Móðirin kemur

Þá eru bara 18 tímar eða svo í hana móður mína. Helgin fer í allt sem tilheyrir móðurheimsókn; kaffihús, öldrykkja, spjall og rölt. Ekkert stress, engin sérstök plön og eintóm "hygge". Ég hlakka til.

Noregsvinnuferðin komst í mikið uppnám í dag. Ég komst að því að það átti að senda okkur af stað rétt eftir hádegi á sunnudeginum sem er skelfing (mér var í upphafi tjáð að ég væri að fara á "frá mánudegi til fimmtudags"). Ég bað því um láta að draga mig út úr dæminu nema ég fengi fluginu breytt til mánudagsmorguns og kemst að því á morgun hvernig það fer. Glætan að ég ætli að hanga á norsku kaffihúsi á sunnudegi þegar ég get verið að spjalla við hana móður mína á dönsku kaffihúsi. Svo illa uppalinn er ég ekki.

Ég lýsi yfir miklum vonbrigðum með sjálfan mig eftir vinnudag dagsins. Eins einfalt og þursahelt og Visual Basic getur oft verið þá getur það líka verið algjörlega yfir minn skilning hafið. Bless bless sex klukkutímar í dag.

Note to self: Vera alltaf með lágmarksframfærslu af reiðufé í vasanum. Danskt kortakerfi virkar engu betur en danskt lestarkerfi.

Burknur hafa boðað komu sína til Köben fyrstu helgina í desember og það vekur upp mikla tilhlökkun enda er þetta með eindæmum hressandi félagsskapur, þessi hjú. Þau eru að ég held einu hjónin sem ég þekki sem eiga ekki að sækja um skilnað hið fyrsta.

Mér tókst að lauma inn örlítilli frjálshyggju (á íslenskan mælikvarða) inn í félagsfræðiritgerð ónefnds háskólanema. Ekki spurja mig hvernig.

Ljón hafa gott bragðskyn. Því miður, fyrir suma ferðalanga.

Voðalega hressist MSNið við þegar ég er byrjaður að hugleiða svefn undir hlýrri sæng. Sem betur fer eru verkefni vinnudagsins á morgun frekar heilalaus (að einu undanskildu) svo fórnin við að eiga mannleg samskipti umfram eiturhressan morgundag er lítil.

Ég bít mig alltaf í tunguna þegar ég sýg sjálfan mig inn í umræðu sem endar líklega aldrei þannig að báðir aðilar geti fundið sameiginlegan flöt.

Af hverju finnst mér þetta vera skemmtilegt áhorfs?

Veðurfar Köben er tvískipt um þessar mundir: Heiðskýrt, logn og ííííískalt, eða rigning, rok og hlýtt. Maður saknar næstum því Íslands á haustin/vorin/sumrin/veturnar í seinna tilvikinu!

Talandi um veður, ég þekki myndarlegasta veðurfréttamann Íslandssögunnar. Húrra fyrir því!

Að banna fíkniefni er eins og að gefa mafíósa þróunaraðstoð til að fullkomna verklag sitt.

Mikið hlýtur að vera þægilegt að vera í stjórnarandstöðu. Fyrst er að styðja á-þeim-tíma-vinsælt málefni og hljóta hrós fyrir. Þegar deilur byrja að blossa upp vegna þess, og þegar árangur lætur á sér standa, þá er manni í lófa lagt að skipta um skoðun og vera þá sá sem hefur "rétt" fyrir sér á meðan sitjandi stjórnvöld súpa seyðið af upphaflegu ákvörðuninni.

Lítil tilvitnun, bara fyrir mig: "Now the unhappy libertarian voters are threatening Republican congressional seats in the Mountain West. Republicans will warn about the high taxes voters can expect from a Democratic Congress, and that will keep some libertarian voters in the GOP camp. But war, corruption, overspending, and an excess of social conservatism will cause many others to stay home or vote Democratic."

En ætli það sé ekki kominn háttatími núna og rúmlega það.

Langblogg á løngum degi

Þá fylltust næstu tvær vikur upp á einu bretti. Oft er mikið að gera en nú er það mjög mikið!

Ég þarf að ná öllum vinnutímum vikunnar fyrir fimmtudaginn kl 17:30 (og helst meira ef síbreytilegur verkefnabunkinn er jafntímafrekur og hann er hár). Þannig fæ ég að sleppa vinnu á föstudaginn án þess að stjóri geti sagt nokkurn skapaðan hlut (að hans sögn). Á fimmtudagskvöldið tek ég á móti móður minni í Köben og helgin skipulögð út frá því. Á mánudaginn fer ég til Noregs á fjögurra daga vinnutengt námskeið. Líklega bíður mín vænn stafli af verkefnum eftir það sem ég þarf að dreifa yfir helgina þar á eftir og fram á fimmtudag vikunnar eftir þegar strákarnir mínir byrja að streyma til Köben til að eyða helginni hér. Törnin er hafin og endar mánudaginn 27. nóvember með hressandi "venjulegum" mánudagsmorgni í vinnunni.

Þetta verður hressandi rússíbanareið, erfið og skemmtileg á sama tíma, og félagsskapurinn tilvonandi er ekki til að keppa við!

Lýsi í leiðinni eftir Burkna og konu til Köben fyrstu helgina í desember og Stebba og konu aðra helgina í desember.

Í gærkvöldi var rykið dustað af greinaskriftunum og löng færsla send út í netheima. Svona til að toppa sjálfhverfu mína ætla ég að vitna í sjálfan mig: "Atvinnurekendur og launþegar eru samstarfsaðilar, ekki óvinir eða keppinautar. Velgengni eins hjálpar öðrum að ganga vel líka."

Sniðugt. Ekki bara í S-Afríku.

Þróunaraðstoð Kínverja til Afríku er svolítið sniðug og felst í því að stórauka fríverslun við álfuna (henda vitaskuld einhverju í fjárstuðning og annað eins til að kaupa sér ákveðna ímynd). Auðvitað alltaf hægt að gagnrýna hitt og þetta og nota til þess pólitískan rétttrúnað og ofurtrú á heilagleika Evrópu en aukin fríverslun er staðreynd og því ber að fagna!

Orðið voðalega dimmt úti og klukkan bara rétt að verða fimm. En leiðinlegt.

Það var mikið að manni var boðinn vinnu(far)sími.

Núna er ég aleinn á "skrifstofunni" sem ég deili með þremur öðrum. Freistingin að kveikja sér í einni rettu hérna inni er mikil en ég held ég láti mig hafa það að labba 30 metra og frjósa í 3 mínútur.

Jess hún lifir! Þá get ég hætt að halda niðrí mér andanum í bili.

Gaui þó.

Ótrúlegt en satt: Sex Danir eftir á hæðinni og klukkan orðin rúmlega 18! Einn ætlar meira að segja að sækja eitthvað að borða. Mjögott því ég er ennþá starfhæfur í hausnum og um að gera og nýta tímann vel.

Svei'attan, bara þrír Danir eftir á hæðinni nú þegar klukkan slær 19 og nú fyrst verið að keyra á eftir matnum og hausinn minna starfhæfur en hann var.

Mér finnst skrif-eins-og-þessi (sem sagt, skrif flokksbundinna manna um meint vandræði innan annarra flokka) alveg óendanlega fráhrindandi og þreytandi og tilgangslaust lesefni (les þó sumt til að geta verið fúll á móti). Af hverju að eyða púðrinu í að fjalla um innanhúsmál annarra flokka? Á Íslandi er enginn skortur á lélegum hugmyndum í stjórnmálaumræðunni og því ráð að byrja á að tækla þær áður en prófkjörsslagir og innanhúsmál hjá öðrum verða aðkallandi umræðuefni, og hananú!

Matur!

Hótel Geir stóðst fyrstu lotu

Þá er löng helgi senn að baki. Hótel Geir var vel bókað, meira að segja tvíbókað eina nóttina. Svefnsófinn dugði ágætlega með nýju yfirdýnunni og gestasæng og koddi leystu teppið góða af hólmi. Hlyni er þakkað fyrir prufutíma sinn á Hótel Geir. Margar endurbætur hafa nú verið gerðar sem féllu í ágætan jarðveg.

Innkaupalisti fyrir Hótel Geir nú kominn á blað og sumt komið af honum aftur:
- Kaffi
- Krydd
- Kaffirjómi/mjólk
- Aukaljósaperur

Eitthvað djamm en hef þó verið harðari í þeirri deild. Vinnufélagar drukku jólabjór á föstudaginn og Daði og Svenni voru síþyrstir alla helgina hvenær sem bærinn kallaði. Kvenkynsgestir Hótel Geir voru líka í ljómandi góðu stuði og voru duglegir að sulla í sig ölinu. Gauja náði ég samt aldrei að hitta en ég tek alveg á mig sökina þar.

Nóvember sæmilega þétt bókaður á Hótel Geir sem að sjálfsögðu er hið besta mál.

Ég þakka fyrir helgina, þið fólk!

Bjórsala á föstudegi

Ungir frjálshyggjumenn selja bjór: "Ungir frjálshyggjumenn munu selja bjór á morgun, föstudaginn 3. nóvember kl. 14. Salan fer fram á Lækjartorgi og er í mótmælaskyni við einokun hins opinbera á sölu áfengis í landinu. Bjór verður seldur öllum sem náð hafa 20 ára áfengiskaupaaldri. Ungir frjálshyggjumenn vilja með þessu hvetja alþingismenn til að afnema lög um einokun ríkisins á sölu áfengis."

Hvernig væri að mæta og hvetja kappana? Bjórsalan stendur ekki lengi yfir en verður táknrænt vonandi lengi í minnum.

Það reddaðist

Það fyrsta sem ég sá í metró-stöðinni í morgun var tilkynning til farþega (á rúllandi skilti): "Strætóar, lestir og metro keyra samkvæmt tímaáætlun í dag." Já vissara að setja þetta á tilkynningatöfluna því annars mundi fólk halda að það væri eitthvað að!

Sæta spænska stelpan í "system design" er svo ágæt og svo virðist sem hún komist til og frá vinnu með sama hætti og ég. Ágææææætt.

Utanáliggjandi harður diskur kostaði mig næstum því geðheilsuna í morgun. Sem betur fer fann ég kæruleysisgírinn og síðan hefur allt verið í himnalagi.

Borat í gærkvöldi var góð skemmtun og félagsskapurinn líka svona ágætur.

Fleira er ekki í fréttum í bili.

Laugardagur til .. rigningar?

Kominn með sýningargrip fyrir J-dag. Gott mál.

"Á sunnudag er spáð rigningu, en ég set samt fyrirvara á það því danir segja daginn vera rigningardag þó aðeins rigni bara í 10 mínútur yfir daginn." Nákvæmlega!

Núna á ég öskubakka (í fleirtölu) og strigaskó og sitthvað fleira. Gott. Senn á ég dýnu og gestasæng og kodda og það allt. Gott. Maður getur kannski bráðum byrjað að kalla þetta heimili sitt.

Neits, ég er ekkert orðinn gamall neitt.

Ég fyrirlít ritstjórnarpartý (sumra).

Mig vantar "porn-buddy" - einhver sem fær forgang á að komast í tölvu manns að manni látnum til að eyða út klámi og öðru vafasömu áður en fjölskyldan fær hana í hendurnar. Trúnaði auðvitað heitið og það allt. Í hvaða kvikmynd sá ég eitthvað sem fjallaði um eitthvað svipað?

Helgarplanið heldur nokkurn veginn: Bilka, þvo, vinna, svefn og djammleysi. Ágætt. Næsta helgi verður gjörólík. Nóvember verður gjörólíkur.

Núna byrjar sama gamla sagan. Sjallar segja að það séu hlutfallslega margar konur í efstu sætunum á sínum framboðslista, og aðrir benda á að margar þeirra séu tiltölulega neðarlega. Þá umræðu ætla ég alveg að láta framhjá mér fara, viljandi.

Urgh, ég og mitt gullfiskaminni! Sem betur fer fann ég upp kerfi í vinnunni til að tækla það. Því miður er það eini staðurinn sem ég hef fundið leið til að tækla það. Fyrir vikið getur framkoma mín við fólk oft virst hrokafull, fjarlæg og áhugalaus. Sem er ekki endilega alltaf viljandi.

Hvenær kemur Brain Police til Köben?.

Já, Danmörk vantar verkfræðinga

Úr tilkynningu á innranetinu í vinnunni:

NKT Flexibles-medarbejdere der henviser en erfaren kandidat (mindst 2 års erfaring som ingeniør eller med anden for funktionen relevant erfaring), som efterfølgende ansættes, får udbetalt et engangsbeløb på 10.000 kr. Beløbet er skattepligtigt efter gældende regler.

Sem sagt, ef ÞÚ ert verkfræðingur með minnst 2ja ára reynslu, býrð á Stórkaupmannahafnarsvæðinu og vilt vinna hjá þessu fyrirtæki (sem sagt, með nördum)skaltu endilega hafa samband!

Langblogg (bara fyrir þolinmóða og/eða geðtruflaða)

Það er eins og alltaf: Ef mikið gengur á og vel gengur þá eykst orkan til fleiri hluta og enn meira gerist og gerist vel. Húrra fyrir því þótt þreytan í skrokknum sé mikil.

Svo virðist sem litla heimasíðan mín sé orðin að viskubrunni googlaranna þegar kemur að ýmsum háværum deiluefnum í samfélaginu. Ljómandi.

Þeir sem sækja kvikmyndir, tónlist og sjónvarpsþætti á netinu án þess að hika við það, en hafa samt slæmt samviskubit yfir því, ættu að smella sér á þetta lesefni. Svolítill doðrantur að lesa en a.m.k. áhugaverður doðrantur (segi ég).

Á fimmtudagskvöldið ætla nokkrir vinnufélagar að hittast á netkaffihúsi og spila Battlefield. Að spila með eða ekki, það er spurningin.

Skondið: "Það er látið eins og það breyti einhverju hverjir kjósa í prófkjöri Samfylkingarinnar í Norðausturkjördæmi. Og í því felst sennilega að einhverju skipti hvað flokksmenn kjósi í prófkjörinu. Það er sem sagt látið eins og niðurstaða prófkjörsins breyti einhverju um röðun á listann." (#)

Tengill dagsins: Heimasíða danska kommúnistaflokksins.

Núna er atvinnuveitandi minn líklega að fá verkefni í Norðursjó sem heitir "Skarv" og hvorki ég né Færeyingurinn í deildinni minni eigum að vinna í því. Skandall!

Hvurslags að vera boða mann í bridge núna þegar maður er kominn á brækurnar einar fata, byrjaður að geispa og úti rignir eins og hellt sé úr fötu. Skamm!

Myndir af frambjóðendum eru alltaf annaðhvort kjánalega eða skondnar, þó yfirleitt hvoru tveggja.

Undur og stórmerki! Ögmundur Jónasson og pólitískt verkfæri hans, Bandalag starfsmanna ríkis og bæja, lýsir yfir stuðningi við skattalækkanir! Þetta eru undur og stórmerki og nú er lag að lækka og jafnvel fella niður alla aðra skatta og vörugjöld á þjónustu og allan annan varning sem fæst í íslenskum verslunum. Svo virðist sem lausnarorðið sé ekki "frelsi" heldur "lækkun á útgjöldum íslenskra heimila". Hið sama á væntanlega líka við um skatta á tekjur af hverju tagi, og sparnað, og flugferðir, og áfengi og tóbak. Frasinn sem virkar er fundinn og því lag að ganga á sem flesta skatta og hægt er á meðan tíðarandinn leyfir.

Alltaf gaman að sjá Ísland nefnt í dönskum fjölmiðlum. Ég get sagt ykkur (þér?) það að ímynd Danans af Íslandi er vægast sagt... sérstök, m.a. vegna frétta eins og þessarar og auðvitað stanslausra uppkaupa Íslendinga í Danmörku auk hinna vel þekktu sagna af náttúrunni, kvenfólkinu og djamminu.

Eitthvað fyrir dömurnar að kíkja á/lesa daglega.

Eitthvað fyrir Daða.

Hressandi: "We do, however, get the added bonus that pregnancy gives to most women. And no, I'm not talking about the glow..." (#)

Svona til að vera í takt við tíðarandann þegar kemur að umræðuefni: "Students of government can hardly be surprised that a government program ends up creating the very opposite of what it purported to accomplish. Welfare increases poverty, the minimum wage boosts unemployment, prohibition promotes the banned behavior, and, just as we would expect once we understand the logic, the war on terror has created and encouraged the rise of more terrorism and the ideology that backs it." (#)

Hvalveiðar eða ekki eru ekki pólitískt deilumál, heldur eitthvað allt annað, segi ég. Mér finnst a.m.k. ekki að hvalveiðar ættu að vera bannaðar.

Ég sé fyrir mér ónefnda vinnustofu sem vettvang koddaslags og blautbolskeppni. Ég held ég hafi rétt fyrir mér

14 ára frænka mín notar orðatiltækið "ekkert mál fyrir jón pál" sem mér finnst svolítið magnað því stúlkan var örugglega ekki fædd þegar Jón Páll var meðal lifandi manna (a.m.k. ekki með meðvitund um umhverfi sitt sem telur). Íslenska er svo ágætt tungumál.

Lexía dagsins: Ekki fara í doktorsnám í Bandaríkjunum. Maður gæti byrjað að stunda Járnmanns-keppnir og klifra fjöll. Reyndar er hvort tveggja (doktorsnám og Járnmanns-keppni) jafnólíklegt hjá mér en allur er varinn góður. Flöskugangur er meira við mitt hæfi (eða var það áður en ég hætti að vinna hann).

Endir.

Skrifað frá skrifstofunni

Mér tókst að drullast á vinnustaðinn, hreinsa skrifborðið af smotteríi (mun hraðar en ég reiknaði með) og auka líkurnar á góðri byrjun á vinnuviku á mánudaginn. Ljómandi.

Atlas Shrugged, 1200 blaðsíðna bók, á hvíta tjaldið? Af hverju var enginn búinn að segja mér frá því!? Þetta er bók sem hreinlega breytti því hvernig ég lít á samfélagið (sama hvað fólk annars segir um rithöfundinn sjálfan, heimspeki hennar almennt og önnur verk hennar). Aðalhlutverkið ekki illa skipað: Angelina Jolie! Gott því hún er flott, vont því hún mun ekki geta annað en dregið athyglina frá boðskap myndarinnar, sem er e.t.v. sá að "A is A", sama hvað fólki svo sem finnst um það.

Í dag birti Mogginn litla grein eftir mig. Húrra fyrir því!

Föstudagur til friðar

Heima á föstudagskvöldi eins og planið segir til um. Ég er samt farinn að sakna Barbanna og held ég verði að gera eitthvað í því fljótlega. Er þetta ekki ágæt afsökun til að svíkja edrú-loforð og fagna því að ég mun ná a.m.k. 5 vinnandi klukkutímum á morgun? Líka stutt að fara sem skemmir ekki (þó aldrei fótgangandi).

Fokkings klóett, hættu að sturta niður (án þvingunar)!

Í dag heyrði ég hvorki meira né minna en þrjá Dani tala um að þeir hefðu fengið eða ætluðu að fá iðnaðarmenn til að gera eitthvað fyrir sig, t.d. smíða gluggaramma, tengja rafmagn eða gera við þak. Í öll skiptin spurði ég, innblásinn af herferð yfirvalda gegn svartri vinnu, hvort þeir hefðu borgað iðnaðarmönnunum svart. Allir sögðu já. Tilviljun? Kannski ég skrifi blaðagrein: "Könnun segir: 100% Dana segjast hafa greitt vísvitandi fyrir svarta atvinnustarfsemi", og kem þannig engum á óvart nema stjórnmálamönnum. Úrtak er heldur aldrei gefið upp í dönskum fréttum svo það spillir ekki.

Dagurinn í dag byrjaði á miklum pirring út í Dani. Þeir geta verið algjör sauðnaut. Bókstaflega vilja þeir bara drekka kaffið, ekki hella upp á það. Líkingarlega gildir þetta líka um þá - þeir vilja borða kökuna en ekki baka hana. Kannski eru þeir viljandi að búa sér til umkvörtunarefni? Allir vita jú að Danir þrífast á bakstungum og tuði.

"Ekkert kaffi!"
Gettu af hverju, Danadjöfull!

"Lestin er alltaf sein!"
Auðvitað er lestin sein þegar fólkið sem vill inn stendur fyrir þeim sem vilja út (fyrir utan þann augljósa seinkunarvald að ríkið á lestarfélagið).

"Skattar eru of háir!"
Auðvitað eru skattar alltof háir þegar alltaf er verið að heimta að skattfé sé notað til að borga hitt og þetta.

"Innflytjendur aðlagast ekki!"
Hver aðlagast þegar honum er borgað fyrir að sitja heima og bora í nefið? Ekki arabar og ekki Binni og yfirleitt enginn.

Jæja nóg um það.

Dexter = snilld.

Ég var að lesa snilldarskrif um danska strætóa sem ég gæti, með örlitlum breytingum á smáatriðum, alveg sagt í fyrstu persónu líka. Eina leiðin til að lifa af í dönskum strætó er að vera annaðhvort öskrandi ölvaður eða hálfdauður úr þreytu.

Einn af hverjum tíu verkfræðingum í Danmörku er lagður í einelti, segir í fréttum. Ég og Óli vinnufélagi urðum því að vera extra duglegir að leggja í einelti í dag til að tryggja að hlutfallið sé örugglega til staðar á okkar vinnustað líka. Danir tækla vandamálið eins og önnur vandamál: Með því að halda langa fundi, hella áfengi í fólk og tala út í eitt þar til næsta fyrirsögn nær athyglinni. Að leysa vandamálið er yfirleitt látið liggja á milli hluta.

Hvernig er hægt að kalla skattahækkun "leiðréttingu"? Jú, með því að sitja í sæti móttakanda skattgreiðslanna. Dæmi: Fulltrúi æskulýðssamtaka kallar á að "leiðrétting verði gerð á fjárveitingu til æskulýðssamtaka" (úr aðsendri grein í Mogganum á fimmtudaginn). Oj bara.

Mikið er þetta eitthvað bitur færsla? Enginn yndislestur en á móti kemur að biturðin skrifast í burtu og er því ekki til staðar að færslu lokinni.

Gott ef eðaleinstaklingarnir Arnar og Ingigerður frænka eru ekki nágrannar í Bryggjuhverfinu. Heppið hverfi.

Netto er svo ágæt verslun. Vodkaflaska, kassi af bjór, matur fyrir viku, hreingerningarvökvi einhver; 290 danskar krónur. Gott að vera fyllibytta í Danmörku.

Mangó er ekki bara ávöxtur. Magnó er líka mjög sláanlegur rass.

George og Ringo eru vinir mínir.

Mig langar í veggspjald, u.þ.b. 60 cm breitt, hæðin er aukaatriði, og þarf að vera flott. Uppástungur? Búinn að eignast tappatogara sem kemur í veg fyrir að mig langi í fleiri veggspjöld á næstunni.

Óli vinnufélagi

Þessi færsla er mikið til skrifuð í vinnutíma og er sjálfsagt eintómt froðusnakk að mati flestra. Hún hefur það þó sér til ágætis að vera að mestu laus við pólitík!

Mikið getur góður samstarfsfélagi gert vinnustað að skemmtilegum stað. Verkefnishópurinn sem ég tilheyri er "lokaður" af í stórri skrifstofu með fjórum plássum og ég og Óli (Ole) yfirleitt einir í henni enda hin tvö dugleg að skiptast á að vera í fríum, veikindum (sinna eða barna sinna) og erindagjörðum (vinnu- og óvinnutengdum). Mikill og súr einkahúmor er byrjaður að þróast á milli mín og Óla og greyið annað fólk sem stingur nefinu hingað inn. Miskunnarlaus kaldhæðni, brandarar sem spanna allt sem ekki má segja, hárbeittar móðganir, vinnustaðaeinelti og hreint og klárt bull og lygi um sig og aðra er uppistaðan í 90% okkar samskipta. Afgangurinn fer svo í að vinna ákaflega vel saman og vera nokkurn veginn á svipaðri bylgjulengd með það sem þarf að gera til að vinna fyrir laununum.

En ég er einmitt með kenningu um hvað veldur: Pilturinn veit að húmor er nauðsyn alls staðar og að það þýðir ekkert að taka sig of hátíðlega þótt maður taki vinnuna hátíðlega. Hann Óli er líka gagnrýninn piltur, bæði á torskildar ratleiðir í gegnum frumskóg pappírsvinnu og ferla sem óhjákvæmilega fylgja olíu- og gasiðnaðinum, og tortryggni á fjárþorsta og fyrirferð ríkisvaldsins; að mínu mati mjög skyldar efasemdir á yfirborðinu (þótt pappírskröfur olíufyrirtækja annars vegar og ríkisins hins vegar séu af MJÖG ólíkum toga og gjörólíku eðli).

Hann hefur einnig vit á því að halda sér frá föstu sambandi við kvenfólk. Hugsanlega liggja samt aðrar ástæður á bak við einhleypni hans en mína - ég kýs að vera laus við reglulegt samneyti við hitt kynið (sosem enginn þrýtingur í áttina að öðru) en hann hefur ekki gefið neitt upp um það, hvorki af eða á.

Óli er hress og minnir mig á margt sem ég sé í hinum ágætustu vinum mínum. Er það ekki hreinlega uppskriftin að góðum vinnufélaga? Einhver sem minnir mann á vini sína? Það held ég. Ég á heldur ekki leiðinlega vini. Ef Óli minnir mig á vini mína þá er hann skemmtilegur.

Vefritid.is

Það tók vefritið Vefritid.is hvorki meira né minna en eina viku að koma sér á (sjá) og svo af (sjá) leslista mínum. Þá veit alþjóð það.

Sól og blíða í Baunalandi

Óneitanlega hressandi dagur í dag. Margir af "hausunum" í haustfríi og mikill hasar og margar spurningar og eilífar truflanir. Fyrir vikið er einbeiting á bak og brott og eirðarleysi fylgir í kjölfarið.

2 GB í innra minni eru óneitanlega betri en 0,5 GB.

Umhverfisstefna Vinstri-grænna er einföld: Mannaverk eru alltaf verri en ekki-mannaverk. Alltaf. Næstum. Oftast. Ekki þegar á að byggja tónlistarhús fyrir 10+ milljarða. Bara þegar á að reisa virkjunina sem skaffar því rafmagn.

Ég er ekki frá því að af því ég var svona allt að því edrú eiginlega mest alla helgina þá hafi ég minnkað svefnþörf mína á virkum dögum, jafnvel umtalsvert. Það væri athyglisverð uppgötvun.

Ég nenni ekki í IKEA en neyðist eiginlega til þess. Djöfull.

Maður dagsins

Maður dagsins er BHM, hinn sparsami. BJM þökkuð ábendingin.

Sunnudagsblaðrið

Ég sveik mikil og háfleyg loforð við sjálfan mig um helgina. Næsta föstudag kl 16 ætla ég að slökkva á símanum og ekki kveikja aftur fyrr en kl 9 að morgni laugardags! En steikin var góð og takk kærlega fyrir það.

Skrýtið þegar fólki lætur skattalækkun ríkisstjórnar D+B koma sér á óvart þegar ekkert annað stjórnarmynstur hefur nokkurn tímann í Íslandssögunni lækkað skatta (án þess bara að taka upp eða hækka aðra). Raunar frekar dapurlegt að hugsa til þess. Ef um ranga sagnfræði er að ræða þá er ég meira en lítið til í að vera leiðréttur.

Þörf mín fyrir sjónvarpstæki hefur aldrei verið minni en því miður er heilalaust glápið að í stað heilaleikfimi almennt.

Ef stjórnendur Smáralindar gera samning við öryggisgæslufyrirtæki (í krafti "fulltrúavalds" síns til að gera slíkan samning), en búðareigandi einn í Smáralind telur sig geta varið sína eigin verslun (eða trúir ekki á tilvist stelandi kúnna), ætli viðkomandi búðareigandi muni kalla öryggisgæslumennina "erlendan her" í hans landi? Her sem þurfi að koma á brott hið fyrsta!

Katrín og kaka var hin prýðilegasta blanda.

Kósket í jólapakkann í ár.

Ég vildi að ég gæti en get því miður ekki sótt 53 GB skjalið "Jenna Jameson Collection" en torrentspy listar það hjá sér (að vísu með fáum seeds og helling af leech) og ég hvet hvern sem hefur pláss til og þolinmæði til að slá til og svo koma til mín!

En nóg af sunnudagsblaðri. Góða viku!

Þá er það fimmtudagsfærslan

Núna byrja piltar að mæta hvað og hverju til að spila bridge í Holunni. Ég hef blendnar tilfinningar til þess - hér er allt á rúi og stúi, föt hanga til þerris á miðju gólfi, tómar bjórflöskur út um allt, ég í þreyttari kantinum og kann þar fyrir utan ekki neitt í bridge. Á móti kemur að Óli er hress og fallegur maður.

Ónefnd stúlka er á fullu við að skrifa nafn sitt á svarta listann minn. Kvenlesendur, hvernig losnar maður við eina af ykkar kyni? Ég treysti á A.L.K. hér umfram aðrar, að öðrum ólöstuðum (jafnvel í tölvupósti/á MSN ef upplýsingarnar eru trúnaðarmál).

Ég skil ekki gagnrýni á skattalækkanir á matvælum. Fyrir utan hið augljósa að þær lækka matarverð, hvernig stendur þá á því að fólk telur að eyðsla opinberra embættismanna á launum Íslendinga sé minna þensluvaldandi en eyðsla launþega á eigin launum? Þeir sem andmæla Kárahnjúkum af þeirri ástæðu að þeir telja ekki framkvæmdina arðsama ættu sérstaklega að velta þessu fyrir sér því óarðsæm framkvæmd af þessari stærðargráðu hefði tæplega verið ýtt úr vör án þrýstings frá ríkinu og þar með hefðu 100 milljarðar af erlendu lánsfé aldrei náð að streyma inn í hagkerfið og auka peningamagn og þar með ýta undir verðbólgu.

Morgunblaðið hefur verið fóðrað með hugleiðingu um þetta efni. Ekki vel skrifaðri hugleiðingu en nóg til að veita mér ákveðna útrás. Fylgist með!

Ónefndur einstaklingur veldur því að ég er með samviskubit yfir því að vera "bara" í 100% vinnu og engu öðru að ráði. Ekkert fullt nám, engin formennska í félagi, engin vettvangsferð erlendis, engin regluleg skrif í blað, engin seta í nefnd. Bara 100% vinna. Hvað er til ráða? Ég sakna vetursins á Smyrilsvegi: 100% lokaverkefni í svo ljómandi ágætum félagsskap, 40-60% nám í kúrsum, mikil þátttaka í einu ágætu stjórnmálatengdu félagi, og já auðvitað að flytja inn, sjá um og skemmta erlendri stúlku þótt ég sakni þess hluta minna.

Vinnudagurinn í dag var góður og mikill hasar og meira að segja gómsæt súkkulaðikaka og árangur og niðurstöður og það allt. Ég hlýt að mæta á svæðið á laugardaginn og ná nokkrum tímum í ró og næði með hressandi verkefni sem datt inn í dag. Þá veit alþjóð það. Yfir og út.

Annar í þynnku nú á enda

Þá er helgin að baki og því enginn Hlynur til að kúra saman með lengur. Heilsan hefur verið betri en hún jafnar sig eftir því sem á líður. Þurrkur er á planinu út mánuðinn! Seinasta "lausa" helgin hjá mér í nóvember var að bókast af hinni ágætu móður minni og mánuðurinn því orðinn ansi þéttur. Gott mál enda allt saman öðlingar á gestalistanum.

Í ár er boðið upp á að velja á milli þriggja jólagjafa frá fyrirtækinu: Kaffisett+kaffi, sex flöskur af "gourmet" bjór eða kryddjurtabakki einhver. Samstarfsmaður hitti naglann á höfuðið:
"Þetta er EKKI val sem maður ber undir konuna sína."

Loksins fer að sjá tímabundið fyrir endann á eilífðarverkefninu sem ég er í í vinnunni. Á morgun eru skil og svo vonandi smá pása frá harkinu. Vinnuvikan lítur strax mun betur út fyrir vikið. Þá veit alþjóð það.

Innkaupalistinn fyrir íbúðina lengist bara eftir því sem ég hegg á hann. Svefnsófinn var keyptur en kallar um leið á aukasæng+kodda og undirdýnu. Nettenging kallar á utanáliggjandi harðan disk því annars fylli ég tölvuna um leið af kl.. bíómyndum og tónlist. Nýtt Netto-blað minnir mig á að ég þarf að kaupa reykskynjara. Eldteppi sem ég fékk gefins í vinnunni heimtar krók til að hengja það í. Svo vantar ýmislegt smálegt: Öskubakka, klakabox, litla gólfmottu, sennilega en ekkert endilega eitthvað potta- og pönnusett. Endar þetta einhvern tímann?

Truflar það engan nema mig þegar stjórnmálamenn tala eins og þeir séu að reka fyrirtæki? Þeir eru ekki að reka fyrirtæki (fara ekki á hausinn ef hugmyndin er slæm, verða ekki fátækir ef þeir sóa ógrynni fjár, verða ekki reknir svo glatt þótt þeir fari mörg hundruð prósent fram úr fjárhagsáætlun, osfrv). Stjórnmálamenn eru að rífast um hvaða ákvörðun á að taka fyrir fyrir alla og knýja alla til að vera aðila að.

Úr því pólitíska vélin er í gangi:

In branding profits as excessive and penalizing the efficient entrepreneurs by discriminatory taxation, people are injuring themselves. Taxing profits is tantamount to taxing success in best serving the public. The only goal of all production activities is to employ the factors of production in such a way that they render the highest possible output. The smaller the input required for the production of an article becomes, the more of the scarce factors of production is left for the production of other articles. But the better an entrepreneur succeeds in this regard, the more is he vilified and the more is he soaked by taxation. Increasing costs per unit of output, that is, waste, is praised as a virtue. (#)

Nákvæmlega!

DailyMotion.com er ákaflega hressandi síða fyrir þá sem fíla YouTube en deila ekki siðferðislegum hæðum þeirrar síðu! Fínt að enda langlokufærslu á svoleiðis hressleika.

Kárahnjúkar

Má til með að, og verð hreinlega að benda á þessa grein eftir Samma "fitness". Bæði stuðningsmenn og andstæðingar Kárahnjúkavirkjunar munu kinka kolli frá upphafi greinar og til enda.

Búhú

París aflýst klukkutíma fyrir brottför á flugvöllinn. Brandararnir fóru strax af stað:
"Nú þá rakaðiru þig án ástæðu!"
"Núna geturu loksins unnið almennilega frameftir með hrein föt með þér í vinnuna."
Brandarakallar.

Tuðgáttin opnast

Í dag var þjóðhátíðardagur vinstrimanna í Danmörku. Mikil mótmæli út um allt land og skólar og skólar sperrtir af af fólki sem klárlega er ekki að farast úr álagi á vinnustöðum sínum. Íslendingar tala um "velferðarkerfið" sem einhvers konar öryggisnet. Í Bandaríkjunum er maður "on welfare" ef maður tilheyrir minnihlutahópi og býr í glæpahverfi. Danir tala um "velfærd" sem magnbundna stærð háða því hvað ríkið eyðir miklu af fé skattgreiðenda í skóla, leikskóla og öldrunarstofnanir. Minna fé í og sérstaklega úr ríkiskassanum = minni velferð, eða svo segir Daninn.

Ekki mörg börn á vinnustaðnum (bara ein 3 ára stúlka hlaupandi um deildina) en það skýrist oft af því að makinn tók sér frídag.

Sem betur fer er einhver mótstaða í Danmörku gegn gengdarlausu kvabbi vinstrisins í Danmörku.

Hvað um það - ég heimsótti IKEA í dag og núna á ég sófaborð og svefnsófa. Mikill munur að vera laus við skrifstofuborðsskrýmslið og hætta að sitja á vondum skrifstofustól (sem skilur eftir nokkrar rispur í gólfinu í kveðjuskyni). Hlynur fær væntanlega að vígja sófakvikindið á föstudaginn. Gott mál í alla staði.

Á morgun eftir hádegi held ég frá vinnustað og upp á Kastrup og flýg til Parísar til að ræða við áhyggjufulla Frakka. Tilhlökkun og kvíði í sömu andrá en óspillt tilhlökkun. Á tímabili var verið að ræða um að hætta við en í kvöld fékk ég símtal og núna er búið að hætta við að hætta við. Gott mál. Er nokkuð búið að afnema einkaeignarrétt kaffi- og veitingahúsaeigenda í Frakklandi eins og víða í Bandaríkjunum, á Írlandi, Noregi og Svíþjóð?

Ég vona að allir séu að fylgjast vel með Celebrity Babe dagsins á Dauðaspaðanum.

Er illa gert af mér að lauma örlitlum áróðri inn í umræðuritgerð frænku sinnar í menntaskóla?

Stundum geta tvær góðar vinkonur verið ólíkar. Á meðan önnur borgar í topp og rukkar aldrei lofar hin að borga en svíkur það svo þrátt fyrir ítrekaðar kurteisislegar áminningar.

Íbúðin mín er hér með nefnd "Holan" (d. Holen, e. The Hole) og ég ætlast til að hún verði nefnd því nafni hér eftir en ekki neitt í ætt við "heima hjá Geir" eða "hjá Geir".

Hressandi tilvitnun í hressan fyrirlesara og almennt magnaðan mann sem hefur svo sannarlega upplifað tímana tvenna: "Jo mere socialisme, jo mindre velstand. I Sovjet havde vi maksimal socialisme, og fik maksimal fattigdom og maksimalt kollaps. I Europa er I ved at indføre gradvis socialisme, og I vil derfor få gradvis fattigdom." (kilde)

Jæja þá best að fara pakka. Yfir og út.

Talað með rassgatinu

Þá er að tala örlítið með rassgatinu (snakke med røven), því það er góð útrás.

Í fyrsta lagi: Minn næsti yfirmaður er að missa stig hjá mér þessar vikurnar. Honum til framdráttar þá er hann alveg rosalega hress náungi og mjög þægilegur í öllum samskiptum. Hins vegar er hann duglegri en flestir við að reka hnífinn í bakið á þeim sem eru ekki viðstaddir. Ákveðinn starfsmaður er mjög góður, "en" hann er ekki nógu mikið svona eða hinseginn. Ég veit ekki hvað hann segir um mig þegar ég er ekki nærri en ég veit (eða grunar sterklega) að það er eitthvað og ekki endilega jákvætt og sú tilhugsun er pínulítið óþægileg því hann talar við alla og hans álit því oft það eina sem heyrist (því fáir eru jafnduglegir að dreifa áliti sínu á hinum og þessum til allra opinna eyrna). Svei.

Í öðru lagi: Parísarferðin á miðvikudaginn nálgast óðfluga og það er hressandi tilhugsun því hópurinn sem ég fer með er með eindæmum skemmtilegur.

Í þriðja lagi: Ég hef ekki náð að horfa á einn Seinfeld-þátt í kvöld þrátt fyrir ítrekaðar tilraunir til þess. Hasarinn er of mikill til þess. Gott mál.

Í fjórða lagi: Til hamingju Sverrir!

Í fimmta lagi: Haustmisserið er of stutt til að gera einhverjar áætlanir. Sumarið er bara nýbúið og jólin eru strax handan við hornið. Ég lofa mér öllu fögru fyrir vormisserið í staðinn.

Í sjötta lagi: Ég þarf að tvímenna í eina nótt. Hvernig ætli það muni ganga?

Í sjöunda lagi: Nóg af hjali, meira sofa!

Mánudagur til móðu

Hvort er betra; að lágmarka uppvask eða borða alltaf af tandurhreinum diskum með tandurhreinum hnífapörum?

Stórkostleg gleðitíðindi fyrir umheiminn: Atvinnuveitandinn kominn með nýja heimasíðu! Full af göllum og virkar örugglega ekki í neinu öðru en IE, en nýtt er það samt.

Nýja vinnuþemað mitt er "vera alvarlegur" og reyna hræða suma af þessum Baunum sem eru byrjaðir að vera aðeins of afslappaðir í kringum mig. Félagsfræðileg tilraunastarfsemi á Dönum er ákaflega skemmtileg.

Föstudagurinn er dagur hinna mörgu gesta. Þið vitið hver þið eruð. Eftir næstu helgi er ég búinn að lofa mér þurrktímabili eitthvað út október. Þarf bara að sýna staðfestu!

Nú á enn einu sinni að reyna sannfæra Dani um að svört vinna "skaði samfélagið" þótt slíkt sé fjarri lagi. Sagan segir að þeir áætluðu 45 dönsku milljarðar sem ríkissjóður saknar vegna svartar vinnu myndu "bæta velferðarkerfið", "gefa ráðrúm til skattalækkana" (danska ríkið rakaði inn 80 milljörðum umfram eyðslu á seinasta fjárlagaári þökk sé háu olíuverði og skattalækkanir eru að sögn enn of "dýrar"), þýða betrumbætt lestarkerfi og fleiri opinbera starfsmönnum - sem sagt; ríkið gæti þanið sig enn meira út án þess að nokkrum liði betur (skatta lækka þeir ekki). Ætli maður þurfi að hóa í litla stuttbuxnahópinn sinn til að svara þvælunni enn einu sinni?

"Ég prívat og persónulega tek óskynsamlegar ákvarðanir og tel mig ekki geta haft stjórn á mér, eigum mínum, fjármálum og tíma og virði ekki sjálfsstjórn og eignarrétt annarra. Þess vegna tel ég þörf á eftirfarandi reglugerð/skattlagningu svo ég og aðrir megi breyta rétt að mínu mati..."
Dagurinn sem einhver stjórnmálamaður játar þetta er dagurinn sem ég byrja trúa orðum þeirra sem vilja komast á toppinn í pólitík.

Hugarstríð klukkutímans snýst um svefnsófa: Á ég að nenna að ná í Jysk núna eða vinna (afsakið, "vinna") lengur og eiga tíma inni á morgun og hætta strax um kl 15 þá? Ég tek seinni kostinn. Set tvo hersteina af stað fyrir heimför.

Bannað!

Þeir sem eru á móti Kárahnjúkavirkjun (ýmist sem framkvæmd eða hugmynd) skiptast í þrjá hópa: Unnendur einkaframtaksins sem vilja að ríkið hætti að ráðstafa landi og ráðskast með fyrirtæki sín í pólitískum tilgangi (eða yfirleitt hætti að eiga fyrirtæki), þeir sem eru andsnúnir ákveðnum ríkisafskiptum (þau er taka mikið landrými) en ekki öðrum (köllum þá bara umhverfisverndarsinna), og svo þetta pakk sem ég mun nú kalla umhverfishryðjuverkamenn. Eða svona vil ég reyna draga í dilka og grófflokka.

Myndasýning fyrir þá sem hafa horft of mikið á samsæriskenningamyndir þar sem því er haldið fram að bandarísk stjórnvöld hafi skipulagt 9/11 atburðina. Sé það hins vegar raunin að Bush hafi á 8 mánuðum í embætti náð að draga saman alla þræði og hundruð manna til að sprengja hæstu byggingar New York niður þannig að fólk í bara eina mínútu hélt að flugrán hefðu átt sér stað þá á hann skilið verðlaun fyrir skipulagshæfileika.

Jæja fussumsvei hersteinar komnir af stað og ég ætla heim. Yfir og út.

Létt þýðing

Hressandi innsæisfull athugasemd (héðan):

Umhverfisverndarhreyfingin heldur því fram að ekki sé hægt að treysta á vísindi og tækni til að reka kjarnorkuver á öruggan hátt, framleiða skordýraeitur sem er óhætt að nota, eða jafnvel baka brauð sem er óhætt að borða, ef sá brauðhleifur inniheldur tilbúin rotvarnarefni. Hins vegar þegar kemur að hitnun á lofthjúpi jarðar kemur í ljós að það er ein grein vísindanna sem umhverfishreyfingin sýnir alveg sláandi traust á - grein sem þar til nýlega hefur ekki notið trausts jafnvel hörðustu stuðningsmenn vísinda og tækni. Umhverfishreyfingin vill meina að eina grein vísinda og tækni sem stendur svo vel að vígi að við getum sýnt henni ótakmarkað traust sé sú spá fyrir um veðrið - næstu hundrað árin!

Hið sama mætti sennilega segja um þá sem tjá sig hvað háværast um meinta hættu af sprungum í Hálslónsstæðinu; verk- og jarðfræðingum er ekki treyst til að byggja stíflu á sprungusvæði á meðan veðurfræðingum er treyst til að spá fyrir um veðrið, 100 ár fram í tímann!

En svo það sé á hreinu þá er ég ekki mikill stuðningsmaður ríkisframkvæmda og Kárahnjúkavirkjun er ríkisframkvæmd. En að ég ætli mér að taka umræðu um burðarvirki virkjana og jarðfræði sprungusvæða við menntaða íslenskufræðinga er ekki alveg á dagskránni (sá einmitt hagfræðing og íslenskufræðing rífast um Hálslónsstæðið í Kastljósi í sumar og þótt skondið).

Þá gerðist það loksins: Vinnuferð til útlanda. Ekki mjög löng ferð - réttur sólarhringur, og ekki mjög spennandi dagskrá - langur fundur með yfirverktaka okkar í einu verkefninu, en París, Frakkland er það nú samt. Miðvikudagskvöld-fimmtudagskvöld.

Innflutningsteiti á Barbastöðum í gær var hressandi. Nýr titilhafi að titlinum "leiðinlegasta manneskja heims" fannst. Henni verður skipulega haldið frá mannamótum héðan í frá. Á móti kemur að Ingimar heillaði allt og alla upp úr skónum (sérstaklega Daða) og er hér með settur á skyldumætingarlistann í allt.

Nóvember verður gestkvæmur svo ekki sé meira sagt. Púslin virðast samt ætla raðast rétt og því góðir tímar í vændum. Hlynur mun svo heiðra okkur Dana-raftana um næstu helgi. Ljómandi.

Núna er það sturta og svo afmæli hjá ágætum herramanni í föruneyti ágætrar snótar sem ég erfði af Jóa nokkrum Ben og væntanlegir einnig er Barbafjölskyldan. Yfir og út!

Molar í amstri dagsins

Stjóri sannfærði mig um að ég hefði gott af fríi á fimmtudaginn og öli á fimmtudagskvöldið. Ég er hættur að mótmæla kæruleysinu.

Sverrir Jakobsson hlýtur að hafa látið okra á sér þegar hann fór seinast á súlustað.

"Súludans má aðeins ræða í einu samhengi - samhengi frjálsra viðskipta og rétti karla til að hafa lífsviðurværi af því að sýna öðrum körlum berar konur. Sverrir Jakobsson er hræsnari og tilheyrir hreyfingu þeirrar gerðar femínista sem þagði áberandi hátt þegar eiginkonur og mæður Íslands fóru á Broadway að glápa á bera karlmenn. En súludans má aðeins ræða í samhengi að skapi Sverris svo ég hætti núna (er það þess vegna sem Broadway+Chippendales var aldrei rætt? Af því það var ekki í samhengi sem Sverrir samþykkti?).

Skynsemin í góðu stuði í dag og kemur í stað pirrings í gær.

Ég þarf greinilega að passa mig á því hvað ég segi um sumt við suma. Ég er hugsanlega brennt barn en ég gleymi alltaf að forðast eldinn. Titla-, typpa-, tíkóspena- og tekjutog á að vera skemmtilegt, ekki leiða til leiðinda.

Macroar eru snilld.

7 tíma svefn sem hefst fyrir miðnætti er mitt optimum. Verst að svefni verði fórnað fyrir bolta í kvöld.

Ég lærði nýtt orð í gær: Ejerskiftgebyr. Þar áður lærði ég orðið: Ejendomsskat. Ég kann einnig orðið: Fællesudgifter (sem m.a. fara í að borga verkamönnum fyrir að sitja, reykja og drekka í vinnuskúr fyrir utan bygginguna sem ég bý í). Allt mjög góð orð.

Eingöngu danska skattkerfinu dettur í hug að senda manni ítrekun á einhverju sem þeir rukkuðu aldrei fyrir til að byrja með. Ætli þetta sé ný tekjuleið opinberra stofnana til að komast fram hjá skattastoppi yfirvalda?

Í lok dags: Setja einn herstein af stað í tölvunni og vona að eitthvað sé tilbúið í fyrramálið.

Til íþróttaálfanna

Eftirfarandi hugleiðing er stolin af konungi grínþáttanna, Jerry Seinfeld:

Af hverju er fólk að æfa? Eins og ég sé það þá er fólk fyrst og fremst að æfa til að komast í gegnum næstu æfingu. Með því að æfa sig verður væntanlega auðveldara að gera það og til að komast í gegnum þarnæstu er um að gera að mæta á næstu.

Eða þetta voru mín 2 cent.

En núna fæðast spin-off hugsanir: Af hverju reykir fólk? Fólk reykir af því það fann nikótínþörf vegna seinustu sígarettu og þá þarf að reykja til að byggja upp nikótínþörf fyrir næstu sígarettu.

Eru þá íþróttaæfingar og sígarettureykingar ekki bara sitthvor hliðin á sömu vitleysunni - þörfinni til að gera eitthvað svo hringurinn geti haldið áfram?

Nei svo djúpur er ég ekki að geta steypt saman íþróttaiðkun og reykingum en það má alveg eins henda þessu þvaðri út og losna við hugsunina.

Mæðudagur til mikilla afreka

Nei, ekki til mikilla afreka. Samt furðuhress miðað við að helgin fór í fyrirlestra, einhverja en þó hóflega drykkju, lítinn svefn og það allt.

Ég fékk næstum því innblástur til að skrifa grein í gær en endaði þó bara á örlitlum skrifum á netið [1|2] en ég gleð samt fólk með því að segja að grein er handan við hornið!

Textpad hefur sparað mér ófáa tugi klukkutíma.

Einn samstarfsfélagi minn og sessunautur á vinnustaðnum talar endalaust, stundum til mín, stundum til annarra á skrifstofunni og stundum við sjálfan sig. Hvort á ég þá að skrúfa upp í tónlistinni til að heyra ekkert eða niður til að heyra allt ef ske kynni að eitthvað liggi við? Nú eða segja mér eldri og reyndari manni að halda þverrifunni lokaðri. Ég held ég sé of vel upp alinn til þess.

..endaði þó á því að segja honum að velja upphátt sagðar setningar sínar með "omhygge" og hann fattaði skotið og tók vel í það. Þönder.

Íslenskt baktal hefur einn umtalsverðan kost yfir danskt baktal. Í Danmörku baktala allir alla um eiginlega allt og yfirleitt eru skotspónar baktalsins engu nær um hvað er sagt og af hverjum (ég hef í mesta lagi fengið smjörþefinn í mínu tilviki). Á Íslandi eru baktalsumræðuefnin örlítið takmarkaðri og einstaka sinnum kemst upp um allt - hvað var sagt og af hverjum. Sá sjaldgæfi möguleiki gefur íslensku baktali óneitanlega forskot, segi ég.

BP, stundum kallað British Petroleum, voru svo vænir að gefa öllum starfsmönnum atvinnurekanda míns tösku fulla af öryggisbúnaði. Núna á ég hamar til að brjóta rúðu, brunateppi, endurskinsvesti og ég veit ekki hvað og hvað. Ég hirði auðvitað brunateppið (eða gef Brennu-Daða það) en spurning um að reyna selja hitt? Það eða geymslan.

Stundum er EKKI gott að hafa "skoðanir á öllu", t.d. ekki þegar maður er alltaf sá sem talar meirihlutann af tímanum á öllum fundum, óháð lengd fundar, fjölmenni hans og umræðuefnum.

Tuðgáttin (mjög meðvitaður um leiðinlegheit nöldurs en ég læt það samt flakka):
- Vinnutölvan mín er úrelt fyrir löngu fyrir þessi bévítans forrit sem ég er að keyra, allir vita það, ég hef rætt það en það eina sem gerist er að mér er sagt að réttlæta og bíða. Þetta er byrjað að fara í taugarnar á mér. 80% af þessum degi fer líklega í að bíða.
- Áður en ég fór á fund með deildinni minni áðan hélt ég að eftir vinnu á fimmtudaginn væri stefnan sett á að hittast heima hjá einum í deildinni og grilla saman og drekka bjór. Eftir fundinn komst ég að því að þetta væri orðið að heilsdagsprógrammi með þéttri dagskrá og ég veit ekki hvað og hvað. Ég var sé eini sem kom af fjöllum (enda haft litla þolinmæði til að fylgjast með á hópfundum). Ég er ekki hress með þetta enda var frí á fimmtudaginn ekki alveg það sem stendur á planinu mínu. Meira að segja frír bjór hljómar ekki nógu vel til að bæta upp röskun plansins. Núna er ferlið samt komið svo langt að ég þarf að melda mig frá og hafa fyrir því ástæðu.
- Þrjóska fjárans verkefni sem ég sit á. Þrír mánuðir af sama hjakkinu taka á.

Mikið er allt neikvætt og ömurlegt í dag ef marka má undangengin skrif. Ástandið er samt ekki alveg svona slæmt. Útrásin birtist hérna. Fólk í kringum mig sér mig í skínandi skapi og spurning um að drulla sér út í skínandi og vart þolanlega heita sólina?

Föstudagsblaður

Eins mikill tímaþjófur og MSN Messenger getur stundum verið þá eykur hann óneitanlega sveigjnleika og liðleika í samskiptum, nú þegar flestir eru hvort eð er sitjandi við tölvu meira og minna allar vakandi stundir. Galdurinn er líklega sá að læra stjórna tímaþjófshlutanum. Ákveðinn upptekinn gripur (upplagður til sýningar) segir t.d. blákalt að viðkomandi sé upptekin þegar viðkomandi er það og þannig á það að vera. Hér með tekið til fyrirmyndar. Gefur manni færi á að senda skilaboð án þess að búast við svari undir eins. Ljómandi.

Fólk lætur alltaf koma sér á óvart þegar ég raka mig upp úr þurru. Ætli áralöng taðskegglingsrætkun hafi haft sitt að segja þar?

Skynsemi frá Samfylkingarmanni! Hressandi tilbreyting.

Launamunur "kynjanna" er goðsögn. Hins vegar er launamunur á einstaklingum og ef einstaklingar eru flokkaðir upp eftir t.d. kyni kemur í ljós launamunur. Hið sama gildir ef flokkað er eftir húðlit, búsetu, atvinnugreinum, hæð (=greind?), útliti, menntun,, reynslu, ábyrgð, áræðni, fjölda yfirvinnutíma og svo framvegis. Því miður er einblínt á eina af þessum flokkunum - kynferði. Aðrar flokkanir gleymast. Best væru ef allar gleymdust en að einblína á eina er líklega það versta því þá heldur fólk að kynferði sé það eina sem skiptir máli (eða meira máli en aðrir þættir).

"Ef við ætlum að ná árangri í jafnréttismálum þá verðum við, því miður, að beita sértækum aðgerðum." (#)
Skiptum út "jafnréttismálum" fyrir "sósíalismavæðingu almennings" og ég held að Lenín hafi fengið tilvitnun.

Ég þurfti að leiðrétta vinnufélaga minn í dag. Hann sagði að það væri alltaf gott að mennta sig (í samhenginu; fara í skóla og sitja eitthvað fag) og að það væri aldrei hægt að mennta sig of mikið. Þetta er misskilningur. Það er alltaf gott að auka við vitneskju sína, þjálfa sig betur og læra. Menntun sem slík er hins vegar mjög misheppnaður mælikvarði á upplýsingaöflun eða bætingu á sjálfum sér og getu til að leysa verkefni. Þessi hugleiðing er innblásin af tilvist RIKK.

Nágranni minn er furðulegt fyrirbæri.

Ég er að ná ágætri æfingu í að "flytja inn" Íslendinga til Kaupmannahafnar og stjóri ef farinn að kalla mig "konsulent" (ráðgjafa) Íslendinga í Köben. Núna vantar bara að ég komist á íslensk eða dönsk fjárlög og leyfi skattgreiðendum að blæða fyrir þekkingu mína og reynslu.

Ég held að Daði sé búinn að setja aðeins of mikið af vímuefnum í sig núna. Þrjú SMS í röð með sama svarinu með sömu spurningunni þegar þetta er skrifað. Daði: kl 17!

Katrín mín, meistaragráða í tölvunarfræði er ekki "M.Sc. in Engineering" þótt VFÍ hafi hleypt þér inn út á skálar, hárlit og brosmildi mikið (og já, pappíra frá DTU). Hér með skjalfest.

Tyrkir og tepokar eru eitthvað sem ég á erfitt með að losna við. Ég hef ekki lygagenið í mér því miður.

Í Berlín er bjór hellt þannig að það komi froða. Í Köben er bjór hellt til að fá froðu. Munurinn er umtalsverður. Sjá mynd fyrir pretty lips að drekka tasty beer.

Á hvaða aldri hættir kærasti/kærasta að flokkast sem "áhugamál" í takt við t.d. golf, fótbolta og tölvuleiki?

Ég hlakka mjög mikið til morgundagsins og sunnudagsins. Fyrirlestrar um stjórnmálaheimspeki úr herbúðum frjálshyggjumanna í 7 klst báða dagana með glósubók í einni og kaffibolla í hinni. Þeir sem til þekkja vita að ég fæ í'ann við tilhugsunina. Ég er meira að segja að gera "heimavinnuna" mína með lestri og hlustun og ég veit ekki hvað.

Yfir og út.

Vikan nú að baki er

"Casual Friday" er snilldarþema (vikulegt) hjá nokkrum piltum í næstu deild. Á föstudögum mæta þeir í skyrtu og helst með bindi og annað felst ekki í því. Gefur ákveðna stemmingu óneitanlega.

Vonbrigði fyrir Flokkinn (ef hann vill halda áfram að rúma hugsjónafólk) segi ég en kannski breytist samt eitthvað til batnaðar eftir að Bulli Thorvalds er horfinn á braut. Ég vona bara að HLM reyni aftur að ári.

Kaffihús og hressandi tónlist í góðum félagsskap skilar manni ekki beint úthvíldum í vinnuna daginn eftir en þó í góðu skapi.

Daða er þakkað fyrir ágæta sendingu sem að hluta til prýðir mig í dag. Ölvun er vissulega fyrirbæri sem gæti útskýrt árangur kommúnískra stjórnarherra í gegnum tíðina (fyrir utan að hafa handónýta hugmyndafræði til að .

Fair Trade = svikamylla og fölsk samviskubitsslökkvun. Vona lesendur þessa pistils hafi í huga að það er engum greiði gerður með því að borga aukalega fyrir eitthvað sem skilar sér hvort eð er aldrei á tilætlaðan áfangastað.

Einn bjór á föstudagsbarnum og svo heim að þvo og hver veit nema ég skreppi á Singapore Sling á Loppen ef einhverjir miðar eru enn eftir. Dugnaðurinn að drepa mann.

Ísland komið á blað

Íslandsför jóla og áramóta hér með bókuð: Lending á miðnætti 21.des. og flogið út aftur sunnudaginn 7.jan. og þá veit alþjóð það.

Vinnan er að stríða mér svolítið þessar vikurnar. Verkefnishópurinn sem ég tilheyri situr fastur í vandamáli sem neitar að leysast sama hvað gert er (fyrir utan þá leiðinlegu staðreynd að kúnninn er franskur, sama hvað gert er). Fyrir vikið er hjakkast í því sama, aftur og aftur, fram og til baka, áfram og afturábak, og lausnin ekki enn byrjuð að stinga upp kollinum. Margir vinnudagar hafa farið í það sama og til lengdar verður það mjög þreytandi. Á móti kemur að stemmingin í sjálfu fólkinu í kringum mig er frábær - Danir kátir eftir (að mestu leyti) gott sumar og góða Sommerfest.

Einhæfnin veldur samt ákveðnu eirðarleysi að vinnudegi loknum og við þarf verð ég að berjast. Ég hef lofað sjálfum mér að taka stuttan vinnudag í næstu viku og græja löngu planaða IKEA ferð. Er reyndar lítið hrifinn af því að þurfa eyða peningum í annað en bjór en ég verð víst að gera það samt.

Í gær beið ég í rúman klukkutíma á aðallestarstöð Kaupmannahafnar eftir lest sem aldrei kom því merkjakerfi lestarkerfisins brotnaði saman. Stuð.

Hrós dagsins fer til tveggja skyldmenna (sjá mynd): Ingigerðar frænku fyrir að vera svo frámunalega ágæt stúlka og framtakssöm, og Ómars bróðurs fyrir að passa vel upp á systur okkar og almennt fyrir að vera gegnheil og pottþétt manneskja með óendanlega atorku (minnir að því leyti á ónefndan Hafnfirðing).

Vinnuumhverfið hefur sjaldan verið betra (og friðsælla) eftir að ég fann ekki snúru til að tengja vinnusímann með eftir seinustu innanhúsflutninga (hef ekki lagt mig fram við að leita heldur).

Ég rakaði mig í gær í annað sinn á innan við 4 vikum. Það hlýtur að teljast til tíðinda fyrir þá sem til þekkja.

Kaffi hættir að virka eftir sjötta bolla.

Svíþjóð er ekki alslæmt land þótt þar búi Svíar.

"Iceland is already experiencing clear signs of climate change, but also offers a good source of energy that has not yet been tapped, Olafur Ragnar Grimsson told an audience at the Washington Summit on Climate Stabilization on Tuesday."
Getur einhver sagt mér um hvað maðurinn er að tala? Mæli samt með fréttinni í heild því í lok hennar gefur hann maðurinn-er-að-eyðileggja-Jörðina-fólkinu væna sneið (kannski er Óli grís búinn að lesa svona lesefni).

Talandi um sneiðar, hérna er Íslandi í heild sinni gefin sneið.

Fjas búið í bili.

Dæs og mæs

Þreyttur mánudagur eftir blautt gærkvöldi yfir fótbolta af öllum gerðum. Heim í dag eins fljótt og ég get og ekkert múður!

Svíum tókst að kjósa af sér vinstrimennina. Svíar eru óttalegir frjálshyggjumenn innan við beinið þótt þeir viðurkenni það ekki (og þaðan af síður íslenskir vinstrimenn). Þó of lítið svo á seinustu 50 árum (fyrir 50 árum var Svíþjóð eitt opnasta og lægstskattaða hagkerfi hins vestræna heims).

Athyglisvert.

Hvenær ætla stuðningsmenn fégjafar frá ríkum löndum til fátækra að átta sig á því að efnahagslegt frelsi er besta þróunaraðstoðin sem völ er á? Þessi skrif eru dæmigerð sjálfsupphafning og alltaf er bara nefnt EITT dæmi um vel heppnaða þróunaraðstoð, Marshall-aðstoðina, þótt það sé með öllu marklaust dæmi um vel heppnaða þróunaraðstoð: "George Mason University economist Tyler Cowen debunked such myths years ago, showing that no correlation existed between the amount of Marshall Plan aid specific nations received and their subsequent rates of economic growth. Their domestic economic policies were the decisive factor." Meira hér. Siðferðisleg skylda manns til að hjálpa fólki í brýnni neyð er hins vegar önnur saga.

Mikið eru þær sætar þessar stelpur orðið í kringum mann.

Jæja líkaminn hefur gefist upp á vinnustaðnum. Þótt fyrr hefði verið. Tek langan dag á morgun.

Nettengdur að heiman!

Mikil gleði á heimili mínu núna - netið er komið heim! Verkefnalistinn er strax byrjaður að fæðast og ber þar helst að nefna að celebrity babe dagsins verður sett á laggirnar með Hauki og birt á Dauðaspaðanum. Byrjið að hlakka til!

Danmörk býður velkominn Styrmi Óskarsson og fjölskyldu. Alveg hreint ágætur piltur sá, svo vægt sé til orða tekið.

Danmörk þakkar einnig fyrir nærveru Barbapabba og Barbasnáða en án þeirra væri maður óneitanlega örlítið meira edrú, sem telst til neikvæðs ástands.

Verð samt edrú meira og minna alla næstu helgi því ég ætla að vera hérna að hlusta á mikla snillinga.

Í fréttum er það helst að páfinn drap konu! Nei ekki alveg, en páfinn sagði eitthvað um múslíma og núna er honum kennt um að múslími drap kaþólska nunnu. Þvílík vitleysa. Má orðið ekkert segja til að glæpamenn geti réttlætt ofbeldisverk?

Hið ágæta félag Frjálshyggjufélagið er núna búið að endurnýja stjórn sína sem er hið besta mál. Ég sit sem fastast vitaskuld og krefst þess að vera ávarpaður "Herra stjórnar-með-lim-ur" hér eftir. Þó er ég enginn formaður eins og sumir sem að vísu getur ekki stjórnað-með-lim.

O'Learys hittingur kl 17 ef áminning í símanum segir rétt til. Man Utd-Arsenal virðist vera leikur dagsins. Ef ég lendi á þriðja núll-núll leiknum í röð þá hendi ég með-lims-kortinu mínu (kvenfólk þarf þá bara að athuga hvort ég sé með lim í stað þess að fá bara kort upp á það).

Stjóri hafði rétt fyrir sér varðandi þrif á fáum fermetrum. Ég sagði að fáir fermetrar þýddu "minna að þrífa" en stjóri leiðrétti mig með því að benda á að margir fermetrar dreifðu rykinu um stærra svæði og því þyrfti að þrífa sjaldnar. Svartar hillur hjá mér nú þegar að kalla á þrif. Svei. Þarf kannski að endurskoða þetta með að ætla bara þrífa einu sinni á ári (þó búinn að ryksuga tvisvar síðan í ágúst).

Held ég láti staðar numið hér áður en ég gef misvísandi mynd af mér. Ehm..

Fjas á föstudegi

Já alltaf enda allar vikur eins; loksins alveg kominn yfir seinustu helgi á full vinnuafköst og þá dettur aftur inn helgi. Vítahringurinn er þrjóskur.

Vinnudjammið seinasta föstudag lifir ennþá á vörum manna. Giftir menn grínuðust sín á milli um ölvun sína með því að vera sammála um að auðvitað eltir maður stelpurnar aðeins eftir nokkra bjóra. Vitaskuld var bara dansað og spjallað og ekkert annað en það var bara hressandi að sjá þá vera svona afslappaða með það. Yfirleitt eiga giftir karlmenn að halda sig fjarri kvenkyninu ella eiga á hættu mistúlkanir, misskilning, rangtúlkanir, ásakanir og ofsóknir.

Karlrembubrandarar lifa góðu lífi í hinu nútímalega femínistasamfélagi. Um leið og tveir karlmenn mætast er ekki til eitt fallegt orð um kvenfólk (hvort sem ég tek þátt í spjallinu eða ekki!). Þessu leyndarmáli er hér með ljóstrað upp til minna dyggu lesenda.

Jæja þá nóg af fjasi. Ég fer á pósthúsið að sækja pakkasendingu frá TDC. Ætli ég verði nettengdur heima í kvöld?

Molar

Kannski ég reyni að lífga örlítið upp á þessa síðu með einstaka mynd í einstaka færslu. Mynd þessarar færslu var ég að finna í vinnutölvunni (örlítið klippt). Stuð og aftur stuð.

"..the scientists believe women can achieve just as much as men - as long as they work harder." Hressandi svo ekki sé meira sagt.

Tveir leiðinlegustu fótboltaleikir ævi minnar fylltu gærkvöldið og þriðjudagskvöldið hjá mér. Núll-núll eru ekki úrslit til að sætta sig við. ALLT annað er betra! Fótbolti er kominn á svarta listann í bili.

Ég sá ekki lokaþátt Rockstar um daginn en get ímyndað mér hitt og þetta eftir að hafa lesið eftirfarandi: "Magni closed Tuesday's show with a set that included an incendiary version of Deep Purple's ''Hush'' that was the only performance of the night that had me dancing in my living room." Annars spái ég hinni nýju hljómsveit dauða innan þriggja missera og að þeir gefi aldrei meira en einn disk út.

Orðið "frjálshyggja" kemur einu sinni fyrir á blatt.is, undir Frambjóðendur. Í staðinn fyrir frjálshyggju er Heimdallur nú með "frjálslynda framfarastefnu" sem vissulega hljómar nútímalegra en er bara orðaþvælingur og skrum. En það er í sjálfu sér gott að fá það skriflega staðfest að maður gerði enga vitleysu með því að fjarlægja sig Heimdalli á sínum tíma í nafni hugmyndafræðinnar.

Af hverju er ég að tuða út í kosningar hjá Heimdalli? Ég hlýt að hætta því núna.

Kaffihús hljómar eins og góð hugmynd.

Einhver asnakjálkinn eða handklæðahausinn rændi lestarstöðvarhjólinu mínu um daginn (hjólgarmur sem ég notaði til að komast á milli lestarstöðvar og vinnustaðar). Loftlaus dekk, mjög vafasöm bremsa á framdekk og engin á afturdekki, vondur hnakkur, biluð bjalla, og var meira að segja læst! Pirringur minn er gríðarlegur því núna bætast auðveldar 20 mínútur við ferðatímann minn á morgni og kveldi þar til nýtt hjóladrasl finnst eða fæst.

En að jákvæðari nótum: Heimsendir er ekki í nánd svo við getum róleg haldið áfram að bæta umgengni okkar við Móður Jörð á þann hátt sem við höfum gert undanfarna öld eða svo; með því að verða ríkari og ríkari og þar með pjattaðri og pjattaðri og snobbaðri og snobbaðri.

Að jákvæðum og persónulegum nótum: Innan einnar viku verður jólafrí mitt komið á hreint og vitaskuld gleðjast allir yfir því (geta þá planað hvenær á að vera á landinu eða flýja það).

Sumarið kom aftur!

Sólin er aftur sest að í Kaupmannahöfn og ekki verið líft í jakka eða öðrum skjólfatnaði í að verða viku núna. Húrra fyrir því!

Fótboltapartý hjá Daða og Svenna (og Freyju þessa dagana) eru hressandi þótt tilheyrandi skerðing á svefni sé síður hressandi daginn eftir. Niðurstaða gærkvöldsins: Leðurhausar kunna ekki að spila fótbolta ef þeir standa þá yfirleitt í lappirnar.

Litla systir ekki fyrr komin með ferðatölvu fyrr en hún lætur sjá sig á MSN í kennslustund. Skammast'ín stúlka, þótt glósurnar séu á netinu þá er ekkert sem segir að MSN megi vera í gangi.

Vinnufélagi minn var rétt í þessu að játa því að hann kysi Enhedslisten sem er í stuttu máli gamli góði sósíalisminn pakkaður inn í nýtt nafn. Ástæða? Hann vill ekki þetta "þeir sterkustu lifa af" hugarfar. Sá mun nú aldeilis fá endurmenntun í boði mín á næstu vikum því ef eitthvað er frumskógarlögmálið í stjórnmálum þá er það að þeir háværustu fá leyfi til að traðka aðra niður ef bara meirihluti hóps sem kallast stjórnmálamenn sannfærist um að það sé góð hugmynd. Urgh!

Hverjum dettur annars í hug að fyrirbæri eins og samhjálp, aðstoð, metnaður, velvilji, góðsemi og framtakssemi fæðist inn á skrifstofum manna og kvenna í þinghúsum heimsins? Sjálfsagt einhverjum.

Hvað um það, fótboltapartý á döfinni í kvöld. Bæjarlið Köben, FC København, komst á dularfullan hátt inn í Meistaradeildina og mætir Benfica í kvöld. Væntingar eru miklar og vonir sömuleiðis og því verður enn skemmtilegra að grínast í Dönunum á morgun þegar tapið er skjalfest.

Staðreynd: Lögbundin lágmarkslaun valda atvinnuleysi. Margsannað með bæði rökum og reynslu.
Tilgáta: Aukið magn koldíoxíðs í andrúmsloftinu veldur hækkun á hitastigi þess.
Af hverju eru þeir sem kyngja umdeildri tilgátu hrárri svona tregir til að sætta sig við staðreyndina? Mér dettur í hug eitt orð: Veruleikaflótti. Annað orð: Staðfestuskortur.

Hinn árlegi Heimdallsrússibani er farinn af stað. Enn á ný takast á hugsjónir og Samfylkingarfólk í dulargervi. Vonandi verður spenna í þessu (sérstaklega fyrir áhorfandann í fjarska sem fær hvorki símtöl né hvatningu um að mæta á kjörstað). Hugsjónarkandídatinn er óneitanlega myndarlegri. Í Háskóla Íslands var slíkt nægjanlegt til að viðkomandi fengi mitt atkvæði.

Það er nú meira hvað er mikið líf á MSN á hápunkti íslensks vinnutíma. Hressandi en athyglisvert. (Segir hver, bloggandi og linkandi út um allt? Já skamm bara!)

Ég ríf hausinn af einhverjum ef ég er ekki nettengdur heima innan 2ja vikna.

Yfir og út.

Helvítis helvíti

Það ætlar EKKI að ganga að fá sér nettengingu heima í landi pappíra og óstarfhæfra tæknimanna. Enn einu sinni er ég hættur við netþjónustu og enn og aftur stilli ég mér aftast í röðina hjá nýrri. Ekki spurja af hverju. Svona verður það að vera en líklega í seinasta skipti! Netlaus enn um sinn.
Kannski bara allt í lagi; næ þá kannski að komast yfir lesefni sem ég fékk frá Íslandi. Verst að útlánandi hvarf meira og minna með nettengingunni heima við.

Ég er að finna fyrir hættulegu hugarfari á vinnustaðnum: Dagarnir eru byrjaðir að endurtaka sig! Þetta á að vísu bara við um verkefnin. Fólkið hefur alltaf eitthvað nýtt að segja. Held ég verði samt að þrauka í nokkrar vikur af endurtekningum í viðbót á meðan við sönnum fyrir Frökkum að framleiðsla okkar haldi í 20+ ár.

Flugfreyjur eru hressandi (ofmálaðar en hressandi; ekki hressasta fólkið en hressandi). Sömuleiðis Barbafjölskyldan og Beggi með bakpokann með nammidrykkjunum góðu.

Nú er eins gott að EKKERT sé á döfinni helgina 23.-24. september því ég ætla að vera hérna!

Heimildamyndin Confronting the Evidence er mjög áhrifarík, bæði sem annað sjónarhorn á flugárekstra 9/11 og sem kosningamyndband fyrir bandaríska Demókrataflokkinn. Ég læt þó ekki hið síðara eyðileggja hið fyrra sem er í alla staði vel unnið.

Hvítu nýrun létu, að sögn, sjá sig á föstudaginn. Fólk sem mætir með bókina á djammið verður efst á aftökulistanum þegar byltingin er skollin á!

Ég gefst snemma upp í vinnu í dag og hananú.

Rúst í kvöld

Í kvöld mun Ísland sigra danska landsliðið í fótbolta og ég ætla að sjá það í beinni útsendingu á breiðtjaldi á meðan bjórinn streymir, Daði öskrar og Svenni gólar. Vonandi verða margir Danir á O'Learys í kvöld til að sjá landslið sitt lúta í lægra haldi.

Skattkerfi Danmerkur er alveg stórfurðulegt. Ég er ekki fyrr búinn að panta mér nettengingu sem ég borga af skattstofni mínum (og lækka þannig skattbyrðina og nettóverð nettengingarinnar) fyrr en ég kemst að því að ég get gert hið sama með... strætókortið! Hvað fleira ætli ég geti dregið af skattstofninum til að leggja örugglega minna af mörkum til stjórnmálamanna? (Ekki einu sinni reyna að segja mér að skatturinn renni til "samfélagsins"!)

Í blaðagrein í einu dagblaðinu var vinstrimaður að boða skattalækkanir á atvinnulífið til að leysa af frumskóg styrkja og annarra skattfjármagnaðra útdeilinga til atvinnulífsins. Ótrúlega hressandi að sjá svona lagað. Það eru jú oftar en ekki skattarnir sem gera það að verkum að fólk þarf á allskyns bótum og greiðslum að halda.

Menningarnótt Geirs Ágústssonar í boði .is sem er og verður elskuð, dýrkuð og dáð af mér (þrátt fyrir að hún spili baddíngton).

Kaffibollinn minn var þveginn að innan um daginn. Núna bragðast kaffið úr honum illa, eiginlega flatt. Seinast þegar einhver þvoði kaffibollann minn að innan tók næstum 2 mánuði að byggja upp almennilega skán aftur. Af hverju gerir fólk mér þennan grikk?!

Danir eru einfeldingar. Við sem fengum sundferð í kajakleikfimi gærdagsins erum búnir að heyra sama brandarann frá öllum brandaraköllunum á vinnustaðnum (sérstaklega þeim sem voru ekki á svæðinu): "Hó, hó ég heyrði að þú hefðir dottið í vatnið í gær, hó hó skoða fiskana?" Færri hafa minnst á hetjudáð mína, að leggja mun stærri og digrari menn í súmóglímu.

Block með Machine Head er yndisleg stemming.

Af einhverjum ástæðum grunar mig að ég muni búa í Vesturbænum eftir 4 ár. Skrýtin tilfinning.

Sommerfest á föstudaginn og spurningin er þessi: Á ég að skemmta mér eða tala við kvenfólk?

Ég sé gólfið mitt aftur

Þá er barbafjölskyldan flutt að heiman og ég sé aftur í gólfið heima hjá mér.

Mikið las ég góðan punkt í þéttsetnum strætó í morgun: Þegar stjórnmálamaður segir að "almannavilji" sé fyrir einhverju en leggur jafnframt til að ríkið taki þetta eitthvað að sér, þá er hann að ljúga! Ef almenningur vildi í raun þá mundi hann, án aðstoðar atvinnumanna í því að túlka og knýja á því sem þeir kalla almannavilja. Kristaltært ekki satt?

Í dag kl 14 held ég ásamt litlum verkefnahópi í vinnunni norður til Frederiksværk til að sigla á kanó og síðar borða og væntanlega drekka (áfengi auðvitað, þetta er Danmörk). Ég er í engu stuði fyrir þetta en tók samt með mér nauðsynlegan útbúnað. Þarf bara að byggja upp stemmingu, ekki satt!

Rebekka rokkdrottning er fallegur einstaklingur.

Greyið hún Dóra í deildinni minni. Fyrir um ári síðan brotnaði hún niður af stressi (ofhlaðin bæði í vinnu og heima) núna stefnir í a.m.k. fjórða veikindafríið hennar vegna þess. Hún er augljóslega að berjast en áttar sig ekki á því þegar hún hefur tekið of mikið að sér og því fer sem fer, aftur og aftur.

George Constanza komst einu sinni að því að til að líta mjög upptekinn út væri nóg að sýnast vera mjög pirraður, og vera alltaf stuttur í spuna við fólk. Ég gerði tilraun um daginn þegar ég gat ekki unnið sökum þynnku og þreytu og niðurstöðurnar eru á einu máli: Þetta virkar!

Núna veit ég að ég er ekki lengur í fríi því ég er aftur byrjaður að setjast á postulínið á sama tíma á hverjum degi. Rútínan er hafin á ný.

Jæja, best að fara drukkna á kajak út á hafi.

Dagdrykkja er god

Netkaffihus eru sveittir stadir en naudsynlegir endrum og eins. Dadi sessunautur gæti ekki verid fallegri madur ef hann reyndi. Er kannski bjorinn og vodkinn ad tala nuna?

Stikkord:
Vinnuthynnka fimmmtu- og føstudag - La Fontaine fyrir kl 22 - Færeyingar - ibudin vægast sagt thjett setin - hardi diskur Svenna - typpid a Dada.

Frettir af islenskri politik eru alltaf fyndnar, barnalegar og heimskulegar. Dæmi: Steingrimur J kemst upp med ad kalla stil VG "gladlegan" og fa thad birt. Otrulegt.

Annars hef eg enga tholinmædi i internet nuna. Solin er komin aftur og solgleraugu eiga ad berast utandyra.

Blauta Danmörk

Enn einn flutningurinn innan vinnustaðarins nú að mestu afstaðinn. Mér fer bráðum að líða eins og Milton í myndinni Office Space.

Kannski ég reyni að finna hlutastarf fyrir næstu 2-3ja vikna Íslandsdvöl. Ég held að mér finnist betra að vera í fríi FRÁ venjulega vinnustaðnum en að vera í algjöru aðgerðarleysi á daginn.

Mikil rigning í Danaveldi eins og við var að búast og meira að segja þrumuveður í gærdag.

Lítur út fyrir ágætt samansafn af ferðalöngum til Köben á þessu misseri. Fallegu Strákarnir mínir hafa (flestir) lofað sér í nóvember, Fjármálaráðgjafinn er settur á okt.-nóv. einhvern tímann og Doktor Valur lætur líklega sjá sig einhvern laugardaginn. Á óskalistanum eru margir, t.d. flestir þátttakendur Ölympíuleikanna 2006, fyrrum kattareigandinn (og núverandi fátæki námsmaðurinn) í Firðinum og vel valin skyldmenni.

Danir skiptast áberandi í tvennt þegar kemur að því að kunna meta sælgætið Þrist.

Ruslritið Orðið á götunni segir að Björn Bjarnason sé "andlegur leiðtogi frjálshyggjuaflanna", þá væntanlega í Sjálfstæðisflokknum. Hvaða vitleysa er það eiginlega?! Þótt ég sé enginn Sjalli þá get ég ekki varist því að segja: Áfram Heiðrún!

Dagurinn í dag hefur verið mikill eirðarleysisdagur. Ég get varla tekið að mér fleiri verkefni því rétt handan við hornið er flóðbylgja þeirra og í millitíðinni er bara að reyna dunda sér við vanrækt smáverkefni. Ég skrifa varla alla viðverutímana á mig í dag. Samviskan leyfir ekki slíkt.

Vel grunnt í veskinu eftir Íslandsför en samt ekki eins grunnt og verstu spár gerðu ráð fyrir. Húrra fyrir því.

Ég býst við að Danmörk þyngist um kvart-tonn í dag. Sjáum hvort landið nái að halda sér á floti eftir það.

Back to Baunaland

Þá er maður kominn aftur til vinnu eftir mjög svo ágætar tvær vikur á Íslandi. Þynnkan er að mestu horfin, t.d. þökk sé góðum mat í mötuneytinu í hádeginu og nú er bara að taka upp þráðinn þar sem frá var horfið.

Vinnuveitandi minn er geðveikur. 300 manna vinnustaður sem "søger op mod 50 nye medarbejdere" á einu bretti. Hvað á allt þetta fólk að gera?! Núna segja þeir að ef maður þekkir einhvern eða þekkir einhvern sem þekkir einhvern, "så er det nu de skal prikkes på skulderen, og komme ud af busken!" Einhver til í tuskið?

Ég er yfirleitt seinastur með fréttirnar þegar kemur að því nýjasta og sniðugasta á netinu en mæli engu að síður með þessu (ef það virkar).

Á morgun lendir þungaflutningavél á Kastrup með tvær íturvaxnar íslenskar kjötbollur sem ætla að gista hjá mér í vikunni. Ég geri ráð fyrir léttum þrengslum en það er í lagi.

Þá Tyrkinn er byrjaður að ryksuga. Yfir og út.

Breyttar áætlanir

Ferðaplanið er örlítið breytt. Ég verð fram á mánudag á Klakanum sem þýðir að ég næ Ölympics og er ákaflega glaður yfir því! Hlynur og vitaskuld Daði kóngur fá þakkir fyrir nauðsynlega hvatningu og góðmennsku, greiðamennsku og almenna fegursku (sem hér með er til sem nýtt orð í íslensku).

Þurrkurinn sem ég lofaði mér í seinustu færslu hefur haldið, maginn orðinn góður aftur og helgin handan við hornið. Allt eins og það á að vera.

Veðrið snarbatnaði skömmu eftir að breytt flugáætlun var ákveðin. Nema hvað.

Ég var búinn að gleyma því hvað pólitísk umræða á Íslandi er grunn, jafnvel grynnri en sú danska (þá er mikið sagt).

Megavika með megadrengjum kallar. Yfir og út.

Stiklur

Ég verð víst að skrifa eitthvað hjá mér svona upp á minningavarðveisluna.

Líkaminn er í hakki núna og efast ég um að áfengi muni snerta mínar varir í dágóðan tíma (eða þar til ég er hættur að kúka á ca 3 klst fresti og búinn að hósta úr mér tjöruleðjunni í lungunum). Að sjálfsögðu var djamm á föstudaginn og að sjálfsögðu á menningarnóttina en lítill svefn (t.d. í sófa Gauta milli kl 8 og 11 á sunnudagsmorgun) og mikið þamb seinustu daga (t.d. miðviku- og fimmtudagskvöld) hefur nú loks tekið sinn toll.

Annars eru seinustu dagar búnir að vera ákaflega ágætir. Margt öðruvísi en planað, en ekkert við því að gera. Annað nýtt á planinu, og bara hægt að kalla það jákvætt. Nú er bara að einbeita sér að hvíld í sem ódrukknustum félagsskap á seinustu frídögunum svo maður byrji ekki vinnuvikuna á að óska sér hvíldar og frídags.

Ísland #1

Ísland er ekki búið að svíkja, hvorki fólkið né landið. Það er þá helst ég sem er búinn að svíkja en það angrar mig lítið í bili.

Ég skil ekki þetta kvart og kvein út af íslenska sumrinu - hér er búið að vera rjómablíða síðan ég lenti á föstudaginn! Undantekningin er örfáar skúrir og smá rok um daginn en ekkert til að æsa sig yfir.

Það er von fyrir Flokkinn, kannski!

Þótt Íslendingar rakki land sitt og landa mikið niður þá verð ég bara að segja eftirfarandi: Ísland er svalara og fallegra en Danmörk nokkurn tímann. Gallar Íslands tengjast því fyrst og fremst hvað það er fámennt sem hefur vissulega áhrif á hugarfar og einnig atvinnulífið. En Ísland er kúúúúl.

Kannski var ég að bjarga tölvu mömmu frá hægum dauða núna. Gott hjá mér. Hótel Mamma er frábært hótel. Getur einhver sagt mér af hverju ég flutti að heiman til að byrja með?

Takk fyrir frábært brúðkaup

Hressandi brúðkaupsmyndir

Ísland á morgun

Þá er rétt tæpur sólarhringur þar til ég flýg af stað til Íslands. Lending kl 15:10 (ánægjulegt að græða 2 tíma og tapa þar með bara 1 klst í flug). Síminn verður (ef ég man eftir símakortinu) 6948954 eins og svo oft áður.

Sólin er enda búin að yfirgefa Danmörku í bili og orðin að rigningu, hlýindum og örlítilli golu.

Neisko, en ánægjulegt að vita til þess að eftir 20 ár af erfðabreytingu matvæla með tilheyrandi neyslu milljarða málsverða, "there is not a single documented case of injury to a person or disruption of an ecosystem". Genabreyttan mat á diskinn minn! Dylgjur eru ekki skjalfesting eða staðfesting á neinu.

Stjóri stjóra (og þar með minn stjóri) á alveg yndislega myndarlega dóttur. Hún ætti að vera bönnuð.

Lagt hefur verið til að makaval verði ríkisvætt. Þetta er hið besta mál. Núna á ég "rétt" á kvenmanni gædd hinum og þessum kostum. Geri hér með kröfu á "sjálfsögð mannréttindi" mín: Útungunarvél sem heldur sér alltaf í toppformi og toppástandi ásamt því að segja bara krúttlega hluti, og þá aðeins að á hana sé yrt.

Jæja nóg af fjasi. Næsta fjas verður á Klakanum.

Vítahringur sambandsins

Eftirfarandi félagsfræðikenning er hér með opin fyrir rýni lesenda.

Kenningin um sambönd, sambúð og aðrar samvistir:
Barnæskan er laus við allar áhyggjur af ástarlífi og samböndum. Þetta breytist u.þ.b. þegar gagnfræðiskólinn tekur við. Í gaggó þykir ekkert fínna en að vera "í sambandi" og "eiga kærasta/kærustu".

Menntaskólinn tekur við og lítið breytist. Voðalega fínt að vera í sambandi og tala um kærustu eða kærasta.

Háskólinn snýr þessu á haus. Nýtt fólk, félagslíf og kæfandi námsálag. Sambönd í háskóla eru ríðusambönd eða fjárhagsleg skynsemi. Þetta hugarfar heldur út þrítugsaldurinn. Málið er að vera laus og liðugur, skemmta sér eftir töpuð sambandsár í menntaskóla og tapað félagslíf í skóla. Vinna og djamm er mottó tuttugu-og-eitthvað-ára.

En svo slær árið 30 (stundum 35) og þá breytist allt aftur. Nú byrjar fólk að hugsa fram í tímann; börn, hús með garði, lífeyrir, ábyrgð, fullorðinsár. Núna er gengið út frá því að maður sé í sambandi ef ekki hreinlega kominn í hnapphelduna og börnin eiga beinlínis að vera fædd.

Örlítill viðsnúningur tekur við í kringum 45-55 árin. Karlmenn fá gráan fiðring og konur sofa hjá án þess að kaupa sér sportbíl eða nýtt golfkylfusett. Þetta líður samt hjá þegar eignaskipti og forræðisdeilur hóta að verða mikið vesen og þegar óttinn um að vera einn/ein í ellinni skýtur upp kollinum.

Gift fólk og fólk í löngum samböndum er aftur orðið hið sjálfsagða.

Ellin er svo lokaskrefið. Fólk er saman þar til makinn fellur frá og loks manneskjan sjálf.

Endir.

Island: 3 døgn

Þá rann 12. vinnutími dagsins upp og ég er enn í fullu fjöri. Of mikill svefn er ofmetinn þótt hugtakið sem slíkt sé ekki til á meðan maður liggur undir hlýrri sæng og hlustar á leiðinlegt vekjarahljóð.

Vinnutörnin er dæmigerð vikan-fyrir-frí-törn sem felst í að ryðja frá sér eins miklu og mögulegt er. Ég held ég taki stuttan dag á fimmtudaginn ef ég næ öðrum eins vinnudegi á morgun. Sumarfrí fyrir sumarfríið.

Litli ljóshærði lærlingurinn minn virðist hafa gefið upp öndina sem er mikil synd og skömm. Vonandi lifnar aftur yfir með lækkandi haustsól.

Enn og aftur auglýsir vinnuveitandinn minn eftir fólki og þá sérstaklega verkfræðingum. Haldið endilega áfram að kaupa rándýrt bensín! Blaðsíða 3 (efri hluti) í þessu plaggi er æsispennandi ekki satt?!

Ætlar stýrivaxtavitleysan engan endi að taka á Íslandi? Ég sakna skýrt hugsandi hagfræðinga í íslenskri umræðu. Apakattaraðferðin Verðbólga fer upp > Stýrivextir hækka virðist ekki alveg að vera slá í gegn. Verst að maðurinn lifir ekki lengur en að jafnaði í 70 ár. Þá myndu e.t.v. einhverjir "muna" þá gömlu góðu daga þegar myntir voru á gullfæti og verðbólga var ekki til (nema sem dægursveiflur og á meðan ríkið eða bankar í skjóli þess voru ekki að þynna út myntir eða falsa inneignarnótur).

Íslandsfiðringur er örlítið byrjaður að segja til sín.

Þá náði "mannréttinda"umræðan loksins heilum hring í kringum sjálfa sig: Bannað að mismuna eftir vilja til að reykja! Nú er það auðvitað svo að enginn hefur "rétt" til að anda að sér reyk eða ekki anda að sér reyk. Hins vegar hafa allir rétt til að flytja sig frá einni landareign til annars og framfylgja þeim umgengisreglum sem eigendur viðkomandi landareigna setja gestum sínum. Þetta með rétt til þessa og hins í formi lögregluframfylgdrar tískusveiflu frá Alþingi eða Brussel hlaut að skjóta sig í fótinn fyrr eða síðar.

Jæja nú gerði ég mig bara reiðan. Best að hugsa um eitthvað annað til að lyfta lundinni (meðal annars).

Til sjúklings: BATNA!

Ljúkum þessu á hressandi tengli:
Hið yndislega frelsi - frá sköttum!

Stiklur (með pólitísku ívafi)

Helgarmolar: Símtal úr Eyjum, sötur með Ingimar, MR-ingar á Strikinu, mikill svefn. Með öðrum orðum alveg ljómandi.

Mánudagur í steikjandi sól. Danskar svokallaðar "kundeservice" (þjónusta-við-viðskiptavini) sanna enn og aftur vanhæfi sitt. Ég verð líklega netlaus út þennan mánuð og hugsanlega fram í miðjan september. Ég hlífi lesendum við langri sögu en fussa og sveia í staðinn. Lexían: Það er alltaf auðveldara að skrá sig í eitthvað í Danmörku en að skrá sig úr einhverju.

Gamalkunnug ræða: "..nálega fimmtíu milljónir Bandaríkjamanna eru ótryggðar fyrir veikindum og slysum." Þetta er vægast sagt villandi. Hið rétta er: Á hverjum tímapunkti eru nálega 50 milljónir Bandaríkjamanna án heilbrigðistryggingar. Mæli maður aftur þremur mánuðum seinna kemur í ljós að meirihluti hópsins eru aðrir einstakingar en þeir í hópnum þremur mánuðum fyrr. Þorvaldur fer ekki með rangt mál, en hann er ónákvæmur.

Frakkatuð dagsins...
Í gær las ég grein sem endurvakti trú mína á frönsku þjóðinni. Sú mynd sem við fáum af mótmælandi vinstrisinnuðum óeirðarseggjum er villandi. Einkageirinn í Frakklandi er einn sá framleiðnasti í heimi og frönsk fyrirtæki eru fremst í flokki þegar kemur að útrás og þátttöku í alþjóðavæðingunni (þó örlítið minna þegar kemur að uppkaupum útlendinga á frönskum fyrirtækjum). Þökk sé franska einkageiranum geta menn eins og Þorvaldur Gylfason flaggað framleiðni Frakka til að sýna fram á óágæti Bandaríkjanna.

Misskilningur dagsins:
"It was Friedman who knocked the stuffing out of Keynesianism - the postwar consensus shared by almost all economists, that governments could guarantee stable growth through cheap credit and a few tweaks to the tax system."

Ég efast um að það sé skemmtilegt að ausa vatni yfir hvíta hvalinn en þá er bara um að gera og finna sér eitthvað annað til dundurs.

Mikil skemmtun að berast mér í gegnum SMS skilaboð núna. Að hlægja upphátt á dauðaþöglum næstum tómum vinnustað fær höfuð til að snúa við.

Excel lét segjast. Gott.

Svíþjóð er eitt frjálsasta markaðshagkerfi heims þótt við þekkjum landið e.t.v. best fyrir það sem dregur úr mætti landsins: Háa skatta, umsvifamikið ríkisvald og afskiptasemi af áfengisneyslu. Steingrímur J. vill apa upp hið slæma (falsaðar atvinnuleysistölur og risavaxið embættismannabatterí) en ekki hið góða (vaxandi einkarekstur í mennta- og heilbrigðiskerfi, til dæmis).

Nóg fjas. Yfir og út.

Fjas á föstudegi

Morgunstund gefur gull í mund svo sannarlega. Var sofnaður fyrir kl 21 í gærkvöldi og mættur til vinnu rétt um kl 7 í morgun og ekki vottur af þreytu í mér. Ég verð hreinlega að taka fleiri svona daga. Hætta snemma, eyða síðdeginu í eitthvað afslappandi (t.d. kaupa ryksugu, fara í bankann, kíkja til sjóntækjafræðings og drekka bjór).

Orðið "deit" (óháð stafsetningu) er hér með gert útlægt sökum hátíðleika.

Kannski ég mæti til vinnu á morgun. Það var svo friðsælt hérna seinast þegar ég mætti á laugardegi og gerði það að verkum að vikan varð örlítið afslappaðri með örlítið grynnri verkefnabunka.

Til að útskýra Frakka-óþol mitt: Ég er meira og minna fastur í verkefni hjá hálf-frönskum viðskiptavin (verktaki) sem aftur er viðskiptavinur fransks fyrirtækis (olíufélag). Frakkarnir hjá þessum fyrirtækjum eru í miklum slag þessa mánuðina sem aðallega snýst um að halda aftur af upplýsingum sem hinum vantar og krefjast þess að skýrslur og skjöl komi út í ákveðinni röð sem er síðan gerð ómöguleg því ef skýrslu A vantar upplýsingar en skýrslu B ekki þá getur skýrsla B ekki komið út ef kúnninn vill fyrst fá að lesa skýrslu A.

Frakkar elska skrifræði og ég þoli það ekki. Þeim er í sjálfu sér sama hvaða vandamál koma upp eða hvaða flækjum þarf að greiða úr; þeir vilja bara fá skýrslu A áður en þeir fá skýrslu B.

Ég gæti haldið endalaust áfram en niðurstaðan er sú að Frakkar eru búnir að sýna mér í verki hvers vegna þeir eru búnir að eyðileggja efnahag sinn og samfélag (ef franskir verkfræðingar eru eins og ég hef upplifað þá kemur mér ekki á óvart að Frakkar almennt séu 10x verri).

Fyrir forvitna um "vísinda"umræðu gróðurhúsaáhrifanna vil ég endilega benda á þessa lesningu og þessa (osfrv osfrv) og endurtaka eftirfarandi orð áhrifamikils maðurinn-er-að-hita-jörðina-fræðings: ""We have 25 or so years invested in the work. Why should I make the data available to you, when your aim is to try and find something wrong with it?"

Allt lesefni sem ég bendi á er af sömu síðu en það ætti bara að gera lesninguna enn fróðlegri fyrir þá sem treysta á fjölmiðla til að segja sér fréttir af gróðurhúsavaldandi áhrifum mannsins.

Núna verð ég eiginlega að drífa mig af vinnustaðnum áður en stjóri leggur enn eitt verkefnið á borðið mitt áður en hann fer sjálfur í frí. God weekend!

Bara úglenskir stafir

Net-thorstinn tok yfirhøndina i kvøld og thad auk gods hvata leiddi mig inn a netkaffihus. Eg kann samt ekkert ad sitja a svona stad lengur. Vonlaust ad sitja fyrir fram tølvuna i buxum og finnast einhvern veginn timinn alltaf vera renna ut. Eg kann ekki ad sørfa undir pressu.

Rakst tho a magnada tilvitnun: "Hægrimenn virðast einhverra hluta vegna vera mun vantrúaðri á gróðurhúsaáhrifin en vinstrimenn. Þetta er einkennilegt þar sem um hreina vísindaspurningu er að ræða." Ef umrædan væri bara svona einføld ad hrein visindi hefdu alltaf yfirhøndina. Tha væri t.d. buid ad utryma sosialisma og felagshyggju og fullyrdingum um ad kapitalismi hafi valdid "alvarlegum afleiðingum fyrir verkafólk" i neikvædri merkingu (alvarlegri lifskjarabætingu vissulega). Veldur madur afleidingum?

Deit med Ingimar um helgina komid a blad. Goooooott. Ef eg næ ad henda einni Ósk og einum Óla med tha væri thad ekki verra.

Pandora.com er yndislegt internet"utvarp". Jafnvel betra en nokkurt diskasafn. Postnumer i USA er reyndar krafa en 90210 svinvirkar svo um ad gera og nota thad.

Island nalgast. Liklega liggja 50-60 vinnutimar a milli min og hreinnar samvisku fyrir ferdalag en vaninn er nu sa ad fara i fríid med ohreina samvisku og eg byst ekki vid neinum breytingum a thvi ad thessu sinni.

Hrós dagsins fær Arnar fyrir ad vera ákaflega heilsteyptur og vandadur madur.

Diss dagsins fá Frakkar, aftur, fyrir ad vera skítugir lúsablesar.

Magnaður Múr í dag

Múr dagsins: "Á sama tíma voru Kúbumenn iðnir við að styrkja byltingarhreyfingar í Afríku, ekki síst í Angola. Þar unnu Kúbumenn frækinn sigur á skæruliðum sem gerðir voru út af stjórn Suður-Afríku. Telja þeir sig með nokkrum rétti hafa grafið undan apartheidkerfinu."

Er í lagi að standa í stríðsbrölti í erlendu landi ef það er gert í nafni blóðlitaðs fána sósíalismans?

Múrsmenn hafa í gegnum tíðina eytt miklu púðri í að gagnrýna Bandaríkjamenn fyrir nákvæmlega sömu tilhneigingu til að styrkja baráttu gegn eða berjast sjálfir gegn hinum ýmsu "ógnum" og "óréttlæti" um víða veröld. Kúbumenn vinna "frækinn sigur" í baráttu málaliða þeirra í erlendu landi gegn erlendum ógnum eða óvinum á meðan Bandaríkjamenn eru sagðir stunda árásarstríð og styrkja glæpamenn, einræðisherra og hryðjuverkastarfsemi.

Múrinn dettur hér með á svarta listann þar til ég fyrirgef honum þessa argandi mótsögn við sjálfan sig.

Niðurtalningin er hafin

Núna er bara rétt rúm vika í Íslandsför. Mikið verður gott að gera ekkert í tvær vikur.

Í tilefni nýafstaðinnar Ólafsvöku í Færeyjum þar sem herramenn eins og Barbapabbi og Fjármálaráðgjafinn voru meðal gesta verður nú boðið upp á hressandi leik á þessari síðu: Farø Fun. Gleðilega keyrslu yfir færeyskt sauðfé!

Þá er sæta stelpan með kynþokkafullu röddina farin heim í dag og ég er því að hugsa um að gera það sama. Stemming næsta hálftíma ræður samt framhaldinu.

Úbbs nei hún situr hér enn. Ég fer ekki fet.

Ég fyrirlít kerfið sem við þurfum að nota til að skrá tímana okkar í. Fyrir vikið er ég vel á eftir í að skrá í það sem veldur mér svolitlum áhyggjum en ekki nægum til að ég leggi í skráningu.

Núna er sumarsstarfsmaðurinn og Tyrkinn í deildinni minni kominn í einhverja heljarinnar landkynningu með myndasýningum og öðru eins. Hann talar líka mikið. Ef ekki við mig þá við sjálfan sig. Spes.

Ég nenni heldur ekki að bíða í danskri símabiðröð í dag.

Mæðgur mínar (hæ mamma!) eru alveg hreint yndislegar stúlkur. Þess vegna er þeim fyrirgefið fyrir að halda að ég hafi verið að panta (í heimsendingu) kennslubók í eðlisfræði handa mér frá Bóksölu stúdenta.

Þetta með að vera berfættur í vinnunni er snilld.

Ég kann ekki lengur að spjalla á MSN eftir alla netfjarveruna.

....og svo byrjar pólitíska tuðið:

Ég má til með að hrósa mér fyrir frábæran punkt: Stríð eru bara dæmi um ríkisafskipti og þeir sem eru hlynntir umsvifamiklu ríki en segjast vera á móti hernaðarbrölti ættu að athuga stöðuna á mótsagnarmælinum gaumgæfilega.

Múrinn af alkunnri andúð á Bandaríkjunum og öllu sem bandarískt er (nema heimildamyndum sem boða tortímingu heimsins og afvopnun almennings) segir í dag: "Bandarískir sjónvarpsframleiðendur moka efni sínu til annarra landa á afsláttarkjörum og við þau geta framleiðendur frá smærri og fátækari samfélögum ekki keppt." Eitthvað er þetta í mótsögn við það sem ég las einhvers staðar um að 365 fjölmiðlar séu farnir að borga svo vel fyrir vinsæla bandaríska sjónvarpsefnið að RÚV eigi orðið ekki séns í það. Líka gaman að sjá Múrsmenn benda á að "fátækari" samfélög eigi erfitt með að keppa við framleiðsluna frá Bandaríkjunum. Ætli Múrsmönnum detti næst í hug að til að geta framleitt eitthvað þurfi framleiðendur, og að eftir því sem þeir eru fleiri því meiri líkur séu á að einhver finnist til að fjármagna hugmyndir manns, og að í slíku umhverfi sé líklegt að sem fjölbreyttast efni verði til (þótt vitaskuld muni það ná mestri útbreiðslu sem hefur hvað lægstan samnefnara)? Múrsmenn ættu að íhuga að skipta yfir í málstað auðsköpunar og frelsis í stað þess að grenja endalaust eftir því að stjórnmálamenn ræni og rupli til að fjármagna frístundaruppfyllingu sína.

Múrinn segir: "Rekstur sjónvarps er ekki eins og hver annar stórmarkaðsrekstur heldur er sjónvarp menningarmiðill og það er verkefni samfélagsins að tryggja að íslensk sjónvarpsmenning standi undir nafni." Ætli Múrsmenn dæmi mig þá ómenningarlegan fyrir að hafa ekkert sjónvarp á mínu heimili? Múrsmenn ættu að finna gjafmilda fjárfesta til að slá í púkk og dæla fé í sjónvarpsefni sem kemur aldrei til með að borga sig. Það væri örlítið kurteisari leið til að afls sér glápefnis en að siga lögreglunni á þá sem hafa aðrar hugmyndir um hvernig á að eyða launum sínum og frítíma. Pirr!

Auk þess efast ég um að allt leiðinlega "vandaða" breska draslið sem BBC fjöldaframleiðir á reikning breskra launþega kosti svo mikið. Múrsmenn ættu að fá sér fjölvarpið eða vera duglegri við að kaupa sér DVD í gegnum netið.

Yfir og út.