með því að láta hina fátæku styrkja hina ríkari?" Dapurlegt svarið er einmitt játandi.

Annars er alltaf gaman að rifja upp gamla tíma í netheimum og sjá hreinlega svart á hvítu hvað er að ganga vel og hvað er að fara til fjandans í frelsisbaráttunni.

Gullmoli sem ég endurtek án tilvísana og leyfis höfundar:

Það er heimskulegt að eiga að þakka ríkinu fyrir eitt eða neitt. Ekkert frekar en plantekruþrælar eða fangar í útrýmingarbúðum hefðu átt að þakka fyrir húsaskjól, örugga vinnu og mat.

..og hananú.

Næstum veikur

Má til med ad segja "skiiiiiiidegodt" eftir eiturhressandi djamm á laugardaginn. Jói Ben er ad reynast thessi thvílíkt trausti djammari og nærvera hans veldur thví einhvern veginn alltaf ad ýmislegt skemmtilegt gerist.

Afleidingin er svo audvitad mikill slappleiki í dag, en á moti kemur glampandi sól og tilvist kaldra bjóra heima.

Minni á ég-borga-mida-eda-skuldir-Íslendinga-í-Danmørku-gegn-millifærslu-á-íslenskan-reikning-minn-spjallid mitt í sídustu færslu. Mér thætti vænt um vidbrøgd ef einhver hefur upp á slík ad bjóda. Tølvupóst, SMS, dúfnaskeyti eda hvad sem er.

Sól

Sólin hitnar hratt í Kaupmannahöfn þessa dagana. Útiverandi öldrykkjuveður er löngu komið.

Fyrsta atvinnuviðtalið síðan í byrjun desember er komið á blað. Miðvikudagur næstu viku. Hvað ætli þeir séu að leita að?

Nú skulda ég peninga á Íslandi. Hins vegar þéna ég í Danmörku. Flutningskostnaður vegna peningafærslna milli Íslands og Danmerkur er hærri en ég kæri mig um að greiða. Er ekki einhver, sem er búsettur á Íslandi, sem skuldar eitthvað í Danmörku eða hefur hug á miðakaupum á Hróaskeldu? Mér datt í hug að ég gæti tekið að mér ýmis dönsk útgjöld og fengið peninga millifærða á íslenskan reikning minn í staðinn? Hljómar það ekki eins og góð hugmynd til að sleppa við allt sem heitir bankakostnaður og þess háttar?